رد: اي مساعده في الاكسارا انا جاهز
 

الف شكر ليك اخي الكريم انا لما حطيت ٢.٥ لتر كان المقاس المعدن علي الماكس وكمان المقاس الدجيتال في التابلوه لكن لما بحط ٣ بيكون الزيت علي المقاس المعدني اعلي من الماكس بحوالي ٥ سم وليا سؤال مش المفروض المقاس الدجيتال ده بيقيس اللزوجه مش الكميه لانه بيقل مع الاستهلاك لكن بيفضل الزيت علي المقاس المعدني ثابت....
وهكون شاكر لسيادتكم جدا لو تبعتلي طول المقاس المعدني بالضبط
وبالنسبه للباور كان سؤالي هل ينفع اغير فقط الجزء اللي بيسرب ولا لازم اغير المجموعه كلها

وشكرا ليك مقدما

رد: اي مساعده في الاكسارا انا جاهز
 

نعم اخي الغالي.
قطعه السيخ المعدني من الاول الى اول قطعه البلاستيك 51 سم.
يعني لازم يدخل في المحرك 51 سم بالضبط.
اما قطعه الباور اكيد كل شي ممكن اذا كان متوفر قطع قديمه او الوكاله.
تحياتي

رد: اي مساعده في الاكسارا انا جاهز
 

شكرا ليك علي مجهودك الواضح والنابع من كرم اخلاقك وتعبتك معايا وربنا يقدرني واقدر ارد مساعدتك

رد: اي مساعده في الاكسارا انا جاهز
 

يا جماعه بعد اذنكوا انا ليا استفسار
فريد شوقى كهربائى ولا عنده مركز فى كل حاجه (كهرباء وميكانيكا)
ولو ممكن رقه موبايله وعنوانه
ولكم جزيل الشكر

رد: اي مساعده في الاكسارا انا جاهز
 

فريد شوقي ورشه كامله متكامله انا بتعامل معاه و هو فعلآ ممتاز و انا اشتريت سياره اكسارا2 و للاسف كان معايه حمار مش ميكانيكي اوهمني ان العربيه حالتها ممتازه وللاسف كانت زباله و لفيت كتير و صرفت اكتر عند ميكانيكيه و بدون فائده لغايه لما عرفت فريد شوقي عن طريق المنتديات و كلمته في التليفون و حددت موعد و فعلآ خلا العربيه زيرو من كهربه و ميكانيكا و عفشه و سروجي و سمكره و دوكو لدرجه ان ماما لما شافتها معرفتش العربيه هي اتكلفت كتير بس ده لأن تقريبآ كل حاجه فيها اتغيرت العفشه كامله و دفيره الكهرباء و طقم الدبرياج ...الخ و من الداخل جبت طقم صالون استيراد و اتركب و على فكره فريد جابلي قطع الغيار كلها ارخص من بره و على ضمانته و مصنعيته معقوله و مبيسلمش العربيه غير لما يتأكد انها تمام لانه بيخاف على سمعته و اسمه اوي .
اختي بعد ما شافت العربيه بعد التعديل قررت شراء سياره مثلها
رقم تليفون فريد شوقي : 0123236021
و عنوانه مدينه نصر امام بوابه الوفاء و الامل بعد شركه انبي للبترول