رد: اسعار بعض قطع غيار ستروين AX
 

ممم , ابدأ منين بس يا جدعان ..

ابوس ايديكو افهو كويس

متشتريش ستروين ابدااا , ابداااا

انا ممكن اكتب مذكرات ف الاسباب .. بس هكتفي بالاسباب الاساسية

ايمن جلال , انت بتمن العربيه الاساسي و اللي انت صرفته عليها واللي ف الغالب اد تمنها وزياده كنت ممكن تجيب لانوس , تريحك بكتير .. بدل الهم ووجع القلب و كتر التدوير ع الصنايعية و ع قطع الغيار

========================= ==============
الكلام دلوقتي علي العام .. .. مش لايمن بس , للعموم ..

انا معايا ستروين ,, مش انا اللي شاريها .. العربيه موفره جدا للبنزين . وفيها مميزات كتيره .. بس اوعي تشتري عربيه قطع غيارها شحيحه تزلك وتمرمطك عليها ..

انا العربيه معايا ومازالت معايا ومشيت كل الخطوات اللي ايمن مشيها بالظبط .. و غيرت فيها بالعبيط وصرفت بالعبيط .. بس لما تعطل وميكانيكي يوديني من طوخ للحرفيين مواصلات علشان اجيبلها سير كاتينه ولا طرمبة ميه .. "قله قيمه" وكدا الهدف من العربيه .. اللي هو الراحه مبقاش متحقق

مفيش واحد رينا مزودله جرعه الذكاء يقولي العربيه قطع غيارخا والصنايعيه موجودين بس بعيد شويه .. ومحتاجين تدوير بس ..

اقوله يا فندم .. طب ما القطع دي رخيصه جداا و كمان الصنايعيه مش بيشتغلو الا فيها .. عارف فيه ... " في فرنسا " .. هل دا يفرق معايا .. اكيد لأ


والله انا عندي فيات 32 احسن ,, بكتير اوي اوي من الستروين .. قطع غيارها حلوة . وعند البقال واي مكانيكي بيشتغل فيها ... يا جدعان دا سير الكاتينه ب 20 جنية .. وعند اي حد ف اي قريه او ف اي زقاق :)

خلاصه الموضوع ... نصيحه . انا معايا الستروين من سنتين .. بلاش تشتريها

رد: اسعار بعض قطع غيار ستروين AX
 

سعر كومبيرسور تكييف ax بكام جديد وبالضمان ومنين

رد: اسعار بعض قطع غيار ستروين AX
 

حبيب قلبي
بص بقى يا وحش انا معايا C4 وعامل صفحه ع الفيس بحاول اجمع كل اللى معاهم سيتروين عشان الفايده تكون اكتر و الجميع يعرف الاسعار الاماكن عشان انتا عارف قطه الغيار مولعه
وده اللينك اتمنى اشوفك هناك ونتعرف
https://www.facebook.com/pages/Citro...0352526?ref=hl
والله ينور على الشغل الجامد و مشكوووووووور جدا يا برنس

رد: اسعار بعض قطع غيار ستروين AX
 

سعادة الباشا رأى حضرتك يحترم ويقدر وخصوصا انه عن تجربة
بالنسبة لنقطة الصرف على العربية بتختلف على حسب مبدأ صاحب العربية فى واحد يحط جنية وتمشية شهر وواحد يحط 12 وتمشية سنه ده موجود وده موجود بالنسبة لى انا اختارت ابو 12 صرفت كتير عشان كنت بحب العربية وبجيبلها احسن حاجه وماكنتش استنى لما الحاجه تبوظ وتجيب اخرها بالعكس انا كنت متابع كويس واى شىء غير طبيعى حتى ولو بسيط كنت بحرص على اصلاحة وده اختيارى وطبع فى الاول والاخر
من الناحية التجارية اعتقد ان الامور كانت ضدك لان حضرتك بتقول بتيجى من طوخ للحرفيين عشان عشان تشترى قطعة غيار " من هنا جه الزهق والانطباع السىء" بعد المسافة بين محل اقامتك والسوق طبعا المشكلة دى مش بتقابل سكان القاهرة والجيزة لان السوق قؤيب منهم ومش بيتعبوا زى حضرتك يعنى كل ده مالوش علاقة باعربية كويسة ولا وحشة لكن من رأى حضرتك ماننصحش اى حد يشترى الا لو شاف ان قطع الغيار والصيانة قريبة منه وطبعا ده منطقى وصح 100% بس برضه العربية جميلة وتتحب هههههههه :hehehe:
تحياتى لحضرتك:Bravo:

رد: اسعار بعض قطع غيار ستروين AX