مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

صفحة 20 من 97

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة (https://www.masrmotors.com/vb/showthread.php?t=113809)

amr_karimm

11-12-2013 03:14 PM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم
عربيتي كيا برايد 2001 فتيس اتوماتيك .
عندي مشكله ان الفتس مبيخدش الغيار التاني وبحس انه بينط من الأول للتالت.
في اول الحركه يفظل واخد الاول لحد 40كم وصوت المتور بيبقا عالي وبعدين ينقل للتالت , بس ساعات بيكون كويس وبياخد ال 3 غيارات عادي والعربيه بارده بس ده حصل قليل.بس لما بجيب الغيلر التاني مانيول بيبقا شغال كويس.
انا لاحظت ان المشكله ديه حصلت بعد لما مره الوصله الي بين الفتيس والرداتير اتقطعت والزيت نقص في الفتيس وصلحتها وساعتها زودت 2لتر زيت فتيس.
برجاء المساعدة وشكرا لسيادتكم............

mido m

13-12-2013 03:41 PM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم
انا معايا هوندا موديل 2003 اتوماتيك عاملة 230000 كيلو اتاخرت عليها شوية في تغير الزيت بتاع الماكينة غيرته تقريبا على 6200 كيلو والمشاكل نزلت على دماغي ومش لاقيلها حل فياريت اللي مرت عليه اي مشكلة من الحاجات دي ميبخلش علينا

اول حاجة اول ما بتدور العربية بسمع فيها صوت صدى هوا زي صفير كدا بس غير صوت السيور خالص وبيكون فيها تقطيع غير طبيعي خالص حتى لو سخنت العربية

بعد لما تمشي العربية شوية يجي ربع ولا نص ساعة التقطيع بيختفي شوية بس بلاقي الفتيس بينقل متاخر شوية والوقت اللي بينقل فيه بلاقي العربية كلها بتترج والنقله اللي بعدها بلاقي عداد RPM بيعلى لوحده وصوت الماكينة بيعلى كمان وبعد كده بتاخد النقلة اللي بعدها عادي جدا

الخلاصة يا جماعة العربية فتره التغيير بين السرعات بقت اطول لما بشد ع العربية اما لو مش شادد عليها فبتنقل عادي

romeoalmansour

19-12-2013 11:14 AM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

ياريت تقول لنا اخر الصيانات اللي تمت في العربية
اعتقد ان المشكلة في الموتور مش في الفتيس

mido m

20-12-2013 01:20 AM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

العربية بدخلها اشيك عليها كامل كل 5000 كيلو في التوكيل بيعملو صيانه وتشييك كامل بس الربية كانت مركونة 3 شهور ولما رجعت شغلتها كانت طبيعية وبعد كده حوار الزيت دا اتاخرت فيه وغيرته على 6200 كم
المشكلة التوكيل بيقلي انو الصوت بتاع التسخين دا فتيس وبصراحة حاسس الموضوع غريب قوي
سبتها عندهم وقالي هشيك كمبيوتر ورجعت تاني خدتها لقيت الفتيس كله بيفصل على السرعات البطيئة شوية او لو شديت عليها بتنقل عادي بس بحس بحاجة خشنة في النقل كده
رجعتلهم تاني قالي الفتيس كهد جاب اخره يا تعمله عمره يا تدورلك على واحد استيراد

romeoalmansour

20-12-2013 02:19 PM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة amr_karimm (المشاركة 936491)

اتاكد ان الزيت مضبوط وخلي كهربائي يبص لك عليها

romeoalmansour

20-12-2013 02:23 PM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة mido m (المشاركة 938219)

روح عند حد كويس يكشف لك علي العربية بالكومبيوتر والعربية واقفة وكمان والعربية بتتحرك

mic2keen

21-12-2013 11:48 AM

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة mic2keen (المشاركة 936044)

يعطيك العافيه على الموضوع الهايل.
عندي استفسار انا اشتريت عربيه اتوماتيك هونداي افانتي( النترا ) موديل 97
وعاملة 85000 كيلوا ولم اقم بتغير الزيت للجير الاتوماتيك من قبل وخايف اغيره لاني بسمع كلام من المكانيكية بانه اذا غيرت زيت الجير الاتوماتيك وكان الجير ضعيف ده بأدي انه الجير يبوظ .
فمش عارف اغيره ولا ما اغيره . وانا حاسس انه فيه تأخير بالنقلات فانصحني لوجه الله مع الشكر لحضرتك

هوه ليه ما حد رد على سؤالي ؟

مطنشيني لية :3_8_14:

الساعة الآن 08:54 AM.

صفحة 20 من 97

الأخير »

عرض 7 مشاركات من هذا الموضوع لكل صفحة