رد: فيرنا أم لانوس أم لوجان أم بي واي دي إف3 أم إسبرانزا 516
 

انا رأي ان الترتيب
الوجان علي اساس الكامليات و حلاوه التابلوه
الفيرنا العربية جميله جدا بس شكلها مش عجبني
الانوس مضمونه و اعتمادية جدا وتنفع لاي حد بيفكر يجبها كام سنة ويبعها بعد كده

بس بصراحة بعد التدوير الكتير لقيت كل المميزات موجوده في
البريلينس FSV الجديده
http://www2.0zz0.com/2010/12/13/23/663536253.jpg
عربية من الاخر بجدGIFT4U

رد: فيرنا أم لانوس أم لوجان أم بي واي دي إف3 أم إسبرانزا 516
 

ال اف اس في اول ما نزلت كانت ب 89 الف لحد 98 الف تصوروا!!! راحوا في المعرض لما محدش اشترى أو حجز لموا الدور و نزلوها ب 69900 جنيه اول فئه ( و اعتقد افضل فئة لأنها بمحرك CVVT على عكس المحركات ال 1600 EFI و ده بيدي اداء اكثر و استهلاك اقل للسيارة!!! ده اللي انا بتكلم عليه والله!!!!

رد: فيرنا أم لانوس أم لوجان أم بي واي دي إف3 أم إسبرانزا 516
 

الموضوع مش مين احسن على الاطلاق لكن احسن بالنسبة لمين , عن تجربة شخصية بعد بلوغ سيارتى القديمة السنه الثانية عشر قررت بيعها و البحث عن سيارة اجد فيها ما لم اجدة فى القديمة فكانت عناصر البحث :
- سيارة عالية عن الارض علشان المطبات اللى عانيت منها
- اتساع داخلى لاستيعاب افراد الاسرة بدون اعتذارات و "معلش يا جماعة ساعوا بعضيكوا" ومن غير الشكمان ما يلمس الارض
- موتور قوى يشغل التكيف من غير ما العربية تتكتف
- شنطة واسعة تاخد شنط السفر الكبيرة بدلا من وضعها على الكنبة
- سعر اقل من 70000 جنيه
- عوامل امان و ثبات على الطرق و مع الفرامل
- محرك بسيط فى تشغيله ولو ان ده بيقلل من قوته بس بيسهل صيانته و تكلفتها
- شركة موثوق فيها وفى مستوى انتاجها وسمعة وكيلها
فوجدت كل احتياجاتى متوفرة فى الرينو اللوجان وبالبحث عن تاريخ تصميمها و صنعها اقتنعت بها وبمعاينتها وجدت الصاج قوى مقارنة بالغير و بالسؤال عن قطع الغيار وجدت محل بجوارى يبيع قطع لغيار باسعار اقل من اسعار الوكيل المعلنة -صناعة تركى- ده غير الاستيراد لان العربية بقالها كام سنه فى اوروبا ومعدل انتشارها اللى بيتزايد حا يزود انتشار قطع الغيار اما بالنسبة لسعر اعادة البيع فلست من هواه التغيير او البيع و لما ييجى وقت البيع حاتكون الدنيا غير الدنيا ان شاء الله فصليت استخارة و وفقنى الله لشرائها
بس كل ده كان تجربة شخصية لي و اكيد كل واحد له احتياجاته المختلفة المهم يحسبها صح
فيه عامل تانى فى الشراء ما احبش احطه كعنصر تقييم هوه انى حبيتها من اول نظرة :) GIFT4U واول سيارة فى حياتى -سيارة والدى - كانت رينو 4cv زى اللى فى الصورة المرفقة وربنا يوفق الجميع للخير

رد: فيرنا أم لانوس أم لوجان أم بي واي دي إف3 أم إسبرانزا 516
 

بعد الاكسنت الشكل القديم الي كانت معايا لم اجد احسن من اللوجان يناسب احتياجاتي
ما شاء الله عليها
عربية عالية
عفشة ممتازة
شنطة واسعة
مساحة داخلية ممتازة
موتور قوي محترم و سحب و نعومة
عربية مش صناعة او تقفيل مصري او صيني
وكيل محترم
عيبها الوحيد قطع غيار غالية نسبيا بالمقارنة مع الغير و هيتغير الوضع ده بانتشار العربية اكتر باذن الله
و الله الموفق

رد: فيرنا أم لانوس أم لوجان أم بي واي دي إف3 أم إسبرانزا 516
 

طيب إيه رأيكم يا يجماعة في البونتو كلاسيك 2011
أنا حابب أعرف رايكم فيها بالمقارنة باللوجان الكاملة؟؟