مصر موتورز مجتمع السيارات - يوميات رينو رينبو ... اسعار قطع غيار وكل شيئ عنها

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - يوميات رينو رينبو ... اسعار قطع غيار وكل شيئ عنها (https://www.masrmotors.com/vb/showthread.php?t=52527)

رد: يوميات رينو رينبو ... اسعار قطع غيار وكل شيئ عنها

وعليكم السلام
الموتور القديم الى عندك بتاع الرينبو و رينو9 صوته عالى طبيعى ودا بسبب الكاتينة الجنزير
وطالما قررت تشترى الاينرجى 1400 هاته بفتيسه عادى او اتوماتيك وبلاش الانجيكجن لانك ممكن تغير معاه التابلوه والضفيرة والتانك

يافندم انا متشكر جدا على الرد ..طيب بالمرة بقى اية رأيك فى عزبة شلبى او الحرفيين هل ممكن اجيب موتور من هناك وانا مطمن ولا احسن اشد الرحال على بورسعيد ؟؟
وممكن الموتور يعمل كام بعد الفصال ؟؟
وهل ياترى لو غيرت الموتور لازم اغير نظام العادم على اساس ان الموتور الجديد اكيد هيبقى 16 صباب
يعنى ممكن موضوع خروج العادم ببطء ممكن يأثر على اداء العربية .....واسف على الاطالة

رد: يوميات رينو رينبو ... اسعار قطع غيار وكل شيئ عنها

اسال عليه فى عين شمس الاول وشوف الاسعار عند منتصر وفاصل معاه
الموتور الاستيراد بييجى معاه اول فتحة نظام العادم ومفيش فرق

رد: يوميات رينو رينبو ... اسعار قطع غيار وكل شيئ عنها

اسال عليه فى عين شمس الاول وشوف الاسعار عند منتصر وفاصل معاه
الموتور الاستيراد بييجى معاه اول فتحة نظام العادم ومفيش فرق

انا متشكر جدا على اهتمامك دة :THUMBS~220:

رد: يوميات رينو رينبو ... اسعار قطع غيار وكل شيئ عنها

اقتباس:

المشاركة الأصلية كتبت بواسطة akram borio (المشاركة 989482)

انا معايا رينورينبو 99 عندى مشكله مش عارف ايه مصدرها عندى لما بدوس على دواسه البنزيه لما عداد rbm يوصل ل 2.5 لغيت 3 بسمع صوت تجعير من المتور بيبقى صوته خشن وبردو لما بمشى وزود على الغيار لحد 3 بسمع تجعير ولما يعدى 3 الصوت يبقى عادى مع العلم انى غيرت ديسك واسطوانه وبليه ممكن ده يكون من سير الكاتينه عشان جنزير ارجو الرد

ممكن الموضوع يبقى ابسط من كدة بكتير.. انا كان عندى نفس المشكلة وفى الآخر كلعت المصفحة اللى تحت الموتور لامساه من تحت -مع العلم انى ماخبطش العربية من تحت- بس الميكانيكى زق المصفحة لتحت والصوت اختفى.. بس فى واحد بيفهم قالى انت كدة محتاج تغير قواعد موتور عشان هى اللى خلت الموتور يريح على المصفحة.. مش المصفحة هى اللى طلعتله :]

رد: يوميات رينو رينبو ... اسعار قطع غيار وكل شيئ عنها

انا اشتريت شوية حاجات من عند الحاج محمود الطيب- امبابة آخر شارع الوحدة. اكتر راجل محترم ممكن تتعامل معاه.
الحاجات دى اسعارها كالآتى:
- طقم دبرياج Valeo اصلى 450جم
- بلية دبرياج (ميجان 1) 45 جم -ايون هاركبها على الرينبو-
- فورش البلية (ميجان 1) 100جم
- قاعدة موتور خلفية 110 جم
- قاعدة موتور يمين 55جم
- قاعدة موتور شمال 85 جم
- فانوس خلفى كامل 110 جم
- مسطرة خلفية (مابين الفانوسين) 275جم بس كانت خلصانة
طبعا الاسعار بتتغير كل فترة بس خليك واثق ان الحاج محمود عامة اسعاره حنينة وكلمته واحدة ومابيفاصلش ولو فيه فكة فى الحساب الاجمالى ممكن ينزلها من نفسه.
صيانة سعيدة للجميع :)