مصر موتورز مجتمع السيارات - ارشيف احداث عام 2010

ياجماعة الأنسان بطبيعته متعصب, سواء لفريق معين أو لدولة معينة أو لدين معين, والموضوع كان همجى ومستفز فعلا بس أعيب على الأعضاء الكرام التعميم على شعوب شقيقة, أستعمرت وتحررت وعانت ومازالت تعانى من نفس مشاكلنا.

بغض النظر عن اللى حصل واللى أنا شايف أنه صورة متقدمة عن اللى هيحصل لنا قريب, فهل اللى حصل ييجى حاجة جنب اللى بيعمله مشجعى الأهلى والزمالك (الألتراس) مع بعض.

وهل اللى حصل من مثلا 50 شخص يعمم على شعب مكون من 10500000 ونقول عليهم كلهم همج وبربر, وليه محدش علق على اللى حصل من مشجعى الأهلى ضد أتوبيس الزمالك وقال على جماهير الأهلى كلهم نفس الكلام؟؟؟

وبرضه بغض النظر عن الموقف المستفز لينا كدولة ليها كرامة وشخصية دولية, اللى هو السكوت, ومن تونس بعدم الأعتذار عما فعله رعاياها, فده ممكن يكون نابع من أن اللى حصل لا يستحق الكلام عليه, لأنه حادث فردى, بس ضعوا فى الأعتبار أننا الأثنين دول عالم تالت ليس لدينا كرامة ولا قوانين ولا ملكة الأعتذار عند الخطأ, غير مع أسرائيل وأمريكا بس :)

"إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه."

اقتباس:

المشاركة الأصلية كتبت بواسطة mialbedewy (المشاركة 254586)

السلام عليكم
يا جماعة دلوقتي زي ما احنا فيه ناس اتفرجت علي الماتش في بيتها او حتي كانت تعبانه ونايمة كذلك في تونس لحظة الماتش فيه ناس اتفرجت في بيتها او كانت تعبانه او شغاله مش كل الناس بتسافر ورا فرقتها لان ده كلام فاضي
يعني انا مثلا عمر ما جه في بالي اتفرج علي ماتش في استاد
واكيد طبعا مش هسافر ورا فرقتي بلد بره
ده كلام فاضي ومش انا برضه اللي اخرج في مسيره ضرب وتخريب في نادي الاهلي ولا نادي الزمالك او الاسماعيلي او المصري ومش انا برضه اللي افضل قاعد ملط في استاد في مكان فيه آلاف الاشخاص
انا مش بتكلم عن نفسي انا بتكلم عن ناس كتير زيي زيه في مصر وزي في الجزائر وزيي في تونس
يعني باختصار الشباب اللي جاي من آخر الدنيا وقاعد بالمنظر ده وجايب شماريخ مش هاخد فيهم سيئات ولا يمثلوني ولا يمثلو شعب مصر ولا يمثلو شعب تونس ولا احب اتناقش معاهم اصلا ومنهم خالي لان ده انحطاط فكري وفراغ عقلي رهيب
فبلاش نغمه الشعب التونسي والبربر والكلام ده لان دي حقيقه الشباب اللي بيروح ويسافر ويخرب موجودين هنا قبل هناك ولا يمثلوني ولا يمثلو بلدي ولا يمثلو بلد غيري
دول قله خارجه عن الادب والقانون يبقي لازم يتحاكمو

ربنا يكرم حضرتك,بجد رد أكثر من رائع.

ياجماعة تانى خدوا فى أعتباركوا أننا شعوب عالم تاااااااااااااالت, يعنى لو غلطنا مع بعض مفيش أعتذار ولا شجب زى ألمانيا وأنجلترا وباقى الدول المحترمة.

واللى بيحصل بين الجماهير العربية وبعضها هو مجرد "خناقات حارات) زى اللى بيشوف زميله بيتخانق ومن غير مايعرف هو غلطان ولا لأ بيضرب معاه.

وأنا لا أتفرجت على الماتش ولا عرفت النتيجة واللى حصل غير من ال CnnArabic.com واليوم السابع.

ألتمس لأخيك سبعين عذرا, أبوس أيديكوا ألتمسوا:)