|
رد: انا نازلة السوق الجمعة الجاية تشوروا عليا ب أية ؟
السلام عليكم
انا معايا عربيه بروتون بيرسونا مانيوال فابريقه بره و جوه و استعمال ما فوق البيتي و هي عربيتي من الزيرو و عارضها للبيع نهائي 65000 لو فكرتي فيها ده اعلانها و شكراُ http://www.contactcars.com/usedcars_...?CarID=1013779 |
رد: انا نازلة السوق الجمعة الجاية تشوروا عليا ب أية ؟
ابعدى عن البروتين خالص
ولو كان فيها الخير مكانش رماها الشاب محمد وادخلى على مشاكل البروتين من اول الجين تو حتى قطع الغيار واستهلاك البنزين المرتفع وقطع الغيار الغير موجودة لا برة ولا جوة التوكيل اللللللللللللللخ الخ ومستنى عم محمد يدافع عن عربيته اللى عارضها للبيع ويقول دة هايله ومتوفر كل قطع غيارة وهنقلوا خلاص بلاش تبعها وخليهالك هيقول لظروف :dzy: وطبعا هنحاول نصدقه ونستنى سنتين او تلاته على ما تتباع مع انه ممكن يقول انا بعتها امبارح وملكمش نصيب طيب يا ريت متكنش من نصيب حد فى مصر موتورز :sd: |
رد: انا نازلة السوق الجمعة الجاية تشوروا عليا ب أية ؟
انصحك نصيحه لوجه الله بلاش تشتري مستعمل خالص وخاصه في بلدنا ديه الغش فيه كتير جدا وحضرتك من الواضح انك ابيض خالص في موضوع العربيات فهيبقي غشك سهل جدا وحتي لو خدي معاكي حد ممكن تشتري بالمبلغ اللي مع حضرتك فيرنا او رينو سانديرو والاتنين كويسين جدا بس هتذودي حاجه بسيطه عن المبلغ اللي مع حضرتك بس هتبقي زيرو ومش هتتعب حضرتك عند الميكانيكيه وللزيرو متعه خاصه لايعرفها الا من جربها وبالتوفيق ان شاء الله
|
رد: انا نازلة السوق الجمعة الجاية تشوروا عليا ب أية ؟
الأخت أم يزيد
السلام عليكم نصيحتى لحضرتك لو بتعرفى تسوقى كويس اشترى جديد افضل وحاولى تكملى على المبلغ المتوفر وهاتى حاجة تكون زيرو معظم ( بقول معظم) العربيات المستعملة حاجة من اتنين اما انها مع تاجر ودى بيطلب فيها سعر عالى خصوصا لو عامل شغل فى العربية وطبعا السوق مليان من عينة التجار دول او انها مع واحد مهمل وبيبع علشان قرف من العربية ودى بتحتاج مصاريف كتيرة وشغل عند الصنيعية و حضرتك فى غنى عن الوقت اللى هيضيع فى توضيب السيارة الفئة الأخيرة ودى بتكون عربيات مستعملة بحالة جيدة جدا لكن صاحبها بيبيع لحاجة المال يعنى مزنوق فى الفلوس ودى نسبة ضئيلة جدا من اللى بيتباع فنصيحة اشترى جديد حتى لو هتقسطى المبلغ المتقى من السيارة |
رد: انا نازلة السوق الجمعة الجاية تشوروا عليا ب أية ؟
مش هقدر ازود عن الاخوة قالوا السوق عينك فى وسط راسكى وكل لم العربية تكون مفيش فيها ورق ( ورق بلغة التاجريعنى توكيل من توكيل) وبصراحة من ردود الاخوة انا تهت يبقى حضرتك :- 1- الاستخارة اولا واخير والمدوامة على الاستخارة 2- تحديد اختيار جديد ولا مستعمل 3-ان كان جديد والا مستعمل وبما ان حضرتك جديدة فى السيارات بوجة عام يبقى السيارة الى يجمعة عليها الناس هى الى تناسب حضرتك ( مثالا 10 ردود قالوا لانوس و 6 فيرنا و 3 يابانى و 1المانى ) يبقى فورا اعلى اختيار 4- عموما جبيتى جديد او مستعمل يبقى لو معا حضرتك 60 يبقى اخر الى يدفع فى العربية 55 وهكذا واذكركا واذكر نفسى لاخاب من استشار ولا ندم من استخار |
| الساعة الآن 06:14 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017