مصر موتورز مجتمع السيارات - مطب علي 225 كيلو فالساعة !!!

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - مطب علي 225 كيلو فالساعة !!! (https://www.masrmotors.com/vb/showthread.php?t=75110)

رد: مطب علي 225 كيلو فالساعة !!!

اقتباس:

المشاركة الأصلية كتبت بواسطة f3lix (المشاركة 580690)

اوكتافيا ايه دي اللي تجيب ال 240؟؟ انت معدل حاجة؟؟
واخبار الايرباج ايه بعد الصدمة دي؟؟

اولا : العربية عاملة 9 كيلو ومش متعدل فيها حاجة .
ثانيا : انا ماقولتش جبت 240 بسيات او 127 .
ثالثا : مش فاهم هوا مين اللي كان سايق العربية فينا !!
حاجة غريبة اوي , الناس شغالة فتي وخلاص
اللي ماشفش او مجربش , يا ريت ميفتيش ,
هوا اي كلام بيتقال وخلاص !!!!

رد: مطب علي 225 كيلو فالساعة !!!

طالما مافيش اصوات او خلل في عجله القياده يبقي سليمه الحمد لله

رد: مطب علي 225 كيلو فالساعة !!!

اخي الكريم السلام عليكم
1-ممكن متدايقش من الاخوه الاعضاء..هماا بيستفسرو بس مش اكتر وانا واحد من الناس مكنتش اعرف ان عداد الاوكتافيا 240
2-فعلا زي ما تفضل الاعضاء طرق مصر متتحملش السرعه العاليه ده..والحادثه بتحصل في زمن متناهي الصغر وعلى السرعه العااليه بيحصل دمار كبير...انا كنت من هواه تقفيل العدادات وقفلت كتير بس اعلى سرعه مشيتها كانت200..وفي رمضان الي فات عملت حادثه بعربيه الشغل (السواق نام)في طريق العلمين ومش عايز اقولك اني مكنتش متخيل كميه الام الي حصلتلي انها موجوده في الدنيا .مع اني كنت رابط الحزام و(الايرباج ) الاتنين فتحو بس حصلي كسور مضاعفه وشروخ كتير ومكنتش بمشي بعد الحادث..ده غير ان واحد معانا طار من العربيه وهي بتتقلب ومات..ماساه كبيره والله
صدقني مش مستاهله فعلا ومش بتفرق في الوقت..وحتى لو حتى بتفرق يا سيدي وبتوفرلك 30 او 40 دقيقه في المشوار...لا انا رايي ضيعهم واوصل بالسلامه
3-بالنسبه للعربيه..راجع على البطاحات والمقصات والجلب.وباريت تراجع ترصيص وحاله الاطارات
ارجو متزعلش مني ..بس واجبك عليا اني انبهك..ربنا يحفظك ويستر طريقك

رد: مطب علي 225 كيلو فالساعة !!!

يا باشا ليه الاسلوب ده والفتى والكلام ده ميصحش الراجل بيسأل مش بيكدبك

وبعدين غريب فعلا ان اوكتافيا تعدى ال 200 كم ده انا معايا 320 وبعد ال 200 سحبها بيموت الاوكتافيا بوزنها ده وموتورها ال 1600 هتعدى ال 200 ازاى ، سؤال منطقى ومشروع على فكره مش عيب خالص خاصة ان السرعة القصوى اعتقد 190 او 195 رسمياً للموتور ال 1600 فانت علشان تكسر ال 200 يا معدل حاجة يا بالصدفة كان منزل ولا الهواء فى ضهرك !!

اما عن المطب فاطلما انت محسيتش بهبد جامد او باختلاف فى القيادة ( حدفة مثلاً او تقل فى الدريكسيون ) او اصوات غريبة من العفشه فخير مفيش مشكلة
وعموماً ان شاء الله خير عفشه السكودا محترمة وتستحمل بس السرعة ديه فعلاً كتيره على طرق بلدنا

رد: مطب علي 225 كيلو فالساعة !!!

هى مش بالعداد على فكرة ابداً دايما العداد بيبقى اكبر من السرعة القصوى