رد: بتحب انهى مدرسة فى صناعة السيارات
 

طيب لية مفيش مدرسة مصري لصناعة السيارات:hd:
او صومالي مثلآ ههههههههههه:crazyW14:

رد: بتحب انهى مدرسة فى صناعة السيارات
 

الحكم على مدارس السيارات يجب أن يرتبط بكيفية تفكير مصنعي هذه السيارات والسوق الموجهه له. لذلك فإن أفضل مدرسة (من وحهة نظري) هي التي تناسبنا كمجتمع، وليس كأهواء شخصية.
طبعا كل واحد منا يريد سيارته الأحلى والأسرع والأفخم والأوسع والأرخص والأءمن والأرخص والأكثر اعتمادية والأعلى تكنولوجيا، وكل ذلك في وقت واحد..... مستحيل

المدرسة الأمريكية:
المجتمع الأمريكي مجتمع يعتمد على أسر كبيرة العدد، والبلاد مترامية الأطراف، لذا يجب أن تكون السيارة تلبي هذه المطالب
متوسط دورة المنتج (عمر الموديل من تاريخ نزوله لأول مرة إلى أن يتم تغييره بموديل جديد) 7-12 سنوات

المدرسة الأوروبية:
مجتمع لا أسري، شوارعه قديمة وصغيرة ولكنه مجتمع غني يريد الرفاهية، اذهب إلى أوروبا ولن تجد سيارة هاتشباك بأربعة أبواب، متوسط دورة المنتج: 6-8 سنوات

المدرسة اليابانية (والآسيوية بشكل عام)
مجتمع أسري مترابط يعيش في مناطق جبلية أو داخل مدن ذات شوارع ضيقة، وثقافتهم تعتمد على البساطة في كل شيء، مع تقديس قيمة العمل فلا وقت يضيع بدون طائل، لذا فالاعتمادية مهمة جدا، متوسط دورة المنتج (4-6 سنوات)

أنا شخصيا أحب المدرسة الآسيوية بشكل عام، لأنها حسب احتياجاتي تلبي كل ما أحتاجه وبسعر مناسب:fun_36_3_3[1]:
وفي كل مرة سوف أشتري سيارة سأجد موديل جديد به كل المستجدات في السوق

ومن الآخر كل العربيات بتبوظ، كل اللي بيحصل إني بدفع فلوس زيادة عشان أصلح العربية الأوروبية، والعربية الياباني ما بتبوظش

رد: بتحب انهى مدرسة فى صناعة السيارات
 

اهلا بيك فى مصر موتورز وفى التوبيك واحييك على مشاركتك القيمة
وحابب اسمع رايك فى صناعات الجيل الرابع ( كوريا - الصين - الهند - ماليزيا - ايران )

وبالاخص الاربعة الصين - الهند - ماليزيا - ايران - باعتبارهم ركزو اكتر فى التصنيع حسب المتطلبات المحلية ونجحوا فيها وبدائو التصدير بكثافة

رد: بتحب انهى مدرسة فى صناعة السيارات
 

أشكرك يا أبو نورا، وأرجو إني اقدر أضيف حاجة للمنتدى إن شاء الله

بالنسبة للجيل الرابع، فأنا حتكلم من منطلق علمي شوية.... وبارجع في معلوماتي لصفحة الويكيبيديا عن صناعة السيارات http://en.wikipedia.org/wiki/Automotive_industry

وزي ما قلت قبل كده الموضوع معتمد على المصنعين والسوق مش مجرد البلد اللي بتنتج

أنا شخصيا شايف إن كوريا حاليا وبالذات مجموعة هيونداي-كيا تعتبر دلوقتي الحصان الإسود اللي عمال بيكسب ومحدش عارف يوقفه، وقريب قوي ممكن نشوفهم مكان تويوتا من ناحية الجودة وحجم الإنتاج والمبيعات

الصين دي حاجة فريدة قوي، الصين حاليا أكبر بلد بينتج سيارات في العالم (18 مليون سيارة في 2010) بعد ما كانت حوالي مليون واحد بس في 1992، بالإضافة إلى وجود أكتر من 35 شركة وماركة للسيارات بينتجوا الـ18 مليون سيارة.... الصين أكبر سوق للسيارات في العلم بعد ما كانوا بيركبوا العجل من 30 سنة، الصين لما فتحت باب الاستثمار للشركات العالمية كل شركات السيارات جريت عشان تلحقلها مكان هناك، لإنهم عارفين إن الصين هي المستقبل
أنا حاليا مقردرش أقوللك إن العربيات الصيني كويسة لإني ما جربتهاش أو معرفش حد مجربها، بس زي ما الناس بتتكلم على العربيات الصيني دلوقتي، الأمريكان كانوا بيتكلموا على العربيات الياباني بنفس الطريقة من 50 سنة.
بس أنا أتوقع إن الصين حتوصل لمستوى الجودة الياباني قريب قوي (يمكن أقل من 20 سنة) خصوصا إنهم عندهم تصميمات وتكنولوجيا من جوا البلد، مش كلهم معتمدين على شركات تانية، بس أكيد مش كل الشركات الـ 35 دول حيفضلوا موجودين.

الصين هي المستقبل

الهند برضو مستقبلها كويس، بس لازم يلعبوا على مستوى تاني، وانا شايف إنهم ماشيين في سكة العربيات الرخيصة للفقرا، وممكن دي تبقى هي السكة اللي حتخليهم ينتشروا في دول العالم التالت، خصوصا إنهم بدأوا يبقى فيه ماركات معروفة بتكسب كويس وتشتري ماركات عريقة

ماليزيا لسه فاضلها شوية، حجم الإنتاج هناك ضعيف (بروتون بتنتج حوالي 150 ألف عربية في السنة) وده مش كفاية عشان تنتشر، ولسه معتمدين على غيرهم في التكنولوجيا... بروتون=متسوبيشي، بيرودوا=دايهاتسو

إيران، حجم الإنتاج فيها كبير نسبيا (1.5 مليون تقريبا في 2010)، بس مش هو ده المهم، لسه معتمدين على بيجو، واللي يعتمد عالفرنساويين..... بلاش أكمل احسن

تركيا مش أحسن من إيران، برضو حجم الإنتاج كبير نسبيا (حوالي مليون عربية في 2010)، بس مفيش فيهم ماركة تركية خالصة (توفاش عربياتها مرتبطة بفيات) والباقي تجميع لماركات عالمية

على فكرة... البرازيل إنتاجها أكتر من 3.5 مليون عربية في 2010، بس مفيش فيهم أي ماركة برازيلي.... زي عندنا في مصر، والحاجات دي مش بتعمل مدارس.

المدارس في صناعة السيارات بتتكون لما يكون فيه مدارس تخرج مبدعين في البلد اللي بتنتج

رد: بتحب انهى مدرسة فى صناعة السيارات