مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة romeoalmansour (المشاركة 956905)

مجموعة من الحساسات والسوتشات لابد من الكشف عليهم عند حد كويس ودايما مشكلة العربية دي في
الـ (PCS) ودا اختصار لـ (pressure control solenoid) ولا بد من تغييره لكن لابد من الكشف علي باقي البنود الاول
حساس البوابة
حساسات السرعات
سلونويد - الدائرة رقم 2 والمسئول عن النقلة من 1 الي 2 (واغلب الظن لن المشكلة فيه لان مفيش مشكلة في باقي النقلات)
اولا اتاكد ان مستوي الزيت كويس و مضبوط

الف الف شكر والله على الاهتمام , حضرتك في حد ترشحه اعمل عنده الكشف ده؟؟ , تقبل خالص تحياتي وشكري العميييق ..

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اي حد يكون كويس جنبك - يكون كويس علي اجهزة الفحص وقراءة الاشارات الموضوع مش صعب بس بياخد وقت عشان يوصل للعيب فين بالضبط لانه هيكشف علي الموتور والفتيس
والله العظيم اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

ياريت لو فى مكان لحضرتك لأن عاوز اجيلك على مشكلة استاذ romeo

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة lORD OF WAR (المشاركة 956978)

ياريت لو فى مكان لحضرتك لأن عاوز اجيلك على مشكلة استاذ romeo

اهلا وسهلا بحضرتك في اي وقت انا عند انبي
بس عذرا انا مسافر وانا خلفت معادي قبل كدا مع احد الاعضاء ودا اكثر حاجة تضايقني اني اخلف ميعادي او حد يخلف معايا الميعاد انا المفروض انزل من السويس اليوم او غدا - ظروف شغل طارئة خارج ارادتي.
وهكون تحت امرك ان شاء الله

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

لا الله يكون فى عونك مفيش مشاكل انا مش مستعجل لكن لو فى مكان لورشة او مركز لحضرتك كنت عاوز اعرف الميعاد وابلغك قبل ما اجى ان شاء الله لانى مش من القاهرة اصلا ... توصل بالسلامة ان شاء الله

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم
انا معايا عربية اسكودا a4 اتوماتيك وعاندى مشكلة فى الفتيس
العربية لقتها بتلخبط شوية الفتيس بينقل وشوية ما ينقلش رحت حطتطها على الكمبيوتر قالى عايزة تغير خريطة فتيس اللى راكبة فى السلونيدات فى الفتيس وخارجة من الفتيس راكبة فى فيشة المهم غيرتها والعربية بقت بتنقل بس الغيار من التانى لتالت ومن التالت للرابع بقى بيغيب فى النقل يعنى الاول كان بينقل على rpm 2 دلواتى 2.5 و3 وغيرت الزيت وبردو المشكلة موجودة ولما اخف رجلى خالص من على البنزين ينقل مظبوط وسعات يفضل مش عايز ينقل ولما اخف رجلى يقوم ناقل
مش عارف المشكلة دى سببها اية مع انها مكنتش موجودة قبل تغير الخريطة وقلولى مادام الكمبيوتر مش مسجل خطاء يبقى الخريطة سليمة ..طب العيب يكون بسبب اية ؟ العربية موديل 2006
معلش طولت عليك ..لو عاندك حل ياريت تقولى

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة mo3tazanas (المشاركة 957319)

سيدي الفاضل كل اللي انت بتشعر بيه دا طبيعي جدا بعد تغيير الميكاترونيك - متخليش حد يلعب في العربية - بعد 1000 كيلو اتصل بيا وقولي الوضع ايه
امشي بالعربية عادي من غير قلق واقرص عليها في المشي كمان لحد ما تعدي 1000 كيلو