رد: عندي مشكلة محيراني
 

اولا ربنا يباركلكم لمساعدتي واشكركم شكرا جزيلا وجعله الله في ميزان حسناتكم ان شاء الله
ثانيا
أنصح بمراجعة الرباط على مسامير وش السلندر بترتيب هندسى صحيح

الميكانيكيه ( عارفين طريقة الصليبه بدأ من نصف الرأس أثناء عمل العمرات )

بعد ماتتربط الرأس صح معلش يا هندسة يعني اقول ايه للميكانيكي معلش عشان انا مش فاهمها

ثالثا
اشكر الاخ حسام البورسعيدي جدا من كل قلبي واقولك ربنا يباركلك..المروحة تمام بتشتغل وتفصل صح واحاعمل دورة غسيل للريداتير زي ماقولتلي بس احط مية خضرا بعدها ولا مش لازم واحطها مركزة ولا اخففها بمية مقطرة زي مابيقولو
رابعا
ثرموستات الكوعه بايظه...اصلا الكوعه عندي مافيهاش ثرموستات..اشكرك على مساعدتك النبيله يا حازم باشا

رد: عندي مشكلة محيراني
 

شوف ياهندسه

روحله وقوله أنا شاكك أن مسامير الرأس حتجيب معاك رباط

وأربطهالى بطريقتها الصح بدايه من نصف الرأس

وحرق على مسامير النص الأول وبعد كده مشى بطريقة المقص أو الصليبه حول المسمارين بتوع النص

عموما

أنا حشوفلك رسم هندسى لترتيب رباط مسامير الوش

وأرفعلك صورته

وخليه يحرقلك على المسامير العشره بتوع الوش بنفس الترتيب

رد: عندي مشكلة محيراني
 

http://i728.photobucket.com/albums/w...d/2e7a1754.jpg

دى طريقة رباط وش السلندر لمحرك أربعه سلندر ( زى معظم محركات السيارات )

حيبدأ يحرق على المسمارين رقم 1 & 2

وبعد كده يمشى مع المقص الأزرق لرباط المسامير أرقام 3&4&5&6

وبعد كده يمشى مع المقص الموف لرباط المسامير 7&8&9&10

الهدف من أعادة الرباط وكل شىء مكانه

هو أخذ البوش بتاع الرباط إللى ممكن يكون حدث بسبب أستطالة مسامير الوش

نتيجة تعرض الوش لضغوط غازات الحريق من داخل الأسطوانات والصبابات

مقفوله وخصوصا فى شوط الأنفجار ( الشوط رقم 3 من أشواط الحريق الأربعه )

_________________________ ___

لو تلاحظ يوجد مقصيين ( أزرق وموف )

ولهذا السبب

بتسمى تلك الطريقه للرباط

بطريقة المقص أو الصليبه

لقرب الشبه بينها وبين شكل المقص العادى

وعلامة x

رد: عندي مشكلة محيراني
 

[QUOTE=حسام البورسعيدى;278970]شوف يا غالى ...تسلم يا باشا

عاوزك تتاكد من ان المروحة شغالة .. وبتشتغل فى الوقت المناسب (بالكتير عند نص الامبير)

يعنى تدور العربية وتفتح الكبوت وتفضل تزود بنزين لغاية لما تشتغل المروحة تبص على الامبير لازم يكون معداش النص...... الكلام بيحصل يا معلم وتمام

ولو المروحة بتشتغل زى ما قلتلك .. حاول تشوف ادائها ازاى لانها ممكن تكون ضعيفة ومش بتعمل بكفائة...... المروحة الحمد لله شغالة كويسة

لو مكنش العيب من المروحة .. ممكن يكون العيب من الريداتير (مسدود او مليان صدأ)

قبل ما تدخل فى حوارات اعمل غسيل دورة الميه عند اى واحد بتاع ريداتير (وممكن تعملها بنفسك لو عندك استعداد) وبعدين شوف النتيجة ......دا حاشوفة بكرة قبل ماجي الشغل

شوف الاول الكلام ده .. لو متحلتش المشكلة يبقى هندخل فى جوان وش السلندر (جرب تفتح غطا الريداتير{بقولك يا باشا انا عندي غطا للقربة معنديش غطا للريداتير اعمل كدا برضة ولا غلط}وتزود ميه للاخر وتزود بنزين جامد (4-5 RPM ) وشوف لو فيه بقلله (فقاقيع) فى الميه ولا لا) لو فيه بقلله يبقى كبس الموتور بيهرب للميه وهتحتاج تغير جوان وش السلندر...... .ربنا يستر

بس باذن الله بسيطة.......... يارب

وعلى فكرة انا كان عندى نفس المشكلة بالظبط وطلعت المروحة مش بتشتغل ومكنش على بالى نهائى الموضوع ده وعملت غسيل للريداتير ودوره الميه ووصلت الى انى كنت هغير الريداتير نفسه وبعدين اكتشفت موضوع المروحة ده وكانت محتاجة كتاوت بس...... عقبالي وتطلع سهلة ان شاء الله

شوف وانا هتابع معاك باذن الله ...ربنا يكرم اصلك


نورت المنتدى يا غالى ......... المنتدي منور بأهله وناسه

رد: عندي مشكلة محيراني
 

أهم شىء طبعا

هو مراعاة ترتيب وضع الرباط حسب الأرقام الموضحه على وش السلندر اللى قدامنا بالصوره

رد: عندي مشكلة محيراني
 

رد: عندي مشكلة محيراني
 

الله يخليك

ومتشكر لزوقك