رد: امتحان المرور النظرى ( الكمبيوتر ) حصــــريا
 

السلام عليكم
أولا: أنتى طلبت رأيى فى سيارتين ورشحت لك الأفضل فى وجهة نظرى
ثانيا: مفيش عربية فى الدنيا خالية من العيوب مهما كان نوعها
ثالثا: الناس لم ولن تتفق على رأى واحد ولذلك إذا بحثتى عن أى آراء حول أى سيارة ستجدى العجب العجاب ( معظم الآراء تكون مجرد السماع دون خبرة حقيقية )
رابعا: حددى احتياجك من السيارة وعلى أساس ذلك يكون الشراء مثل سيدان أم هاتش باك - سعة الماتور - المسافة التى فى الغالب يكون فيها استخدام السيارة مثل داخل القاهرة أم مشاوير سفر كثيرة وهكذا ..
وأخيرا لو تسمحى لى أن أرشح لك بعض السيارات
دايو لانوس 1 - فلوكس فاجن جولف - أوبل فيكترا
بلاش توك توك أنا بكرهه
وتمنياتى لك بالتوفيق

رد: امتحان المرور النظرى ( الكمبيوتر ) حصــــريا
 

السلام عليكم
طبعا انا عارفه انى بتعبك معايا بس بجد ميرسيه قوى على رايك ده بس المشكله انه انا اول لما بقرر حاجه واستقر عليها الاقى راى الناس كلها انه لازم تبعدى عن الموديل ده خالص وكلهم يخوفونى منها انا فى البدايه كنت مقرره هيونداى اتوس برايم ب 56000 بعدها الناس قالولى انها مش بتستحمل ومش هتكمل سنتين تلاته بالكتير وسعرها عالى جدا على امكانياتها وسعر اعاده البيع بينزل خالص بعدها فكرت فى شيفروليه لانوس او سبارك قالولى بلاش شيفروليه خالص توكيل منصور سئ جدا جدا وتقفيلها برضو مش كويس فبعدت عن الشيفروليه خالص ولما فكرت فى الفيرنا مع انه شكلها مش بيعجبنى قالولى مش هتوصل لحد اخر الشارع والفيات قالولى الكلام اللى انا قلتهولك قبل كده لكن كل الناس بتنصحنى بالرينو لوجان بس انا للاسف مش بحبها شكلها مش عاجبنى خالص انا هقولك المواصفات اللى انا عايزاها وانت تقولى رايك
اولا تكون عربيه زيرو
ثانيا سعرها ما يزيدش عن 68000 علشان هى دى الفلوس اللى معايا
ثالثا عربيه اطلع بيها مشوار 120 كيلو متر كل يوم
رابعا يكون شكلها حلو
خامسا يستحسن تكون هاتشباك بس تستحمل 120 كيلو متر كل يوم علشان انا بحب الهاتشباك شكلها حلو علشان كده انا فكرت فى الفيات بونتو
سادسا تكون الصيانه بتاعتها كويسه وقطع غيارها مش غاليه قوى
شفت مواصفات بسيطه ازاى يا ريت بقا تقولى رايك علشان انا بثق جدا فى رايك
وميرسيه كتير ليك

رد: امتحان المرور النظرى ( الكمبيوتر ) حصــــريا
 

وأنا بضم صوتى لصوت كل من قال لك على السيارة رينو لوجان لأنها مناسبة للفئة السعرية . فى منها هاتش باك اللى أنت بتفضليه والشكل أنا شايف إن موديلات 2010 فيها أشكال رائعة وممكن كمان تستنى شوية لحد لما تشوفى موديلات 2011 وتبقى كمان كسبت سنة فى الموديل بس لازم تعرفى حاجة مهمة جدا إن أسعار قطع غيارها غالية خذى القرار وتوكلى على الله

رد: امتحان المرور النظرى ( الكمبيوتر ) حصــــريا
 

السزوكي سو فيت علي ابلتين وكندسر

رد: امتحان المرور النظرى ( الكمبيوتر ) حصــــريا
 

رائع رائع رائع