مصر موتورز مجتمع السيارات - يوميات رينو رينبو ... اسعار قطع غيار وكل شيئ عنها

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - يوميات رينو رينبو ... اسعار قطع غيار وكل شيئ عنها (https://www.masrmotors.com/vb/showthread.php?t=52527)

رد: يوميات رينو رينبو ... اسعار قطع غيار وكل شيئ عنها

اقتباس:

المشاركة الأصلية كتبت بواسطة emad_hamdy_bri (المشاركة 994216)

لو سمحتم حد يعرف مكان اشترى منه كبوت لرينو رينبو 99
يا بسرعة ضرورى

لوحضرتك من اسكندريه انزل الفراهدة فيه هناك بتوع الاستيراد للرينو اسال عندهم وان شاء الله تلاقى

رد: يوميات رينو رينبو ... اسعار قطع غيار وكل شيئ عنها

يا جماعة ميكانيكية الرينبو فين في عين شمس و جسر السويس

رد: يوميات رينو رينبو ... اسعار قطع غيار وكل شيئ عنها

عند الشارع الجديد قريب من مزلقان العشرين فية ياسر وفية رشدى وفية رينوالمهندس ب ش6اكتوبر من جسرالسويس بالمساكن

رد: يوميات رينو رينبو ... اسعار قطع غيار وكل شيئ عنها

السلام عليكم اخوانى الاعزاء ...طالب نصيحة ومشورة
انا معايا عربية رينو رينبو و متورها خفيف شوية بمعنى : العربية صوتها عالى على الفاضى و التسارع بتاعها
بطيئ جدا يعنى لازم احرق على الغيار علشان العربية تجرى معايا , و بتجيب اقصى سرعة ليها 120 ,130 و بيبقا صوتها عالى ,ناس قالولى ممكن يكون من الاسطوانة و الديسك ..غيرت اسطوانة وديسك وبردو المشكلة موجودة ,فكيت الكربراتير حتة حتة بايدى و نظفتة كويس نوعا ما العربية بقت احسن(تحسن طفيف) لمدة بسيطة وبردو رجعت تانى .
فقررت انى اسأل على موتور استيراد الاينرجى 1400 انجيكجن ,سافرت بورسعيد و سألت على المواتير لقيت موتور الانيرجى عامل 4000 و لقيت موتور اتوماتيك بكل حاجاتة عامل 5000 عند واحد اسمة الحاج احمد جبر دة مكانة فى عمارات بنك الاسكان فى بورسعيد .
السؤال هنا قى :هل اجيب موتور جديد و اريح دماغى من وجع القلب بتاع الميكانيكية و المصاريف اللى على الفاضى و يبقى انا كدة ضربت عصفورين بحجر و جبت موتور بفتيس اوتوماتيك ؟
و لا اصلح الموتور اللى معايا دة ,انا لغاية دلوقتى مش عارف العيب منين .
تنصحونى بأية الله يباركلكم ,انا بحب العربية دى جدا جدا و هى حلوة و ناعمة فى السواقة و مريحة جدا من ناحية الصالون و انا اول مرة فى حياتى اكتب رسالة على منتدى س انا لجئتلكم لانى لقيت ناس كتير بتشكر فى المنتدى دة و حاجة تانية ان المصادر للعربية دى على النت قليلة جدا بالنسبة للمواقع الاجنبية
انا اسف على الاطالة سمحونى
وشكرا ليكم مقدما .....

رد: يوميات رينو رينبو ... اسعار قطع غيار وكل شيئ عنها

وعليكم السلام
الموتور القديم الى عندك بتاع الرينبو و رينو9 صوته عالى طبيعى ودا بسبب الكاتينة الجنزير
وطالما قررت تشترى الاينرجى 1400 هاته بفتيسه عادى او اتوماتيك وبلاش الانجيكجن لانك ممكن تغير معاه التابلوه والضفيرة والتانك