المشاركة الأصلية كتبت بواسطة ahmed_bq (المشاركة 2237)

انا بس عندي سؤال .... هل كل العربيات الحديثة كده ولا بس الاسبرانزا؟؟؟

المشاركة الأصلية كتبت بواسطة AboNoRa (المشاركة 623)

نظرا لكثرة تناول موضوع ضعف السحب في السيارة شيري A516 رائيت انه من الواجب توضيح سمات تصميم الموتور وهي العامل الاساسي في المشكلة ( ان كانت مشكلة)

بصوا يا جماعة خلينا الاول نتفق ان سحب العربية او التسارع ده ناتج وصول محرك السيارة لعدد لفات مناسب لاخراج اكبر عزم وعدد اللفات المناسب ده بيختلف من تصميم محرك لاخر فمثلا

في المحركات القديمة اقصي عدد لفات للمحرك كان بيبقي 4000 وبالتالي فان اقصي عزم يمكن الحصول عليه بيبقي في حدود 1600 ل 2500 لفة وده كان بيدي تسارع كويس بس بنسب تخفيض كبيره وعدد نقلات اقل (3 نقلات في الغالب) وده اللي بيخلي عدد نقلات الموتور اقل وبالتالي سلاسة اقل بكثير لاداء المحرك

المحركات الحديثة قادرة علي الدوران بمعدل اسرع قد يصل ل 12 الف لفة في الدقيقة ( في المحركات الرياضية ) وطبعا ده بيحتاج اما نسب تخفيض اقل وعدد نقلات اكتر ( 6 سرعات )

محرك شيري A516 من المحركات السلسة اللي بتديك اكبر عزم علي عدد لفات يتجاوز ال 4000 لفه وده تصميم بيدي اداء اكثر سلاسة وعمر اكبر للمحرك بس بيطلب من السائق انة يفهم حاجة واحده بس وهي ( انه مش هيوصل لاكبر عزم وبالتالي تسارع الا فوق ال 4000 ل 4500 ) وده اللي ناس كتير مبتاخدش بالها منه لان المعتاد في اكثر السيارات انها تدي العزم بتاعها علي 2800 ل 3500 مثلا وطبعا لما حد يكون نازل من عربية بالشكل ده ويركب الاسبيرانزا بيتعامل مع العربية حسبما اعتاد وبينقل بدري ( قبل ال 3000 في الغالب ) وطبعا بيبقي كده مستفادش من عزم العربية في الغيار اللي موجود عليه وبيطلع للغيار اللي بعده والعربية تقلها اكبر من العزم والباور الكافيين لتحقيق السحب المطلوب وهباء تضيع محاولات زياده الضغط علي بدال البنزين وده اللي بيدي احساس بان السيارة تقيلة علي الموتور وده غير صحيح

اخيرا للحفاظ علي الاداء رياضي للمحرك اتبع الاتي

1- راعي الحفاظ علي المحرك ومعاملتة بهدوء في فترة التليين
2- اعتني بعمليه تغيير الزيت في مواعيدها
3- اعتني بعملية استبدال وتنظيف فلاتر الهواء الزيت البنزين
4- يفضل استخدام الزيوت التخليقية ( شل هيليكس - موبيل وان )
5- لايستحب اطالة فترة التسخيين عن نصف دقيقة ثم التحرك بالسيارة بتسارع بطيء وبقلات اقل من 3500
6- بعد الوصول لحرارة التشغيل المناسبة يمكن النقل علي Rpm عالي 3000 ل 4500 حسب الحاجة لسحب اقوي
7- القاعده اللي فاتت للغيارات كلها ما عدا الاول بلاش تشد علي الغيار الاول
8- يراعي التقليل من استخدام الفرامل العكسية قدر الامكان ( النقل من الغيار الاعلي للاقل بشكل مباشر لتقليل سرعة السيارة)
9- استخدم احد منظفات الرشاشات كل فتره ( مثلا كل 10.000 كم )
10- المحرك مصمم اساسا لاستخدام الوقود الخالي من الرصاص فحاول انك تستخدم وقود 92 ومن بنزينة نظيفة
11- لتفادي مشاكل شوائب الوقود احتفظ دائما ب ربع 1/4 التانك ممتلئ علي الاقل
12- القرص المبالغ فيه علي الغيار التاني والطلعات الامريكاني والقرص في الملفات لسماع صوت صرير العجلات المحبب للبعض ليس من الرياضة في شيء وانما عبث يبدد قوه المحرك وعمره الافتراضي
13- مبحبش رقم 13
14- ان توافرت الظروف لذلك اجري بالعربية واخر النقل ل 5000 لفة وحاول توصل لسرعات عالية
"انا مثلا جبت بعربيتي 160 من اجمالي سرعة قصوي 180 " ( ما يسمي بتفتيح البساتم )

بس خلاص وكل وزه وانتوا طيبيين

المشاركة الأصلية كتبت بواسطة utopian (المشاركة 11412)

يا استاذ الكلام الي انت كاتبه ده بعيد تماما عن الكلام العلمي و ابعد ما يكون عن هندسة محركات الاحتراق الداخلي
حضرتك عارف يعني ايه خريطة المحرك (engine map) او (engine characteristic curves) ؟
بلاش فتي ونبي يا جماعة ptmnlo123per172

المشاركة الأصلية كتبت بواسطة utopian (المشاركة 11412)

يا استاذ الكلام الي انت كاتبه ده بعيد تماما عن الكلام العلمي و ابعد ما يكون عن هندسة محركات الاحتراق الداخلي
حضرتك عارف يعني ايه خريطة المحرك (engine map) او (engine characteristic curves) ؟
بلاش فتي ونبي يا جماعة ptmnlo123per172

المشاركة الأصلية كتبت بواسطة utopian (المشاركة 11412)

يا استاذ الكلام الي انت كاتبه ده بعيد تماما عن الكلام العلمي و ابعد ما يكون عن هندسة محركات الاحتراق الداخلي
حضرتك عارف يعني ايه خريطة المحرك (engine map) او (engine characteristic curves) ؟
بلاش فتي ونبي يا جماعة ptmnlo123per172