|
|
رد: التحايل "الاخوانى"!!
إحنا إزاي بقينا كدة ؟؟؟
منقووووول من حوالي 7 شهور .. أيام الاستفتاء علي الدستور (أيام أحداث الاتحادية) .. وحرب الشوارع اللي كانت بين الإخوان (المؤيدين للدستور) والمعترضين علي الدستور .. في أحد الشوارع لمحت عربية أمن مركزي بتجري ناحية المتظاهرين .. تضرب كام خرطوشة وترجع تاني .. تضرب وترجع تاني ... ومجموعة من الإخوان .. بيجروا بجانب العربية .. يحدفوا طوب علي المتظاهرين ويرجعوا تاني مع المدرعة و بيحتموا برجال الأمن المركزي .. ساعتها .. مش هعرف أوصفلكم إحساسي .. خصوصا لما جه فبالي إني انتخبت مرسي .. وسجدت لله شكرا لما أعلنوا فوزه علي شفيق .. وافتكرت لما كنا في جانب واحد في ثورة يناير ضد الداخلية والبلطجية والنظام كله .. اربط بين الموقف ده مع اللي حصل من أسبوع كدة .. (المتظاهرين) وقفوا مع الشرطة والأمن المركزي في ناحية .. والإخوان في ناحية تانية .. أدام مبني الإزاعة والتليفزيون .. والمتظاهرين بيحتموا بمدرعات الشرطة .. نفس الموقف مع تغيير الأدوار ....................... موقف تاني عمري ما هنساه .. أيام (محمد محمود) الجيش كان بيضرب علينا غازات غريبة .. المصابين كانوا بيدخلوا علينا في حالات عمرنا ماشفناها .. بعد كدة عرفنا أنها غازات أعصاب و قنابل فوسفور .. مش هنسي منظر الظابط اللي دخل ضرب الدكاترة وطلعوا يجروا من الخوف .. ورمي قنبلة غاز علي المصابين وقفل عليهم الخيمة وماتوا كلهم .. إحساس يخليك تموت ألف مرة كل لما تفتكره .. أيامها الإخوان كانوا سمنة علي عسل مع العسكر .. وكل ما كان يشغلهم وقتها الدعاية لانتخابات مجلس الشعب الجولة الأولي .. بعد كل ده .. مات فينا أحاسيس كتير دلوقتي لما بشوف الشرطة بتضرب فيهم غاز وخرطوش ( مبزعلش ) .. رغم إني عارف كويس أن بتوع الأمن المركزي أغبياء في تعاملهم مع المتظاهرين رغم إني اتعاطفت معاهم لما الجيش ضربهم أدام الحرس الجمهوري .. إلا إني سرعان ما افتكرت اللي اتعمل فينا قبل كدة .. فضاعت كل ذرة شفقة عليهم في ثواني .. والنهاردة لما اتضرب عليهم غاز وخرطوش وأكيد ناس ماتت وإصابات بالجملة .. إلا إني مش زعلان .. رغم إني دكتور وعارف يعني إيه قنبلة غاز في وسط حشد من الناس وناس مش عارفة تجري وناس عندها مشاكل فالتنفس أصلا .. كارثة ومش أقل خطورة من الخرطوش .. إلا إني (مش زعلان) قول عليا معنديش دم .. قول إني مش إنسان .. أنت صح أنا مش هكذب علي نفسي .. أنا مش فرحان بس برضه مش زعلان .. الإنسان اللي جوايا مات لما شفت إيدك في إيد طنطاوي وهي مليانة بدم شهداء كتير .. وعيون ناس أكتر راحت غدر .. وأنت كنت فرحان بأغلبية البرلمان ................. قبل متسأل إحنا ليه بقينا كدة .. إحنا بنسألكم أنتو إزاي خليتونا كدة ؟؟ |
رد: التحايل "الاخوانى"!!
مؤيدو المعزول يمنعون صلاة الفجر بمسجد الفتح !
الوفد تسبب عدد من مؤيدى الرئيس المعزول محمد مرسى فى منع المصليين من أداء صلاة الفجر بمسجد الفتح فى رمسيس اليوم الثلاثاء الموافق السابع من شهر رمضان المبارك. قام مؤيو الرئيس المعزول بمسجد الفتح , بإغلاق الأبواب من الداخل خاصة فى ظل تجمهر الأهالى ضدهم بالخارج , حيث لجئوا له من أجل الإحتماء به , وذلك فى الوقت الذى تسبب فى منع المصليين من أداء صلاة الفجر اليوم. حيث مازال المسجد مغلق من قبل مؤيدى المعزول المحتجزين بداخله, ولم يسمحوا بأدا صلاة الفجر للمصليين خوفا من فتحهم له ويقوم الأهالى بالإعتداء عليهم. وعاد الهدوء صباح اليوم الثلاثاء لميدان رمسيس, عقب إشتباكات دامية بين مؤيى الرئيس المعزول محمد مرسى وقوات الأمن المركزى وذلك بعد أن قام أنصار المعزول بغق ميدان رمسيس وأيضا كوبرى أكتوبر أمام حركة المواصلات ومصالح المواطنين. وبدأ رجال النظافة فى إزالة المخلفات وأيضا الحجارة والطوب التى تخلفت عن الأحداث فيما بدأت حركة المواصلات تعود لطبيعتها بشكل تدريجى خاصة بعد إنساحب أنصار المعزول . فى السياق ذاته بدأ موقف رمسيس فى العمل من جديد فيما تمركزت 5 سيارات أمن مركزى ومصفحتان أمام محطة مصر لتوفير التأمين اللازم لها وحتى لا تتعرض لأى محاولة إقتحام خاصة فى ظل الأوضاع والأحداث التى تمر بها البلاد. |
رد: التحايل "الاخوانى"!!
عن الشريعه ....نتحدث !
أعجبني ما قاله المفكر المغربي محمد عابد الجابري فيما يخص قضية تطبيق الشريعة تطبيقا كاملا , فهو يستنكر حدوث هذا التطبيق الكامل في كل العصور بما فيها عصر الرسول -صلي الله عليه وسلم – وعصر الخلفاء من بعده لسبب منطقي وهو أن جناحي الشريعة الرئ...يسين – القرآن والسنة – لم يصلا الي درجة الكمال الا بعد انتقال الرسول الي الرفيق الاعلي , فالقرآن نزل منجما وفي شكل متواتر علي مدي أكثر من عشرين عاما بداية من ” أقرأ باسم ربك الذي خلق ” حتي آخر آية في القرآن وهذا يعني أن الاحكام كانت تفرض علي المسلمين تباعا ولم تفرض دفعة واحدة وأيضا فسنة رسول الله – وهي الجناح الثاني للشريعة – والممثلة في أقواله وأفعاله وتقريره لم تنزل ايضا دفعة واحدة وامتدت من بعثته حتي وفاته – صلي الله عليه وسلم – ولهذا ففي عصر النبوة كان هناك من المسلمين من يشرب الخمر – قبل تحريمه – وكان هناك من يتعامل بالربا قبل أن ينهي الله عنه , والشاهد هنا أن الشريعة لم تطبق كاملة في عصر الرسول وكذلك لم تطبق كاملة في عصر الخلفاء حيث أن الجناح الثالث للشريعة وهو الاجماع والرابع وهو الاجتهاد كانا في بداية تطورهما في ذلك العصر .ويحكي لنا تاريخ الدولة الاسلامية فيما تلي عصر النبوة عن عدم أختفاء الخمر والتعامل بالربا وغيرها من الممنوعات وعن عدم تطبيق الشريعة علي القاتل عمدا – راجع ما حدث مع عبيدالله ابن عمر عندما قتل الهرمزان فور مقتل ابيه -هذا فضلا علي عصور مظلمة أنتشر فيها القتل وسفك الدماء واباحة الحرمات مع كثرة الظلم وغياب العدل ولا يصح أن نقول أن الشريعة كانت مطبقة في تلك العصور خلاصة القول أن الكمال هنا هو كمال نسبي وليس مطلقا , وهذا لا يعني تقصيرنا في تطبيق الشريعة وتحقيق مقاصدها , غير أننا اﻵن في أشد الحاجة الي فقه التدرج في التطبيق مثلما حدث هذا التدرج في عصر الرسول والخلفاء من بعده , ويحضرني موقف الامام العادل عمر بن عبد العزيز مع ابنه ووزيره عبدالملك الذي دخل على أبيه يوماً, وقال:(يا أبت ما لك لا تنفذ الأمور؟ فوالله ما أُبالي لو أن القدور قد غَلَتْ بي وبك في الحق) وهو هنا الشاب التقي في اندفاع وعجلة والذي يريد تطبيق الحق كله في دفعة واحدة امام والده التقي الورع المتفهم لطبيعة الناس في عصره والذي يجيبه ( لا تعجل يا بني؛ فإن الله قد ذمَّ الخمر في القرآن مرتين, وحَرَّمها في الثالثة, وإني أخاف أن أحمل الحقَّ على الناس جملةً, فيدفعوه جملةً, ويكون من هذا فتنة |
رد: التحايل "الاخوانى"!!
|
رد: التحايل "الاخوانى"!!
شاهد رد فعل اشجع اخوانى بعد اقتحام البلاك بلوك الأستديو علية اثناء التصوير!!
http://www.youtube.com/watch?feature...&v=lyQ2r9c2Zpg |
| الساعة الآن 11:31 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017