رد: مشكال سخونه الماروتي
 

بسم الله ما شاء الله .... بوجه عام
يا اخوانا الراجل ده والله بيقول اراء تمام التمام ....
انا بقترح انك تعمل هنا ف المنتدي رابطة ملاك الماروتي ....اهو تبقي منه تسلية ومنه نفبد بعضنا ...
ربنا يوفقنا الي ما يحبه ويرضاه..........

رد: مشكال سخونه الماروتي
 

استاذ خالد هيا العربيه عندك موديل سنه كام ؟
بالنسبه للون الميه المصنع هوا اللي بيحددها
المياه الخضراء او الزرقاء
عبارة عن مياة ملونة + مكونات كيميائية يدخل فى تركيبها nitrite/borate او nitrite/molybdate inhibitors و دية بتبقى مركبات لمنع الصدا و بتبرد اسرع. و فية منها الوان ذى الاخضر و الازرق.
وهذا النوع يفضل للمواتير الزهر ودورات التبريد النحاس

المياة الحمراء
عبارة عن احماض عضوية معروفة بOrganic Acid Technology (OAT) او NOAT) Nitrited Organic Acid Technology. و عادة لونها برتقالى او احمر برتقالى.
وهذا النوع يفضل للمواتير و دورات التبريد الالومنيوم

لكن مصنع ماروتي الهندي بيحط مياه خضراء م عارف ايه السبب

ثانيا فيه معامل هام جدا وهو تركيز المياه لان كلما زاد تركيز المياء اصبحت تكتسب الحراره بنسبه قليله ودرجه غليانها مترتفعه جدا مثلا150 درجه حتي تغلي ولكنها تفقد الحراره بعصوبه بمعنا انك يجب ان تتركها فتره اطول حتي تبرد وهذه النسبه تصلح للدول التي درجه حرارتها منخفضهه جدا وتصل للتجمد

وقلما قل درجة التركيز قلت درجه الغليان مثلا 120 درجه حتي الغليان ولكنها تفقد الحراره اسرع وده تصلح للبلاد زات درجات الحراره المرتفعه
انا سمعت ان نسبه في بلادنا العربيه مابين 15% الي 20% هيا انسب تركيز
يجب زيادة الفقد من المياه في دروة تبريد السيارة بمياه مقطره الميه اللي بتخرج من المكيفات ممكن نعبيها في جركن نضيف ونزود منه الريداتير
اوعي تزود ميه من الحنفيه مليانه املاح وتخلي الماتور يصدي من الداخل

الموضوع محتاج اتطلا اكثر بس يارب مكنش طولت عليك وتكون استفدت

بالنسبه للترسبات الخظراء حوالين الاربه ده عباره عن بخر ميه اثناء سير العربيه ترسب علي الاربه مش صداء
لون الصداء بني بتكون الميه لونها بني او اسود

رد: مشكال سخونه الماروتي
 

استاذ محمد ربنا يبارك فيك وانا هنا في خدمه الجميع والله المستعان

رد: مشكال سخونه الماروتي
 

انا احب اضيف تجربة حصلت معايا ف موضوع الميية دا . العربية عندى ماروتى 2007 شاريها كسر زيرو عاملة 15000 كم بس كانت مركونة و من باب النظافة صفيت ميية الردياتير و عملت غسيل للدورة و تمام التمام . طبعا كنت جايب جيركن ميية خضراء من كارفور دا اول نوع جبتة و مليت و ظبطت الدنيا تمام . المشاكل اللى حصلت بعد كدة سخونة زائدة جدا للموتور و خصوصا ف السرعات العالية و لما افتح الردياتير الاقية فاضى المهم تابعت لما وصلت البيت و لاحظت حاجة غريبة جدا لما تكون العربية باردة تماما و افتح غطا الردياتير تحس انك بتفتح ازازة بيبسى يعنى لازم تسمع صوت فسسسسسس اثناء الفتح المهم دققت النظر و السمع ف الفتحة و لقيت زى فوران بسيط بيحصل وصوت زى متكون حاطط بيبسى ف كباية و بتبقلل مع العلم الردياتير عندى نضيف جدا و حتى لون دهان المصنع الداخلى لية زى الفل عربية لسة 15000كم المهم طبعا عرفت ان الميية فيها حاجة غلط و زى ما سمعت كتير من الاخوة عن لسانهم او لسان بتوع الردياتيرات نفسهم ان الميية الخضرا بتاكل الالومنيوم بس مكنتش اعرف المعلومة دى الا لما عملت بحث و لانى دايما بستعمل نفس النوع ف العربيات السابقة بدون مشاكل ما عدا اللانوس لانها كانت نازلة بميية زرقا . المهم فضيت الميية تانى مش هستنى لما الاقى الردياتير بقى بودرة ههههه . جبت نوع تانى ميية خضرا برضوا و نفس الحوار حصل تانى هوة هوة . زى ما قلت بعد البحث ع النت اكتشفت موضوع الالوان و نوعية كل لون لنوع الردياتير انا بقول الكلام دا للى بيقولوا دا مجرد الوان و نفس المواد المضافة بس لأ مش مجرد الوان دى تركيبة و كل لون بتركيبة المهم تانى مرة مع تانى نوع ميية خضرا نزلتها تانى و غسلت كويس الدورة و حطيت ميية عادية مؤقتا . رحت اشتريت جركن ميية اسبانى لونة بمبة اللى بيسموة احمر و حطيت منة بعد تصفية ميية الردياتير و ظبط الدنيا طبعا لاحظت فرق كبير اولا السخونة عادية زى الطبيعى و الاهم انى لما افتح الردياتير عادى جدا بفتح غطا مش زجاجة بيبسى و دققت النظر و السمع مفيش اى صوت فوران او بقاليل و انتهت المشكلة على خير بعد ان غرمت 2 جيركن ميية خضرا و المهم ان الميية اللى نزلتها من العربية كانت خضرا بس الغريب زى متكون مخففة لان خضارها فاااااتح قوى بس الحمرا حطيت منها عادى بدون تخفيف و مفيش مشاكل خالص . المهم اللى حصل دا الفايدة منة ان فعلا كل لون لة خواصة و تركيبتة الخاصة و مش كلة زى بعض زى الاخوة بيقولوا و الله اعلم

رد: مشكال سخونه الماروتي
 

شكرا للموضوع المفيد و المشاركات المفيدة
جزاكم الله خيرا