مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - موتور الفيرنا (https://www.masrmotors.com/vb/showthread.php?t=121615)

رد: موتور الفيرنا

المواتير ذات البلوك الالمونيوم لا تصلح للعمره
مصاريف علي الفاضي
الحق نفسك واتاكد قبل ماتصرف

رد: موتور الفيرنا

اقتباس:

المشاركة الأصلية كتبت بواسطة mostafakamal (المشاركة 935256)

شكرا للاستاذ sayed والاستاذ Hisham.Elgazzar على الأراء القيمة وانا فعلا ميال لرأيكم بس انا روحت النهاردة لميكانيكي تاني والميكانيكي ده كويس جدا وصنايعي كشف على الموتور وقالي ان الموتور بيرزع وخفيف وصوته عالي عشان عايز تغيير كوستبانات وتغيير طلمبة الزيت وكمان تغيير غطاء "التاكيهات" طبعا الفيرنا مفيهاش تاكيهات بس هو الغطاء اللي فوق عند غطاء الزيت وكل ده ولسه هيتعمل عمرة مع الحاجات دي، فقالي كده انت هتدخل في مصاريف كتير والاحسن تجيب موتور استيراد، وانا دلوقتي مش عارف اعمل ايه؟ عمرة ولا موتور استيراد

يعنى كمان سألت ميكانيكى تانى وقاللك مش هينفع او هتدخل فى متاهات
اولا الوش الإستيراد ما انصحكش بيه تماما لأنه بخت يابو بخيت ممكن يطلع ألعن من القديم
اما باقى الحاجات هتدفعك كتير ف الرفايع

اقتباس:

المشاركة الأصلية كتبت بواسطة mostafakamal (المشاركة 937563)

النهاردة فكيت الموتور وطلع محتاج الأتي وطبعا سألت على اسعارهم:
وش سلندر استيراد بغطاء التاكيهات ب 1200 وممكن يخلص ب 1000
طقم بستم جي ام اصلي 350 جنيه
طقم سبيكة 160 جنيه
طقم شنبر 140 جنيه
طقم شميز 160 جنيه
طقم جوانات 140 جنيه
الاسعار دي من محل واحد وبكرة هأسال في التوفيقية
خراطة 450 جنيه

إجمالي 2400
وتقريبا الميكانيكي نسي طرمبة الزيت فبكرة هتأكد من تغييرها ولا مش محتاجة وغالبا هنغيرها

وسألت على شورت بلوك ب 2300 بس موتور اسمه افانتي خليجي موديل تقريبا 97 او 98

وطبعا هيتغير شوية حاجات كمان ودول مشترك إذا كان عمرة أو شورت بلوك وهما:
سير كاتينة 90 جنيه
2 بلية كاتينة مش عارف السعر
طقم دبرياج 350 جنيه
بوجيهات 50 جنيه
طقم سلك بوجيهات 40 جنيه
زيت موتور
فلتر زيت

ما رأيكم؟

موتور التويوتا الأفانزا ممتاااز ماشاء الله ويستاهل أنصحك بشدة انك تجيبه بس أتأكد ان حالته ممتازة ربنا يوفقك

هات طقم الدبرياج إستيراد خامته هتبقى أحسن من الجديد
ومتنساش تبلغنا بالأخبار والصور:12C186~161:

رد: موتور الفيرنا

راى انك تجيب الشورت بلوك وتنسى العمرة
العمرات النهردة بقت فاشلة فى الـ الفيات .... ما بالك بقى بمواتير زى الفيرنا
كمان عندك الوش على كلامك مش نافع وهاتجيب واحد استيراد يبقى عملت اية؟ مهو انت عمرت وجبت المخ بتاع الموتور استيراد بل بالعكس كمان فتحت الوش الاستيراد من على المكنة بتعتة وخسرنا جوان وش السلندر الاصلى المعدن
العمرة فرصة نجحها صعب اوى بصراحة
انما الموتور الاستيراد من تاجر محترم افضل وخصوصا ان المواتير دى متوفرة كتير مش نادرة مثلا
وخليك فى موتور عربيتك متجبش حاجة مش بتاعة افيرنا
لانى لو انا بشترى عربية ولقتها مغيرة موتور لاى ماركة تانية حتى لو هيونداى عمرى ما هاشتريها
اشترى عربية اية وهى مدوبة موتور ؟؟؟؟؟؟؟؟ بتفرق فى البيع بعد كدة اوى
للاسف المواتير الاستيراد مش بتعرف تدورها عند التاجر لكن لو معاك ميكانيكى كويس يبص على مانفولد السحب ويشوف اثر الزيت علية
او الافضل انة يفكه من قطعية يكون باين فيها عداد الكيلو متر
وتبيع البلوك بتاعك بحوالى 500 جنية يبقى الفرق بسيط
ربنا يوفقك

رد: موتور الفيرنا

اقتباس:

موتور التويوتا الأفانزا ممتاااز

الموتور دة يا استاذ هشام راكب بالطول فى العربية مش بالعرض

رد: موتور الفيرنا

اقتباس:

المشاركة الأصلية كتبت بواسطة mr_astra (المشاركة 937685)

الموتور دة يا استاذ هشام راكب بالطول فى العربية مش بالعرض

ركبت مع سواق تاكسى وكان مركبه ف الفرنا عادى ومعدل فى الكبالن فقط
لكن لو لقى موتور فيرنا شورت بللوك نضيف يبقى أفضل
انما اداء موتور التويوتا عليها :010104~171::010104~171:: 010104~171: