المشاركة الأصلية كتبت بواسطة doha9966 (المشاركة 254810)

عندي سؤال
انا اشتريت سيارة بيجو 405 glموديل 92 مستعملة
بس في المطبات بتخبط جامد وحاسة انها في العربية نفسها مش في الشكمان
ياترى ايه الحل
وكمان حاسة ان الدركسيون ثقيل وفيه صوت
معلش اعذروني لاني جاهلة شوية في موضوع السيارات

المشاركة الأصلية كتبت بواسطة soudy_ma (المشاركة 227377)

السلام عليكم و رحمة الله و بركاته
اخى الكريم نور اخوانى الكرام اعضاء اول مشاركه لى و عندى تقريبا مشكله عويصه
انا اشتريت عربيه 405 فرنساوى 2000 سىسى فابريكه بره و جوه كانت عند واحد مستشار محافظ عليها موديل 92 و تقريبا من ساعة ماشتراها لم يفك فيها سلك
المهم انا اشتريتها من 9 شهور و كانت العربيه تمام غير ان العربيه كانت بتاكل زيت , فالميكانيكى قال لى ان العربيه عاوزه طقم شنبر و دسك و اسطوانه
و بالفعل عملت طقم الشنبر و الدسك و الاسطوانه و اتكلفت العربيه تقريبا 3250
المهم كنت فى التلين ال 1000 كيلو الاولى بعد الشمبر العربيه تمام و عملت بعدها سيرفيس كامل عند الميكانيكى و تانى يوم خت العربيه كنت مشغل التكييف و انا ماشى على الدائرى سمعت صوت حاجه ضربت فوقفت العربيه و رفعت الكبوت لقيت العربيه ضربه جلدة المياه
و جاء الميكانيكىو خد العربيه قطر للورشه و قاللى ان وش السلندر كان عاوز يتربط و بعد يوم كامل استلمت العربيه و من ساعتها سخونه فى السياره الحراره تطلع ل93 درجه ارجع للميكانيكى قال العيب فى المراوح المهم ضبط المراوح و مشيت بعد اسبوع سخونه غير عاديه عند تشغيل التكييف
رجعت لبتاع التكيف قال ان العربيه فيها مشكلة مراوح مش بتشتغل السرعه الصوى فظبط المراوح و مشيت
اليوم اللى بعده سخونه ............... الللى بعده صوت فى الكبلن محدش عرف الصوت جاى من اين الا لما نزلو الفتيس ........تم ضبط الكبلن ........روحت بالعربيه وواقف امام المحل لقيت زيت بنزل من الكوبل .....رجعت العربيه تانى...........ظبطت العربيه و مشيت بيها و الحقيقه وفت اشغل التكييف احسن ما العربيه تعطل . لكن جربت و شغلت فالحراره ارتفعت مع انها كنت لما اشغل التكيف الحراره كانت بتنزل ل 70
المهم رجعت العربيه تانى للميكانيكى و بتاع التكييف اصلهم جنب بعض و انا منتظر الان انها تتصلح
المهم بعد كل الدوشه ده انا قررت ابيع العربيه لانى فعلا اتخنقت من العربيه لكنى لقيت حضرتكم فى هذا المنتدى بتشكوروا فى العربيه ف قلت اعرض عليكم الامر يمكن يكون فى حل
و اسف مرة تانيه على الاطاله

المشاركة الأصلية كتبت بواسطة m2rizk (المشاركة 256262)

المفروض ان ال gl عالية و غالبا طريقة تعدية المطب هى السبب يعنى لازم ننزل المطب بطريقة سلسة و نسيبش وش العربية يغطس و كمان العيب دايما فى المطبات نفسها ة ليست السيارة
و ممكن كمان نروح لأى عفشجى و نقوله يرجلش العربية يعنى يعليها بس مش كتير عشان الثيات فى السرعات