مصر موتورز مجتمع السيارات - مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة PoweRPassioN (المشاركة 215293)

موضوعك رائع وحمدا لله على سلامتك

كلك ذوق والله يا باشا ,,, والله يسلمك

اقتباس:

المشاركة الأصلية كتبت بواسطة elensaan (المشاركة 228836)

ايه ده فعلا ممتع جدا جدا
اهو كدة الشغل
انا مسكت الموضوع من الجلدة للجلدة الليلادي
وقررت لازم اوصل للاخر
من بعد صلاة القيام لحد السحور
ولو كان اطول من كدة كنت هكمل
ربنا يوفقك في مواضيع اخري
بس نفسي اسمع منك بعض التفاصيل في رحلة الاربعين ساعة
اكيد نحب نسمع عن البلاد اللي مريت بيها
نحب نسمع عن الاستراحات وايه لفت نظرك
المشاهد البرية
تفاصيل اكتر عن الفيو حوالين الطريق
اكيد في مناظر ما شوفنهاش لاختلاف التضاريس عن بلدنا
ROSE4Uمتعنا الله يكرمكGIFT4U

يااااااه دا ايه ده كله يا باشا .. انا طبعا فى غاية السعادة ان الموضوع عجب حضرتك و على فكرة انا عندى صور كتير للرحلة بس ماحبيتش اكتر منها علشان الموضوع هيبقى طويل جدا و هياخد وقت فى التحميل خصوصا مع الناس اللى بيستعملوا (الدايل اب) بس لو تحب يا باشا ممكن ابعتهم لك

و اما عن اسئلتك انا مريت طبعا على السعودية (طريق الشمال ) و هو يشمل طبعا المدن اللى انا ذكرتها فى الموضوع و هى معظمها مدن صغيرة و طبعا فيه ما بينها قرى اسماءها غريبة جدا و انا بعدى على المدن من برة و بيكون طبعا على الطريق فيه استراحات و مطاعم و بنزينات و أما عن الاستراحات فإن معظمها للأسف دون المستوى من حيث التجهيز و النظافة و لكن بصراحة فيه استراحات تدخلها تلاقيها خمس نجوم و العريبة بقى ان السعر متقارب جدا جدا بس هما عارفين ان الناس بتدخل تريح لها كام ساعة و تاخد دش و تنطلق و خلاص
المشاهد البرية بقى معظمها صحراء قاحلة لا زرع فيها ولا ماء بس فيه بعض المناطق بتبقى جبلية و جبال على كل شكل و لون جبال صفراء و حمراء و خضراء و سوداء بجد شوية مناظر ماينفعش تتوصف .. لازم تتشاف
بس انت بصراحة مش محتاج وصف انت شكلك كدة محتاج فيلم تسجيلى عن الرحلة يا معلم
عموما انا لسة هعمل موضوع مغامرات 2010 ان شاء الله و هحاول اعمله بالطريقة التفصيلية اللى انت عاوزها و احط فيه صور كتير بس يا رب الناس ماتزهقش منى
و نورت الموضوع يا باشا