رد: استكمال المهزلة عشان الناس اللى بتشكر لسة فى النيسان
 

جزاكم الله خيرا و الله العظيم انا عندى حالة اكتئاب فظيعة و انا خبرتى مش جامدة فى العربيات بس كل اللى بحكيلوا بيقول ان العربية فيها حاجة مش طبيعية و لما ارح التوكيل بيفهمونى ان كل الديفوهات دى عادية جدا فى الصنى طيب لما هى عربية كلها ضاربة بيبعوها ليه ؟؟؟!!!

رد: استكمال المهزلة عشان الناس اللى بتشكر لسة فى النيسان
 

SPAGETYمش ممكن انت لازم تروح تكشر عن انيابك للتوكيل ولو برر زعق معه :fun_broken:

من الواضح ان مركز الصيانة كلها عايزه العين الحمر وكمان لو ليهم صفحة على الفيس بوك شرد لهم :fun_10_1_124[1]: والله العالم دى مش بتيجى غير كده

رد: استكمال المهزلة عشان الناس اللى بتشكر لسة فى النيسان
 

فعلا دى اخر فرصة ليهم قبل ما اروح حماية المستهلك و ابعت شكوى للشركة الأم كمان و ربنا ييسر

رد: استكمال المهزلة عشان الناس اللى بتشكر لسة فى النيسان
 

العن عربيات النيسان مش بتوع زمان لاة من اول 2008 وانت طالع عربيات زبالة وانا بكرها ااساسا والكورى الوقتى سنتين بالكتير وهيغلب اليابانى والالمانى وبكرة هتشوفوا

رد: استكمال المهزلة عشان الناس اللى بتشكر لسة فى النيسان
 

يا زعيمنا انا مش عايزك تضايق نفسك ولا تزعق معاهم شوية حركات تعبيرية عن اللي ممكن تعمله وهتلاقي عربيتك بتخلص وانتا واقف

والله انا اكتشفت ان الزعيق والشتيمه مش بتجيب نتيجة معاهم قد البرود وخليهم بس يحسوا انك هتعملهم مصيبة بدون اي نرفذه وهتلاقي حاجتك بتتعمل زي مانتا عايز

رد: استكمال المهزلة عشان الناس اللى بتشكر لسة فى النيسان
 

يا ريت التوكيلات اللى يبقى ماسكها يكونوا اجانب من نفس جنسيه وصناعه السياره

يعنى مثلا العربيه اليابانى يبقوا تحت اشراف الخواجه اليابانى

والكورى والامريكى والالمانى و التشيكى والهندى الخ الخ الخ .....

والله ساعتها هاتبقى احلى خدمه على الاطلاق وما فيش أى اشتغالات

والحاجه بتمنها فقط من غير سرقه..

هايجى واحد صاحبنا يقولى طب والصناعه الوطنيه والايد العامله المصريه.

ها قوله يبقوا زى ما هما . لكن تحت اشراف الصانع اللى احنا بنجيب عربياته هنا

لأن للأسف 99% من الصنايعيه والوكلاء معندهمش أى ضمير ولا حتى أخلاق

وأنا اسف انى بأقول كده .. لأنى كنت اتمنى نكون احسن ناس ونكون مصنعين كمان

بدل الاستهتار بالناس كده وأزمه الضمير اللى احنا عايشينها

وافتكر كلام من زمان اوى من ناس اساتذه ورش خراطه كان اللى ماسكها راجل يونانى

وهو اللى علم الناس دى يعنى ايه شغل واحترام الزبون اللى هو بيأكله عيش

والدقه فى المواعيد والالتزام اللى هو مفروض يبقى فينا احنا كمسلمين

وحسبنا الله ونعم الوكيل فى اللى مسوأ سمعتنا فى الداخل والخارج

واعذرونى لأنى اتخنقت .... وربنا يولى من يصلح

رد: استكمال المهزلة عشان الناس اللى بتشكر لسة فى النيسان
 

عندك كل الحق الواحد بيشجع العمالة المصرية بس للأسف العمالة المصرية بعضها هدفوا الرئيسى الفهلوة و تعميم الزبون و الضحك عليه و سرقة فلوسه و استحلالها