مصر موتورز مجتمع السيارات - هل ممكن تركب عربية صيني

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - هل ممكن تركب عربية صيني (https://www.masrmotors.com/vb/showthread.php?t=54661)

رد: هل ممكن تركب عربية صيني

اقتباس:

المشاركة الأصلية كتبت بواسطة tarbook (المشاركة 432434)

انا مقدرش افكر فى موضوع الصينى ده لانى راكب سياره المانى مستحيل انزل منها اركب سياره صينى عاشق BMW

كلامك دا ينطبق على أى ماركه تانيه غير الصينى . طالما انت عاشق للـ BMW . واللا انت بتستعر من كلمة صينى وبس ؟؟؟؟؟؟؟؟؟؟؟؟؟
عموما السيارات الصينيه . زلزلت الصناعه فى كل مكان بما فى ذلك امريكا وأوروبا . وأكيد انت لو متابع جيدا حاتعرف ان كلامى مظبوط .

رد: هل ممكن تركب عربية صيني

السلام عليكم ورحمته الله وبركاته

كلامك دا ينطبق على أى ماركه تانيه غير الصينى . طالما انت عاشق للـ BMW . واللا انت بتستعر من كلمة صينى وبس

لا انا عمرى ما استعر من الصينى لانى بتعامل بيه بس مش بتاع مصر الدرجه 3 بتاع امريكا انا بشترى منتجات كتير جدا من امريكا كلها صينى بس صينى نضيف مبينزلش مصر اولا ده يبين انى مش بستعر من كلمه صينى وتخيل ان فى تجهيز احواض الماء المالح افضل المنتجات الصينى مثل الاسكيمر وvu
البوارات ليدات النور للاحواض كل دول صينى وانا بشتريهم وناس كتير جدا بتتعامل بالمنتجات دى .
بس للاسف مش موجوده فى مصر نهائى مع العلم انها صينى .

عموما السيارات الصينيه . زلزلت الصناعه فى كل مكان بما فى ذلك امريكا وأوروبا . وأكيد انت لو متابع جيدا حاتعرف ان كلامى مظبوط .

يا استاذ سيف الدين سعيد الصين دول متقدمه جدا فى الصناعه ليها كتير من المنتجات بس للاسف درجات مصر ليها خط انتاج لوحده وامريكا ليها برده خط انتا اكيد هتعرف الفرق اكيد انتا عارف الفرق دى المشكله فى الصين فرق الجوده .

رد: هل ممكن تركب عربية صيني

اقتباس:

المشاركة الأصلية كتبت بواسطة tarbook (المشاركة 432788)

السلام عليكم ورحمته الله وبركاته

يا استاذ سيف الدين سعيد الصين دول متقدمه جدا فى الصناعه ليها كتير من المنتجات بس للاسف درجات مصر ليها خط انتاج لوحده وامريكا ليها برده خط انتا اكيد هتعرف الفرق اكيد انتا عارف الفرق دى المشكله فى الصين فرق الجوده .

انا متفق جدا معاك فى كل كلامك ماعدا الجمله الأخيره لأن المشكله دى مش فى الصين . المشكله فى مصر . لأن المستورد اللى بيروح يتعاقد على منتج صينى هو اللى بيسترخص عشان يحقق أعلى نسبة ربح . ودا طبعا على حساب جودة المنتج وخامته ومواصفاته .

رد: هل ممكن تركب عربية صيني

اقتباس:

المشاركة الأصلية كتبت بواسطة سيف الدين سعيد (المشاركة 432430)

وبعدين لو خامة البلاستيك فى الكورى اللى لسه حالا بنقارن بينه وبين الصينى طريه زى ما بتقول فالمفروض انه مايتكسرش بسهوله . لأنها خامه مرنه . ودا البعض بيعتبره ميزه مش عيب .

اولا دى حرية رأى يعنى مينفعش اقول لحد انت مش بتفهم فى كذا هو حر إن شاء الله غلط,ثانيا حضرتك خلطت بين مرونة البلاستيك فى الخامات الداخلية ومرونة الصاج بتاع السيارات الحديثة ودخلت الأثنين فى بعض,المرونة لها ميزة وعيوبها اكتر بمعنى انا بسيب العربية تخلص ساعة الحادثة بشرط خروج السائق وده منطق صناع السيارات مينفعش بقى اطبق القانون ده على خامات العربية كلها,يعنى مينفعش اروح أشترى عربية ألاقى درجها يتكسر فى أيدى اقول ياحلاوة مرونة صح ولا كلامى غلط
.حضرتك السيارات الصينى وانا آسف لكلامى لكن معروف إنها بتصنع من مخلفات مصانع السيارات الكبرى وأكتب على النت وشوف النتائج,
مينفعش اقارن الصينى باليابانى او الألمانى ده سعر وده سعر ودى فئة ودى فئة ودى تكنولوجيا ودى تكنولوجيا ,يبقى عادى لما أركب صينى مفيش مشكلة لكن المشكلة لو حاولت اكبرها أكبر من حجمها الطبيعى

رد: هل ممكن تركب عربية صيني

كده انتا فهمتنى وده المطلوب

لأن المستورد اللى بيروح يتعاقد على منتج صينى هو اللى بيسترخص عشان يحقق أعلى نسبة ربح . ودا طبعا على حساب جودة المنتج وخامته ومواصفاته .

ده صحيح جوده المنتج الصينى بتفرق على طلب التاجر .
عشان احنى فى مصر مشكله .

رد: هل ممكن تركب عربية صيني

الصيني هو الاسد القادم بقوه وسعوا الطريق للمارد

رد: هل ممكن تركب عربية صيني

اقتباس:

المشاركة الأصلية كتبت بواسطة Devill Blood (المشاركة 433278)

هى حرية رأى طبعا وانا ماقلتش ان حد بيفهم او مابيفهمش ومش معنى انى مش متفق معاك فى الرأى ان انا او انت مابنفهمش . ولا انى بافرض رايى عليك . لأنى فى النهايه لا يهمنى اقتناعك من عدمه لأنى انا مقتنع بفكره معينه وممكن مانتفقش فى النهايه . ومش معنى ان 95% من الشعب المصرى عنده عقدة الصينى ان الصناعه الصينيه صناعه سيئه . بالعكس تماما . يمكن نكون احنا اللى سيئين . والدليل على كده حاجات كتير جدا من أولها ان احنا يا مصريين اللى بنستورد الخامات الرديئه وبندخلها بجشع المكسب السريع . دى حاجه . والحاجه التانيه ان انت يا مصرى حتى الآن مابتقدرش تصنع ولا حتى فردة كاوتش تنافس بيها . وحاجه تالته وليست أخيره . تقدر تقول لى يا حضرة مستخدم السياره كام واحد بنسبه تقريبيه من الشباب واعتقد انك واحد منهم ) بيعرف قواعد القياده السليمه عشان يحافظ على عربيته ويستعملها صح ؟؟؟؟؟؟؟؟؟؟؟ احنا يا مستخدمين لو عملوا لنا سيارات من الفولاذ برضو مش حاتعيش معانا وحاتبقى هى اللى سيئه . عموما . حضرتك حر فى وجهة نظرك .