مصر موتورز مجتمع السيارات - افضل سيارة عملية فى متوسط 60 الف جنية

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - افضل سيارة عملية فى متوسط 60 الف جنية (https://www.masrmotors.com/vb/showthread.php?t=747)

رد: افضل سيارة عملية فى متوسط 60 الف جنية

اقتباس:

المشاركة الأصلية كتبت بواسطة ahmedsalah (المشاركة 1190)

طيب ده حل كويس اوى حرام اصلى الواحد يدفع 200 ولا 300 جنية كل شهرين تلاتة مقابل تغيير زيت وفلاتر بس ازاى وامتى الواحد يعرف ان العربية مفيهاش عيوب صناعة !!

لو ناوي علي حاجة هيونداي و حضرتك من القاهرة

ممكن افيدك و ادلك علي واحد محترم جدا و شغال في غبور اساسا

و هيمشي معاك نفس جدول التوكيل و حافظ الهيونداي

و برده لو ناوي علي دايوو اعرف مهندس ممتاز ،،

و فاتح مركز صيانة محترم و الإثنين في الحرفيين ،،

مع العلم ان الأتنين بينصحوا انك تلتزم مع التوكيل فترة الضمان عشان تستفيد بيه ،،

عيوب الصناعة اي حاجة غير طبيعية في العربية و مش مرتبطة بالأجزاء المستهلكة

غالبا العربية اللي بتعدي 20 الف كم من غير مشاكل بيعتبروها كده مستقره لأن لو فيه عيب صناعة كان هيظهر في الفترة دي ،،

خلي بالك صيانة دورية في ميعادها و ملاحظة مستمرة سوائلك و زيوتك مبتنقصشي و مبتقرصشي علي العربية

يبقي حتي لو جبت عربية بنجلاديشي هتعيش معاك

رد: افضل سيارة عملية فى متوسط 60 الف جنية

اعتقد فئه الستينات حيبقى الاختيار السائد ما بين فيرنا , لانوس , وادخل معاهم الفيات سينا الجديده بالرغم من انها تجميع صينى بس تجميع شركه فيات فى الصين يعنى على الاقل فى مراقبه للجوده فيها اكتر من الفيرنا و الانوس

رد: افضل سيارة عملية فى متوسط 60 الف جنية

ياريت يا أبو حميد تقولنا الأول أنت بتفضل أي نوع من السيارات هل تفضل السيارات الصغيره (هاتش باك) أم السيارات المتوسطه (السيدان) ؟

لكي يكون حورنا حول ما ترغبه انت أولا ثم يتم الترشيح ومقارنة السيارات المرشحة إلى ان يوفقك الله لما فيه الخير إن شاء الله
http://www7.0zz0.com/2008/06/18/17/722457454.gif

رد: افضل سيارة عملية فى متوسط 60 الف جنية

والله يا استاذ بايو انا معايا ريجاتا فاكيد واخد على الوسع بس من حيث الشكل بحب الهاتش باك

لاكن اولا واخيرا الموضوع ده مش فارق معايا انا بس عايز اخلص من قرف القديم واشترى جديد بدون ما ارهق ميزانيتى المتواضعة :w6w2005041122053268

رد: افضل سيارة عملية فى متوسط 60 الف جنية

بما أنك بتتكلم عن التوفير (وما احوجنا جميعا له الأن بعد بيع الغاز لاسرائيل بسعر مخفض ورفع سعر البنزين على الشعب) يبقى خلينا في الهاتش باك والمواتير الـCC1000 أو CC1100 وخلينا في الصناعة الكوري عشان نحقق الهدف من التوفير

عندك الشيفورليه سبارك 55 ألف جنيه
الكيا بيكانتو 62 ألف جنيه
الهيونداي i10 بـ 60 ألف جنية

وأنا عن نفسي أرشحلك الشيفورليه "سبارك" لأن كل إللي أشتراها من معارفي بيشكر فيها جدا

رد: افضل سيارة عملية فى متوسط 60 الف جنية

السلام عليكم ورحمة الله وبركاته.
عندى اقتراح .
لو عيلتك صغيره ومش محتاج عربيه كبيره وعاوز عربيه تريحك فى نص البلد بص على العربيه البيرودوا كاليسا.
وهيه عربيه محترمه وهيه عباره عن العربيه الدايهاتسو ميرا الوديل السابق ومتقفله فى ماليزيا. ووكيلها هاشم باص.
وهيه 1000 سى سى. والمانيوال منها ب 51000 (أو 52000) ومنها الأتوماتيك 56900 جنيه.
وفيها تكييف وباور والأتوماتيك بتاعها فيه مرايات كهرباء.
وأنا شخصيا شايف انها عربيه كويسه. بدليل أن العربيه اللى قبلها (الموديل الأقدم منها وهوه بيرودوا كانسيل) وكانت 800سى سى وماشيه مع ناس زى الفل.
وقطع غيارها هيه هيه الدايهاتسو ميرا.
بالمناسبه هيه 3 سلندر بس.
وده رأيى مع إحترامى للجميع.
وربنا إن شاء الله يوفقك فى عربيه كويسه.

رد: افضل سيارة عملية فى متوسط 60 الف جنية

اقتباس:

المشاركة الأصلية كتبت بواسطة aga63 (المشاركة 2167)

فعلا أقتراح جميل والعربيه فعلا كويسه وهاشم باص وكيل محترم ومافيش منه شكاوي ولو حبيت تتفرج على العربيه دي يبقى ممكن تزور الوكيل في طريق مصر أسماعيليه الصحراوي بعد موقف العشر مباشرة وقبل مدينة العبور بجوار وكيل "شيري"