|
تكمله الرحله
اكملكم حضرنا الحاجه كلها وجهزنا الشنط ولبسنا ونزلنا من البيت واخدنا تاكسى لحد مكان الاتوبيس واللى ضيقنى انى كنت هناك اول واحدة والناس جت متاخر ptmnlo123per111 المهم طبعا انا قايلكم ان الرحله طالعه العين السخنه وانا عارفه دة وابن عمتو ومراته المهم ركبت الاتوبيس وحصل لغبطه كدة وشويه حجات تضحك وبعدين انا روحت اخدت كرى لوحدى وجت قعدت جمبى واحدة عسوله كدة المهم بقولها ايه بهزار يعنى هو الاتوبيس دة ان شاء الله هيودينا العين السخنه لقيت البنت بصتلى كدة وبتقولى عين سخنه ايه فقولتلها مش احنا بردو رايحين العين السخنه ولا ايه قالتلى لا دة احنا راييحين راس سدر ptmnlo123per154 يعنى دلوقتى واجهتنا اتغيرت من العين السخنه لراس سدر ( هو اصلا مفيش عين سخنه من الاصل ) كان نفسى اعرف ابن عمتو جابها منين العين السخنه المهم روحت نازله من الاتوبيس ورايحيله عشان هو مكنش لسه ركب قولتله هو احنا رايحين فين قالى العين السخنه قولتله ياسلام ودى جبتها ( تقريبا كان جيبها غلط من الكنترول مهو مدرس بقى غلط فى رقم الجلوس(:shy: قولتله لا دة احنا رايحين راس سدر يرد عليه يقولى راس سدر راس البر العين السخنه اهى كلها بحر وهنبلبط <<<< جامد اوى كل همه البحر والبلبطه :HAPPY_~211: المهم ركبنا الاتوبيس وقرينا الفاتحه وتوكلنا على الله لى عودة مرة اخرىptmnlo123per122 |
رد: مسافرة العين السخنه
فى انتظار البقية
يبدو أننى سأجد منافسة مبدعة |
رد: مسافرة العين السخنه
اقتباس:
|
تكمله الرحله
ملحوظه : لما بكون مسافرة فى اتوبيس وكدة انا مش من هواه القاعده فبقوم واقعد اهزر وارخم على اللى اعرفهم وكدة يعنى المهم طول الرحله وانا موش على الكرسى بتاعى وارخم على ابن عمتو واصورة وهو بياكل >>> كان نفسى اوريكم الصور دى بس بلاش احسن :HAPPY_~211: المهم طلعت فى اول الاتوبيس خالص وقعدت على الكرسى الامامى دة ptmnlo123per122بحبه اوى بحس انى شايفه الطريق كله وطول ما احنا ماشيين عماله اصور اى منظر يعجبنى <<< والمهم ان كله طلع زى بعضه صحراء:shy: قولت للسواق انا عاوزة اسوق الاتوبيس دة شويه قالى لا لما نروح القريه هخليكى تسوقى هنا معانا ارواح ناس وموش عاوزين نروح فى داهيه :HAPPY_~211: واكتر شى عجبنى فعلا النفق اللى هو فى السويس تقريبا انا صورت فيديو ليه بس طلع مقطع صغيور اوى وكان معانا مدرس بس كبير فى السن بس دمه زى العثل اسمه عمو شكرى مكنش عاوز يدفع فلوس الرحله للى ماسكه الرحله وكدة وطبعا كان الضحك للركب من الكلام اللى هو بيقوله وصلنا الحمد لله بالسلامه وبصراحه مش حسيت بوقت السفر عشان طبعا الضحك والهزار اللى بعمله واللى بيتعمل فيه طبعاptmnlo123per154 لى عودة مرة اخرىptmnlo123per179 |
رد: مسافرة العين السخنه
حمد لله على السلامه و فى انتظار باقى التفاصيل
|
| الساعة الآن 12:05 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017