مصر موتورز مجتمع السيارات - جوله داخل .... المصنع الشفاف

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - جوله داخل .... المصنع الشفاف (https://www.masrmotors.com/vb/showthread.php?t=24460)

رد: جوله داخل .... المصنع الشفاف

اقتباس:

المشاركة الأصلية كتبت بواسطة SuMo (المشاركة 168955)

تسلم ايدك يا سموح
بس احلى ما فالموضوع الحته البيتل دى
متعرفش تعمل كام

ماشي يا سومو
أسألك عليها واقولك .. بس اكيد مش حتبقى اغلا من الفايتون ptmnlo123per111

اقتباس:

المشاركة الأصلية كتبت بواسطة Ahmed Anwer (المشاركة 168960)

سامح باشا يتألق ،،،

بس أيه مش منقول ايه دي ؟؟

أنتا روحت المانيا امتي ؟؟

لا متقلقش .. بعت الكامير الديجيتال بعثه وكملت الموضوع من هنا
هو الصراحه انا شفت ريبورتاج على قناه ديسكفري ( اللي موجود الفيديو بتاعه ) فعملت سيرش عنه وجمعت شويه معلومات
يمكن افضل موضوع لقيته عنه هو ده .. و هو اللي جبت منه الصور
http://autospeed.com.au/cms/title_Volkswagens-Incredible-Glass-Factory/A_2538/article.html

وتقريبا ملقتش اي حاجه عنه بالعربي
فالموضوع كده مش منقول ... لكن ممكن تقول مقتبس و مترجم من عده مصادر ptmnlo123per140

اقتباس:

المشاركة الأصلية كتبت بواسطة ayman abdelrazek (المشاركة 169001)

رائع والله العظيم ياسامح بجد تقرير ولا اروع ،،،

بس مصنع حكايه وعجبتنى اوى الارضيه المتحركه

زى اللى فى مصنع غبور (خط تجميع الفيرنا بالظبط)

جتنا نيله فى حظنا الهباب:cry2W9:

فعلا يا ايمن خط تجميع الفيرنا كده بالظبط ... بس مع فرق بسيط .. ان كل حاجه في المصنع بتتحرك و الفيرنا ثابته في مكانها

اقتباس:

المشاركة الأصلية كتبت بواسطة horas3000 (المشاركة 169094)

:cry2W9:
مفيش احسن من الايموشن ده اعبر بيه عن احساسي

ايه ده
يا راجل انا مستعد اروح اعيش هناك مش اشتغل بس
انا لو رحت المصنع ده هعمل زي السعودي اللي كان بتكلم عليه الراجل في الفيديو
تسلم يا باشا علي التقرير الرهييييب ده

بس اخدت بالك من نبره صوته و هو بيتكلم عنهم ... شكلهم فضحوا الدنيا او عملو زي العيال اللي لقوا لعبه جديده في الملاهي .. انا عن نفسي لو روحت هناك يمكن افرح اكتر من العيال في الملاهي ... حاجه تعقد بجد

رد: جوله داخل .... المصنع الشفاف

اقتباس:

المشاركة الأصلية كتبت بواسطة tareksakr (المشاركة 169131)

فعلا سام رام المبدع مصنع لا أروع ولا أحلي ,لا أشيك أنضف مصنع سيارات في العالم فعلا حاجة مبهرة جداتسلم ايدك يا سامح

تسلم يا طارق باشا ...
هو المصنع فعلا نضيف و شيك جدا .. بس بزياده اوي
يعني انا لو اشتغلت في مصنع زي ده مش حرضى اعيش في بيتنا

اقتباس:

المشاركة الأصلية كتبت بواسطة dr.amr (المشاركة 169132)

ptmnlo123per144ptmnlo123p er1106

ليك حق يا دكتور ... اعتبره حلم .. حاول تنسى وتتعايش مع الواقع ..

رد: جوله داخل .... المصنع الشفاف

اقتباس:

المشاركة الأصلية كتبت بواسطة corsair (المشاركة 169141)

تسلم ايدك يا سموحة والله يا عم الواحد يروح يجيب العربية من هناك ويريح دماغه

يا ريت ... انا مستعد امشي مع خط انتاجها حته حته .. بس حيدوهاني بكام
خلي بالك ان الفايتون اعلا حاجه في فولكس ...

اقتباس:

المشاركة الأصلية كتبت بواسطة fadynabil (المشاركة 169149)

حرااااااااااااااااام ,, لو لم أكن مصرياً لوددت أن أكون ألمانيا
( الله يرحمك يادرش .. تيجي تشوف اللي كنت بتقوله .. واهو أيامها مكانش في يو تيوبptmnlo123per144 )

هو مصنع علامه حتى في اوروبا نفسها
هي رساله من فولكس بمدى جودتهم و دقتهم وكفائتهم العاليه
بس اللي انا مستغرب له انهم عملوه لفولكس .. مع ان الاوقع كان يتعمل لاودي باعتبارها القسم الفاخر لفولكس جروب

اقتباس:

المشاركة الأصلية كتبت بواسطة خالداعزالناس (المشاركة 169153)

تسلم ايديك على الموضوع الحلو دا
مصنع انيق ويليق بالصانع الالمانى الشهير
ياريت نشوف مصنع تجميع فى مصر بالحلاوه والجمال دا
والامثله كتير
ممكن
هيونداى .... مرسيدس .... بى ام دبليو
تعمل مصنع بالجمال دا فى مصر وفى اكتوبر
ويكون مفتوح للناس كلها تتفرج على صناعه وتجميع السيارات

غبور لو عمل مقر اداري بالنضافه دي يبقى انجاز
دي الحيطان ملطشه في استراحه خدمه العملا !!

بس انا دخلت الورش تحت .. و اقدر اقول انها نضيفه بالنسبه لورش تصليح عربيات

لكن طبعا مفيش اي وجه للمقارنه ... دول لابسين ابيض
صنايعيه غبور بيلبسو كحلي و باينه فيه البقع !!

رد: جوله داخل .... المصنع الشفاف

شكرا يا سامح باشا علي الموضوع الرائع
انا شفت صور المصنع دا في مجله سبور اوتور سنه 2002 !!!1
و اكتر حاجه لفتت نظري فعلا انهم لابسين ابيض
زي عمال مصانع هوندا بالضبط
علشان المراقبين لو شافوا اي بقعه زيت او شحم علي الهدوم يعرفوا ان فيه حاجه غلط في العمل

ناس بتفهم بجد
شكرا سامح باشا:)

رد: جوله داخل .... المصنع الشفاف

اقتباس:

المشاركة الأصلية كتبت بواسطة hazem_khidr (المشاركة 169277)

فعلا يا حازم باشا ... هو المصنع من 2002 وابتدو في وضع حجر الاساس سنه 1999 ... يعني بنوه خلال 3 سنين بس و بتكلفه 320 مليون دولار.. وده لوحده انجاز كبير
بس انا مسمعتش عنه الا لما شفته في ديسكفري الشهر ده و عجبني جدا بصراحه وفضل معلق معايا وعملت سيرش عنه
و اعتقد ان في كتير برضو زيي اول مره يسمعو عنه .. علشان كده قلت اجيبه للناس يشوفوه معايا
وهوندا انا شفت ريبورتاج عن مصنع تصنيع الموتوسيكلات ... وكانو فعلا لابسين ابيض ومفيش نقطه زيت واحده على الارض حتى
ومعدل انتاجهم موتوسيكل في الدقيقه .. يعني كل 60 ثانيه بتخرج وحده كامله من خط الانتاج
بس بصراحه مفيش وجه للمقارنه مع مصنع فايتون