مصر موتورز مجتمع السيارات - زيت "ليكوي مولي"بالفيديو أداء سلبي وغير متوقع عند السرعات العالية

اقتباس:

المشاركة الأصلية كتبت بواسطة michohat (المشاركة 744207)

الاخ صاحب الموضوع هل في جديد فى الاحداث
لان العضوية الاعلانية لليكوي مولي فى منتدي اخر ذكرت انهم كلموك و طلع العيب فى انك استخدمت نوع زيت غير مناسب لعربيتك وبيقولوا كمان طرمبة الزيت
والرد ده النهارده

السلام عليكم
أحب أن أنقل لكم تجربتيمع زيت ليكوي مولي.
الأول بيانات السيارة
نيسان صني EX
موديل 2011
العداد 40000 "الحالي"
الفتيس AT
ثانيا نوع الزيت المستخدم
Liqui Moly Leichtlauf High Tech 5W-40
ثالثا التجربة و النتيجة
انا كنت من مستخدمي زيت موبيل "10000" و حطيتة في صيانة 1000 و 10000 و بصراحة كان سيء جدا " صوت عالي نسبيا و بيزيد بعد 7000K" فدورت علي زيت تاني أرتحت إلى ليكوي مولي .
كلمتهم و رشحولي ال5w40 Top Tech 4100 , انا كنت قرأت عن Leichtlauf High Tech 5W-40 ولاقيتة من ضمن اللست بتاعت الزيوت الي ممكن أستخدمها من خلال الوب سيت بتاع ليكوي موليو الو
فقلتلوا علية قالي هيمشي مافيش مشكلة بس هو زيت حامي شوية المهم انا قرأت انة في أضافات أكثر من ال Top Tech. الخلاةصة انا أصريت علي Leichtlauf High Tech 5W-40
فقالي مكانك فين قولتله الدقي قاللي هتلاقية عند أوتو سكان و سألني هتعمل الصيانة أمتي
المهم أشتريته و حطيته مع صيانة ال 20000 و كان انطباعي انه هدي صوت الماتور و العربية بقت أنعم و كنت بتابعة لحد ما كمل ال 10000 يعني لمل وصلت لل 30000 و كانت النتيجة انه منقص و اداء الموتور كان تقريبا ثابت خلال ال 10000 K. "ملحوظه ان خدمة العملاء بتاعت ليكوي مولي أتصل بعد الميعاد بتاع الصيانة عشان يعرف رأي و أن الزيت مريحني"
مع صيانة ال 30000أشتريت 1K عشان أكمل علي الي عندي و رحت أعمل الصيانة و طلبت من المهندس أني أكون موجود عند تغير الزيت عشان أشوف الي نازل شكلة إية وفعلا كنت موجود و كان الزيت لسة محتفظ بلزوجته وحرقة كان معقول و عند سوأل المهندس قالي كويس و كان ممكن يقعد كما شوية.
المهم أرتحت و عملت الصيانة و نفس الأداء السابق حتي الأن 40000و لأن انا عندي في الصيانة دي تغيير زيت الفتيس فكنت بدور علي زيت فتيس من ليكوي مولي فقرأت الموضوع ده . بيني و بينكم أنا قلقت ليكون أن الزيت أضرب أتصلت بيهم عشان أعرف و كانت المحدثة كالأتي
1- سألته الزيت بتبرشم أزاي فا رد " الغطاء بيكون مبرشم و لازم يطق معا و انته بتفتحة" سألته يعني مفيش سولوفان من جوه زي شيل قالي لأ سألته بيتكتب علية بالعربي صنع في ألماني قالي لأ بيتكب Made In Germany. قلته طب و تاريخ الأنتج و الصلاحية قالي لازم يكزن موجود . فشرحت الي أتقال هنا فرد انا بستورد الزيت بالمواصفات دي كدة من ألمانيا " انا بطبعي موسوس و لأن الزيت كان بالنسباللي جديد فا بطابعي انا كنت بتأكد من الي فات من نفسي و فعلا كل الي زكره كان موجود مع العلم أن أخ مره أشتريته كان في 1/7/2012".
2- سالته عن الوضوع بتاع الأستاذ " مشكلة الأوكتافيا" فكان شرحه كالأتي
موديل السيارة موديل 2000 أو 2002 "انا بسراحة مس متذكر" و العداد كان تقريبا 200000 و ان صاحب السيارة توجه لشراء Leichtlauf High Tech 5W-40 زيت تخليقي 100% بدون الرجوع لخدمة العملاء و هذا ما سبب المشكلة لأن الزيت خفيف علي الموتور . فسألتةأنت لية مردتش قالي عشان الأكونت بتاعي أتقفل و كنت مش عارف أرد و علي كل أنا تحملت غلط العميل و حليت المشكله عن طريق اني بعت ناس و غيرولو الزيت علي حسابي !!!!
رابعا الخلاصة "معلش طولت عليكم"
1-انا هشتري الزيت تاني لأني مجربه بنفس " بس هتأكد من البرشام و الصلاحية و made in Germany" خوفا أنه يكون أضرب.
2-هشتري زيت فتيس Top Tech ATF 1200.
3- ممكن بعض المشاكل الي بتواجه الناس بتكون عدم إستخدام زيت مناسب للموتور
4- يا ريت صاحب الموضوع يثبت أو ينفي صحة الكلام من وجهة نظر خدمة العملاء بتلعت ليكوي مولي.

أخيرا أسف علي الأطالة بس حبيت أوضح تجربتي لأن حسيت أن الزيت مظلوم.

شكرا