مصر موتورز مجتمع السيارات - أشـيـاء تـجـنـبـهـا عـنـد قـيـادة سـيـارتـك

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - أشـيـاء تـجـنـبـهـا عـنـد قـيـادة سـيـارتـك (https://www.masrmotors.com/vb/showthread.php?t=103336)

رد: أشـيـاء تـجـنـبـهـا عـنـد قـيـادة سـيـارتـك

الأبعاد
لو كنت بتسوق عربية صغيرة فى الحجم و غيرتها بعربية أكبر منها لازم تدرس أبعادها الأول من حيث ( طول الكبود و عرضه - طول العربية) ده بيجنبك مشاكل كتيرة أثناء السير فى الشوارع المزدحمة بالعربيات المركونة على الجانبين و بيزود قدرة تحكمك فى العربية

رد: أشـيـاء تـجـنـبـهـا عـنـد قـيـادة سـيـارتـك

مسافة الأمان
محدش بيسيب أى مسافة بينه وبين اللى قدامه دايما واللى وراه نفس الموضوع بيبقى لازق فيه وعمال يديله كلاكسات عشان يجرى :fun_10_9_206[1]: أنا ملاحظ ان مفيش حد بيسيب مسافة بينه وبين اللى قدامه خالص المفروض المسافة دى بتكون 10% من سرعتك
يعنى لو انت ماشى على 60 يقى المفروض المسافة تكون 6 أمتار وهكذا
وحتى فى الاشارات المفروض نسيب مسافة مناسبة مانلزقش قوى يعنى متر مثلا حتى :08da300846c84943ae1 وياريت بلاش غرز على الكبارى:010105~332:
وفى حاجة تانية وانت داخل على أى U TURN تخلى بالك لأنه دايما فى حد جاى بالعكس ودى الموضة الجديدة حتى لو كانوا مطولين الرصيف بتاع الملف برضه مفيش فايدة الموضوع دة بقى منتشر جدا ابتدوا بيه بتوع الدليفرى وحاليا الملاكى والمصيبة بقى فى المكروباصات الكبيرة الـ28 راكب وبالذات عند ملف الجلاء اللى فى مصر الجديدة
وبالمناسبة دى لو انت ماشى طوالى وفى يوتيرن جنبك ياريت ماتحدفش عليه بعد ماتعديه

رد: أشـيـاء تـجـنـبـهـا عـنـد قـيـادة سـيـارتـك

معظم الحوادث داخل المدينة تحدث لأتفه الأسباب و للأسف في القاهرة لأتفه التوافه و لذلك أرجوكم خدوا بالكم من الآتي:-
1- و إنت ماشي النظر للأمام فقط مش كفاية لازك عينيك تجيب مجال الإبصار المتاح يعني لو شفت واحد راكب في عربية راكنة حط في إعتبارك إنه ممكن يفتح الباب فجأة من غير ما يبص وراه و ده حصللي قبل كده عربية فولفو فتح الأخ الباب فجأه و الحمد لله ربنا ستر و بابه بقي في الكبوت و بوظلي فانوس و إشارة و رفرف و مراية يمين.
2- و إنت سايق ما تبصش للعربية اللي قدامك بس لأ لو في أتوبيس نقل عام واقف بينزل أو بيطلع ناس بص بطرف عينيك على الأتوبيس من قدام و هدي لأن ممكن واحد إبن حلال فجأة طالع من قدام الأتوبيس يلخمك و يعمل مشكلة.
3- دايما ً سيب مسافة بينك وبين اللي قدامك بحيث إنك تشوف العجل الخلفي بتاعه و حتة أسفلت حوالي متر عشان لو فيه بلاعة أو مطب هو تفاداه لأنه عارفها إنت ممكن تكون ماشي مش محاذي ليه و لو قريب جداً منه مش هتشوف البلاعة دي.
4- أي ميكروباص أو ميني باص هو مشروع حادثة إلى أن يثبت العكس و لا يمكن النصيحة بهذا الخصوص غير متابعته لحد ما يختفي من قدامك.
5- إحترم اللي ماشي وعامله كأنه والدك أو إبنك ..إلخ حتى لو هو غلطان معلش إستحمل و تذكر إن إنت و هو ماشيين في شوارع لا تصلح للإستعمال الآدمي بس معلش هو ماشي و إنت راكب.
يعني هو ده اللي قدرت أفكر فيه دلوقت و أرجو ما أكونش طولت عليكم تحياتي

رد: أشـيـاء تـجـنـبـهـا عـنـد قـيـادة سـيـارتـك

أهم حاجة الناس الى بتشرب سجاير و هى سايقه و فجأة السجارة تقع هووب بيسييب كل حاجة لو ماشى على سرعة عشان يلحق السجارة و ممكن تولع فى حاجة لقدر الله الموضوع دة خطر جدا و فى ناس بتستهون بيه و ممكن تتسبب فى حوادث فظيعه:01AD96~139::01AD96~ 139: ربنا يحفظنا غير انها مش بتخليه عارف يلف بتركيز او مش متحكم بشكل صحيح بالعربيه