مصر موتورز مجتمع السيارات - هل ممكن تركب عربية صيني

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - هل ممكن تركب عربية صيني (https://www.masrmotors.com/vb/showthread.php?t=54661)

رد: هل ممكن تركب عربية صيني

يااستاذ سعيد وياكورسير ياحبيبى انا هوضحلكوا بطريقه بسيطه ومن غير متونش فيها نقاش كتييييييييييييييير :

انا اما جبت عربيتى كانت ب68.900 ج زيرو والفيرنا الكامله مانوال ساعتها كانت عامله 69.000 ج زيرو برده
السؤال انا ليه اخترت ال516 ومااخترتش الفيرنا ؟؟؟؟؟؟؟؟؟؟؟؟؟؟؟؟؟؟؟؟؟؟
الأجابه ببساطه لأن اللى محدش يعرفوا انى منت راكب فيرنا مانوال كامله موديل 2008 وبعتها قبل مااجيب الأسبرانزا يعنى جبتها وبعتها كده بدون سبب
لأ اكيد فى سبب وهو انى لقيت ال516 هتفدنى اكتر من ناحيه كل حاجه عن الفيرنا الا العفشه ودى مقدور عليها . ومش عايز اتكلم على عيوب الفيرنا عشان متزعلوش منى ولاعيوب النيسان برده على الرغم يااستاذ سعيد خالى معاه صنى سوبرصالون موديل 2009 ومريحاه على الأخر وبيشكر فيها لكن دايما يتواجه بعيوبها ولو عايزنى اتكلم فيها مفيش مشكله بس عشان النقاش ميخدناش لمرحله احنا مش عايزين نوصلها .
وفى الأخر دى مسأله اذواق واراء وكل منا له ميوله ورأيه الخاص ولا ايه رأيكوا

رد: هل ممكن تركب عربية صيني

اقتباس:

المشاركة الأصلية كتبت بواسطة BASSEM BESO (المشاركة 420577)

يا باسم قول رئيك و احنا لازم نحترمه وياعم قطع في النيسان يعني هي كانت مراة خالي مثلا قول و ما يهمكش حاجه قلي عاوزك قولي يعتك

ايه ده انا قلبت عبد الحليم ولا ايه

الاختلاف في الراي لا يفسد للود قضية
هي دي الديموقراطيه

رد: هل ممكن تركب عربية صيني

اقتباس:

المشاركة الأصلية كتبت بواسطة corsair (المشاركة 420542)

علي ايه يا عم سعيد القلق اروح اجيب عربية صيني ويبقي مصيري زي مصير الاستاذ عماد وغيرهم كتير ونادرا لو نصيبي طلع زي ابو الاسعاد

اقتباس:

المشاركة الأصلية كتبت بواسطة corsair (المشاركة 420542)

اللي شوفته انا ما بين كل 100 عربية صيني ممكن تلاقي بتاع 10 كويسين والباقي غرقان في المشاكل

لكن بالنسبة لبقية العربيات ما بين كل 100 عربية ممكن تلاقي عربيتين تلاته فيهم مشاكل والباقي زي الفل والمشاكل كمان سهل حلها مش يبقي فيها مشاكل ومش عارف احلها وملهاش قطع غيار موجودة والاستاذ عماد يشهد علي كدا

من الاخر مش هشتري صيني ولو فكرت في بيع الفيرنا هجيب لوجن

والله ضحكتني

عموما انا وجه نظري اني لازم افكر و احكم عقلي اولا ثم اختار و انا معنديش مانع ان اركب صيني و هي بالفعل معايا

بالنسبه للصيني ففي عربياااااااااااااات لا تعد ولا تحصي من الصيني وفي منها الوحش و في منها الحلو و الاروع

وفي برضو عربيات مركات و شركات عن وجه نظري المتواضعه متستحقش لقب سياره من الاصل مش ادفع فيها مليم

اي عربيه لازم اشوف امكانياتها و قدراتها و كل حاجه فيها و اقيم ده بالنسبه لسعرها مقارنه باسعار العربيات التانيه

والله لو لقيت ان الصيني " او العربيه الي وقعت عليها اختياري " مقاومتها ومميزتها افضل من عيوبها " الي طبعا اي عربيه فيها عيوب مفيش حاجه كامله " فلي افكر بطريقه سلبيه وامنع نفسي من اختيار قد يكون صائب ؟؟؟؟

كل واحد فينا له طريقه في السواقه و طريقه استخدام و استهلاك
يعني في ناس مبتسافرش خالص كلو جوا البلد فاحتياجه لعربيه مثلا مساعدنا ناعمين جدا غير واحد مثلا كل شغلو طريق سريع فيحتاج الثبات علي حساب نعومه المساعدين وهكذا لو حسبنا كل قطعه في العربيه

فاسلم حل نفرد قدامنا ورقه كبيره بكل العربيات و الاسعار و نعيش بقي و نختار بدون تفكير عنصري
وبالتوفيق للجميع

تقبلو جميعا خالص تحياتي

رد: هل ممكن تركب عربية صيني

اقتباس:

المشاركة الأصلية كتبت بواسطة aboelesaad (المشاركة 420664)

والله ضحكتني

عموما انا وجه نظري اني لازم افكر و احكم عقلي اولا ثم اختار و انا معنديش مانع ان اركب صيني و هي بالفعل معايا

بالنسبه للصيني ففي عربياااااااااااااات لا تعد ولا تحصي من الصيني وفي منها الوحش و في منها الحلو و الاروع

وفي برضو عربيات مركات و شركات عن وجه نظري المتواضعه متستحقش لقب سياره من الاصل مش ادفع فيها مليم

كل واحد فينا له طريقه في السواقه و طريقه استخدام و استهلاك

يعني في ناس مبتسافرش خالص كلو جوا البلد فاحتياجه لعربيه مثلا مساعدنا ناعمين جدا غير واحد مثلا كل شغلو طريق سريع فيحتاج الثبات علي حساب نعومه المساعدين وهكذا لو حسبنا كل قطعه في العربيه

فاسلم حل نفرد قدامنا ورقه كبيره بكل العربيات و الاسعار و نعيش بقي و نختار بدون تفكير عنصري

وبالتوفيق للجميع

تقبلو جميعا خالص تحياتي

يا باشا برده انت مصمم على كلمه عنصريه طيب انا بقى هقول ماسونية مع انها ملهاش دعوه بالموضوع بس برده هقول ماسونيه و ساميه و حسنيه و نفيسه هههههههههههه
يا ابو الاسعاد يا حبيبي انت ثورتك علي ايه احنا عاملين استطلاع و الشعب حر يختار موافق ولا لا
و في نهاية الاستطلاع هنشوف الاغلبيه موافق ولا لا

رد: هل ممكن تركب عربية صيني

مشكور على الموضوع ياباشا
عندس سؤال مهم تعليقا على الصيني
هل هي عربيات خدمة شاقة
بمعنى انا محتاج عربية اروح بيها 6 اكتوبر من عين شمس يوميا
يعني 100 كيلو متر يوميا
هل الصيني وخلليني احصر في عربيتين لان دول اللي باقارن بينهم دلوقتي في الصيني
البي واي دي وال 516
هل دي عربيات خدمة شاقة
قطع الغيار وتوافرها اخبارهم ايه
بصراحة بالنسبة ليا لا تفرق نعومة ولا خشونة وعفشة ناشفة ولا طرية
بمعنى اصح انا احتياجاتي من السيارة الاتي
تكييف كويس مايأثرش على سحب العربية
وعربية خدمة شاقة ومافيش مانع من نظام صوتي حلو لاني باقعد في العربية كل يوم مابين 3 الى 4 ساعات رايح جاي
بس هل دا متوفر في البي واي دي او ال516 ولا لأ
وشكرا جزيلا

رد: هل ممكن تركب عربية صيني

طبعا عربيات ***** اركب صينى ليه هوا انا ساكن عند ورش السيارات ههه والله

رد: هل ممكن تركب عربية صيني

اقتباس:

المشاركة الأصلية كتبت بواسطة اشرفasser (المشاركة 420680)

طبعا عربيات ز**** اركب صينى ليه هوا انا ساكن عند ورش السيارات ههه والله

معلش انا اعترض معاك يا ريت منشتمش انت حر قل رايك بس بدون تجريح