رد: الانترا الجديدة
 

بس الواحد يركب عربية كورى ولا يركب عربية يابانى مين الافضل مش حاجة تحير

رد: الانترا الجديدة
 

الردود الى انا قريتها
moshax
كلام الاستاذ احمد تمام بس عيب الالنترا فراملها ضعيفة بالنسبة للمحرك ... بس العربية حلوة وشكلها اجمل من الصنى واوسع من الصنى وقطع غيار اقل فى السعر
اما الصنى ثباتها حلو جدا والعربية تقيلة بس عيوبها فى التقفيل المصرى وكمان اسمع من ناس كتير عن مشاكل فى ضفيرة العربية
لو هتشترى اتوماتيك خليك فى الصنى لان اليابانى افضل من الكورى فى الاوتوماتيك عامتا
وكمان السوبر صالون بـ 104 الف افضل كسعر وكماليات من الالنترا اعلى فئة بـ 115 الصنى وسائد هوائية واية بى اس ومرايا تقفل كهربائيا من الخارج وجراب نظارة وزر فى الفتيس لزيادة سرعة العربية وجنوط
الالنترا فيها اية بى اس ووسادة هوائية لاعلى موديل وفتحة سقف وجنوط
http://www.masrmotors.com/vb/showthread.php?t=5191

والموضوع ده
http://www.masrmotors.com/vb/showthread.php?t=3960

رد: الانترا الجديدة
 

شكرا جزيلا يا اساتذه
اصل دى اول مره اجيب عربيه و خبرتى صفر فى الموضوع ده ومن اول ما نزلت الانترا من سنه ونص وشفتها فى المنصوره سالت عليها ونويت اجيبها بس القرار اتاخر لظروف الدراسه والسفر
انا اخترت الانترا لانها اعلى فى المواصفات من الانسر السوبر اكشن وكمان التويوتا الجديده سعرها غالى بالنسبه للى فيها وماحدش شكر فيها وكمان ماحدش اشتكى من الانترا لحد ما قريت الموضوع ده الى حطيت لينكاته و بيتكلم فى فرامل يعنى حاجه مهمه جداا فى اى عربيه
ربنا يخليكم ويبارك فيكم
انا ان شاء الله ناو اجيب الكامله فانتم تنصحونى اجيبها منين ؟ وايه موضوع الانتر الخليجى ده ؟
وجزاكم الله خيرا

رد: الانترا الجديدة
 

انا قريت طبعا المواضيع اللى فى الرابط دى , و انا فوجئت بيها تماما لأنى طبعا مش متابع كل اللى بيتكتب فى المنتدى .... بس عموما انا شايف انه كلام على لسان ناس اخرى , و افضل شئ هو التجربه و ياريت لو تعرف حد عنده العربيه تجربها الأول ....بس انا بأكدلك ان الكلام ده مش مضبوط لانى مجرب العربيه كتير جدا بالأضلفه انى معايا موديل 2006 (الشكل القديم)
و عموما لو بتفكر تشترى اعتقد انك تشترى من غبور نفسه او المصريه ....

رد: الانترا الجديدة
 

متقلقش من فرامل الالنترا ..
بصراحه ده اول رأي اسمعه ان فراملها ضعيفه و معرفش ايه سببه ....
مع احترامي لصاحب التعليق ...
انا على العموم معايا ماتريكس ... وفراملها ممتازه .. والماتريكس (كتصميم و تكنولوجيا ) اقدم من الالنترا ... فتخيل حضرتك عربيه من نفس الشركه وتصميمها احدث .. تبقى فراملها اسواء !!!
متهيألي صعبه دي
على العموم الناس اللي اعرفهم ومعاهم النترا عمرهم ما اشتكو من فراملها

رد: الانترا الجديدة
 

حد معاه الانترا ممكن يقولى رايه فيها ايه واخبار العزل فيها ؟ وكمان هل هى تقفيل مصرى ؟

رد: الانترا الجديدة
 

الالنترا كوري ...
كل عربيات هيونداي كوري ما عدا الفيرنا ... تقفيل مصري ... و الفيفا هندي

غبور ساعات بيركب الكاسيت و الانذار هنا

لكن الالنترا كوري