رد: دايو لانوس 2000 ام سبرانزا ش516 موديل 2008 عايزة نصيحتكم
 

لا الموضوع مختلف خالص
العربيتين اساسا مش فئة واحدة
اسبرانزا تتفوق فى كل النواحى عن لانوس
القدرة الحصانية للموتور اكبر
السعة اللترية اكبر
تكنولوجيا احدث بسنين (موتور لانوس اساسا موتور اوبل تسعينات ) اما موتور سبرانزا اية سي تيكو تكنولوجيا حديثة جدا ومدعم ومطور من قبل شركة AVL النمساوية وكل ادوات التغذية للموتور هى من انتاج شركة بوش
الوسع الداخلى تتفوق الصينية بمراحل عن الكورية
الاتزان نفس الشىء
الفرامل لا وجهه للمقارنة بينها وبين لانوس لانها بتعتمد على نظام متطور من الفرامل ومدعومة بخاصية ABS وتمتاز فراملها بوجود سكاكين اماى وخلفى والاعتماد على اللقم لفرامل اليد
قطع الغيار تقريبا متقاربة
سلاسة القيادة لصالح سبرانزا
مش فاكر حاجة تانى دلوقتى لكن لو بتسالى عن حاجة معينة انا تحت امرك
وموضوع ان الصينى بيخسر فى البيع دة فعلا صحيح لكن العيب دة انا بالنسبالى هاخدة ميزة لانى انا اللى بشترى مستعمل وانخفاض السعر هو لصالحى

اما بقى كلمة ابعدى عن العربيات الصينى دة كلام مطلق لا يثمن ولا يغنى من جوع
عاوز نتكلم ونقول ابعدى وما تبعديش يبقى بالدليل والبرهان
نقول عيوب الاسبرنزا واحد اتنين تلاتة
نفسي الناس تبطل تفتى عن عدم تجربة
لعلمك انا كانت معايا لعربية دى لمدة 11 شهر عملت فيهم 12 الف كم ما شوفتش منها اى حاجة وحشة وفى خلال المدة دى اشتريت لاصدقائى 7 عربيات سبرانزا
وبعتها وعلى فكرة كسبت فيها
وجبت عربية تانى صينى برضة اسمها برليانس جالينا
والسعر
من اول 40 الف وانت طالع حسب الموديل والحالة وعداد الكم

رد: دايو لانوس 2000 ام سبرانزا ش516 موديل 2008 عايزة نصيحتكم
 

mr_astra كلام جميل بس فيه سؤال
طالما احنا بنتكلم فى المستعمل لو الاتنين نفس سنة الانتاج الكورى والصينى مين اللى حالته هتبقى احسن؟ مين اللى هيبتدى يحتاج صيانة وقطع غيار اكثر من غيره ؟ ومين اللى معمر اكتر الصينى ولا الكورى...كلامك جميل واتفق معاه لما تبقى عربية زيرو او لسه معداش عليها خمس سنين تبقى العربية بحالتها...لكن تعالى شوف كدا عربية صينى عدا عليها ست سبع سنين هتلاقى بقى الدنيا مختلفة العفشة بقت وحشة الموتور والسحب مش اد كدا التقفيل نفسه..ركبت مع واحد لقيت التابلوه الدنيا فيه مبقتش متظبطة جودة الخامة نفسها ....
زى ما قلت اتفق معاك لما تكون العربية جديدة لكن من ناحية ايهما معمر اكثر ويعيش اكثر ومع الوقت ميبتديش يفتح بقه ويحتاج صيانة كتير الكورى يكسب عن الصينى بمراحل

رد: دايو لانوس 2000 ام سبرانزا ش516 موديل 2008 عايزة نصيحتكم
 

احنا بنقارن الـ 516 بلانوس انا قلت راى ...شوف انت اية وجهه نظرك بس تكون فى نقاط محددة
مش الكورى عموما بالصينى عموما
خالى بالك
انا فى بداية حياتى جبت 128 وانا بشتريها موتورها كان خفيف ومع المحافظة فضلت معايا حوالى 5 سنين
ومن كام سنة جبت ميجان 2 كسر زيرو بس مكنش بيتحافظ عليها مكملتش وكل حاجة فيها باظت
يبقى الـ 128 احسن من ميجان ؟؟؟؟؟؟ اكيد لا
عاوز اقول ان استهلالكك للعربية مهم جدا
وبعدين بينى وبينك كل الصناعات دلوقتى بتقوم على سياسة الاستهلاك
هاتلى منتج واحد نقدر نقول علية انة معمر
اعتقد ان فترة رخاء صناعة السيارت كانت فى التسعينات ومن بعدها ما شوفناش عربية متكلفة
كولة من ناتج تدوير البلاستيك وخلافة
كل سنة وانت طيب

رد: دايو لانوس 2000 ام سبرانزا ش516 موديل 2008 عايزة نصيحتكم
 

يعنى على بركة الله اجيب 516 و لا ايه يا استاذ استرا

رد: دايو لانوس 2000 ام سبرانزا ش516 موديل 2008 عايزة نصيحتكم
 

حضرتك قلتى على كام نوع عربيات وانا كانت وجهه نظرى ان افضل المعروض سبرانزا