مصر موتورز مجتمع السيارات - اختبار التصادم للجاك b15

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - اختبار التصادم للجاك b15 (https://www.masrmotors.com/vb/showthread.php?t=98029)

رد: اختبار التصادم للجاك b15

اقتباس:

المشاركة الأصلية كتبت بواسطة د.كمال (المشاركة 784364)

45 % مكونات مصرى يأستاذ عصام

وشوف الخبر ده عن جرنال الشرق الاوسط

وكانت وزارة التجارة الخارجية والصناعة قد أصدرت قراراً أمس بتقييد منح التراخيص الخاصة لمصانع تجميع السيارات حيث نص القرار على ألا تقل نسبة التصنيع المحلي في صناعة التجميع عن 45% وفي حالة انخفاض هذه النسبة وجب استكمال النقص عن طريق تصدير مكونات محلية أو سيارات تامة الصنع. وسوف تقوم لجنة مشكلة من قطاع التجارة الخارجية وغرفة الصناعات الهندسية وممثل عن المجلس التصديري للصناعات الهندسية فضلاً عن مختصين بالهيئة العامة للتنمية الصناعية بوضع القواعد الخاصة بحساب نسبة التصنيع المحلي على أن تقوم باقتراح تعديل هذه النسبة وبحث التظلمات المقدمة من المصانع التي لا تفي بهذه النسبة كما نصت الشروط على التزام المصانع بموافاة الهيئة العامة للتنمية الصناعية بقائمة الأجزاء المستوردة والمحلية طبقاً لمساهمة خطة التجميع على أن تقدم كل ثلاثة أشهر، وسوف يتم حساب نسبة المكون المحلي أو ما يتم تصديره مع نهاية كل سنة بعد التأكد من التزام المصانع بتقديم البيانات الجمركية التي تثبت تمام التصدير الفعلي للمكونات أو السيارات تامة الصنع. وشدد القرار الوزاري على الغاء ترخيص المصانع التي تخالفه بعد أن سمح لها بتوفيق أوضاعها خلال ستة أشهر من تاريخ العمل بالقرار تؤدي إلى خفض في أسعار السيارات، موضحاً أن ذلك يتطلب التنسيق مع وزارة المالية، البنك المركزي وادارات المرور فضلاً عن توفير النقد الأجنبي.

اه عندي علم بالمعلومة دي
وهي تقريبا 40
وبعدين عربيات كتير بتتجمع في مصر كوري وياباتي وصيني وبتبيع كويس ودي ميزة اكثر منها عيب لان المهم هو توافر قطع الغيار وباسعار مناسبة (مش باب فاضي ب3500 جنية ولا باب بي ام)
وانا بسمع اننا بنصدر نسب لا باس بها من مكونات السيارات معني ذلك انها كويسة
وحتي مع هذه النسبة الاساسيات في العربية بتستورد وهي دي المسئولة عن الامان والا تبقي بنصنع عربيات ودا لسة بدري عليه قوي

رد: اختبار التصادم للجاك b15

اقتباس:

المشاركة الأصلية كتبت بواسطة عصام الجارحي (المشاركة 784389)

أنا مقلتش حاجه على العربيه ياراجل ......بس بحس ان شكلها مش عاجبنى بيفكرنى بالاسبرانزا 516

يعنى انا لو هجيب حاجه تقفيل مصرى هجيب ال BYD او الاسبرانزا M11 ......لكن هى زوقيات .

رد: اختبار التصادم للجاك b15

اقتباس:

المشاركة الأصلية كتبت بواسطة د.كمال (المشاركة 784426)

516 يا نهار ابيض هي وصلت للدرجادي هههههههههههه

رد: اختبار التصادم للجاك b15

اقتباس:

المشاركة الأصلية كتبت بواسطة عصام الجارحي (المشاركة 784352)

غبور بيجمع بس مش بيصنع يا دكتور
يعني بيجيب القطع من الصين وبيجمعها
وبيضيف من هنا حاجات بسيطة
ازاز مثلا حليات الدهانات وش فانوس ..ههههههه كدا يعني
يعني هي هي العربية مفيهاش تغيير

لأ يا باشا غبور مدخل فى السياره نسبة 40 % من الصناعه المصريه . ودى نسبه كبيره عند اللى بيفهموا فى اجزاء السيارات . ممكن تكون العربيه فى نظر سيدتك هى هى العربيه من الخارج . لكن الفرق الجوهرى كبير .

رد: اختبار التصادم للجاك b15

عموما يا جماعه عشان الموضوع ما ياخدش اكبر من حجمه وما حدش يزعل مننا . نرجوا من الجميع مع كل احترامنا وتقديرنا ليهم ان ما حدش يعيب فى السيارات الصينى طالما ليس من مالكيها ولم يجربها . مش طالبه حد يحاول يكرهنا فى سياراتنا والا حاتكون ردود افعالنا مش ظريفه واللى مش عاجبه الصينى يركب اى ماركه واى صناعه تانيه وبلاش يوجع دماغه ويدخل منتديات الصينى . وحايشرفنا نتعامل معاه خارج موضوعات الصينى .