مصر موتورز مجتمع السيارات - ارجو المساعده (فيات سينا 1400 ) 2003

مصر موتورز مجتمع السيارات (https://www.masrmotors.com/vb/index.php)

- FIAT Siena (https://www.masrmotors.com/vb/forumdisplay.php?f=235)

- - ارجو المساعده (فيات سينا 1400 ) 2003 (https://www.masrmotors.com/vb/showthread.php?t=47948)

رد: ارجو المساعده (فيات سينا 1400 ) 2003

اقتباس:

المشاركة الأصلية كتبت بواسطة tefa5518 (المشاركة 361040)

انا كلمت الراجل الى اشتريت منه العربيه وهو جبهالى من الاخر وقالى انا كشفت عليها والكنترول محتاج يتغير وسعره حوالى ٢٠٠٠
والله يا اخى الواحد محتار خايف حد يلعبلى فيها بره التوكيل وتبوظ اكتر وفى نفس الوقت التوكيل غالى
وانت عارف ان موضوع الكونترول ده حساس اوى

فعلا الله يكون فى عونك .. بس كل مشكلة ولها حل متزعلش ..

عاوزك بس تكشف عليها انت ومش هتخسر حاجة غير 50 جنية تمن الكشف واهو علشان تكون متيقن انه فعلا بايظ ...

وطبعا لما تروح متجبش سيره للراجل عن الموضوع كانك متعرفش ..

وابقى اتصل بالتوكيل واسالهم عن تمن الكنترول وتمن تركيبه والتفاصيل دى ..

ولو تعرف برضو تسال عليه فى الاستيراد وتعرف تمنه كام يبقى خير وبركه ...

لو الفرق مبالغ فيه اوى يبقى توكل على الله واشتريه استيراد بشرط يكون على تجربه ودور على كهربائى يكون شاطر ومعروف بتصليح العربيات الحديثة واعمله عنده ..

وربنا يسهل هتتحل باذن الله ..

متــــــــابع ..

رد: ارجو المساعده (فيات سينا 1400 ) 2003

اقتباس:

المشاركة الأصلية كتبت بواسطة حسام البورسعيدى (المشاركة 361051)

السلام عليكم ورحمة الله وبركاته
انا لسه راجع من التوكيل وغيرلى الكونترول وحاجه اسمها الموبينه وخرطوم الهوا والى انصك تغير طقم البوجيهات بطقم يبانى اصلى اولت مش مشكله بجملت المصاريف وغيرلى حاجات تنيه مش فاكر اسمها.....خد منى ٣٨٣٥ بظبط بس العربيه مشاء الله اتظبطت
انا بس حبيت اعرفك بلى حصل و اوجه نصيحه للى معاه فيات ميخليش حد يلعبلو فيها ويوديها التوكيل
الناس ديه محترمه وهتريح دماغك
وشكرا يا اخى على مجهودك معاياROSE4U

رد: ارجو المساعده (فيات سينا 1400 ) 2003

طيب الحمد لله يا باشا ومبروك تصليح العربية وربنا يباركلك فيها ويحفظهالك دايما ...

بس اتمنى تقولنا اسعار الحاجات دى بالتفصيل علشان اخواننا اصحاب الفيات يستفيدوا منها بعد كده ...

تشرفت بمساعدتك يا غالى ....