رد: فضفضه و محتاج حد يرد عليا (الاستاذ محمد ابيزا)
 

رد: فضفضه و محتاج حد يرد عليا (الاستاذ محمد ابيزا)
 

محرك ال 1000 سي سي هو محرك اقتصادي صغير مخصص للبلد و توفير البنزين .. مش هيقولك لا في السفر و التكييف و هتمشي 120 عادي بس طبعا هيبقي تحميل عليه لانه صغير و موتور بلوك المونيوم مش زهر انما لو جبت ابيزا 99 1400 سي سي ساعتها عادي مش هيبقي فيه اي تحميل ولا حاجة او ابيزا 94 1300 موتورها حالته نضيفه مش هتقولك لا برضه الموتورين دول بيستحملوا جدا

ثباتها ممتاز طالما عفشتك سليمة و عربيتك في ارتفاعها الطبيعي و كوتش مقاس صح او جنط 15 ثبات هيكون احسن لكن هي بجنوطها الاصليه ال 14 ثابته جدا

سرعة قصوي انا موتوري ماشي فوق 400 الف كيلو و حاليا سرعته بتجيب من 160-170 انما لو موتور بحالته و ممشيش كتير تجيب بتقرب علي ال 200 اللي هي سرعة العداد القصوي

موضوع 250 في الشهر ده مش مقياس .. و مينفعش اولا العربية دي مش استهلاكية في قطع الغيار ظبطها بس و صلح اللي مش مظبوط فيها و هي تمشي تمام متقولش لا اما موضوع 250 في الشهر ممكن تيجي فجأة مثلا يعني فردة كاوتش باظت ! طرمبه بنزين قطعت او موبينه قطعت الحاجات دي مش بتحصل كتير بس ممكن و دول اسعارهم معديه المبلغ ده الموبينا استيراد 300 و الطرمبه الاوريجينال الالماني ب 450 تقريبا و هكذا

قطع غيارها في المتناول و اقل من اسعار قطع ال 2001

لو حابب تعرف اسعار بعض القطع قولي حاجات محددة و هقولك ان شاء الله

رد: فضفضه و محتاج حد يرد عليا (الاستاذ محمد ابيزا)
 

شكرا جزيلا علي الرد الاستاذ محمد ابيزا كبير الابزاوية ذي ما بيسموك هنا في المونتدي و الف شكر للاستاز injection بس انا عاوز اعرف هو في 99 1400 سيسي استاندر يعني دة الفبريكة بتاعهه ؟؟ عشان انا خايف اجيب واحدة متسقطلها ماتور بسراحة عشان سمعن ان الاحسن اني اجيب واحدة بماتورا الفبريكة ؟؟
و انهي احسن ال94 1300سيسي ولا ال99 1400 سيسي من جهة الاسعار قطع الغيار و الفرق ادية في سعر العرابية و من المشاكل و الصيانة
و بالنسبة لقطع الغيار الي نفسي اعرفها هي فوانيس الرنجات باللنس بتوعها امامي و الفوانيس الي ورا
وهل ممكن اركب لنسات في كشاف الشبورة (اصدي الس بيبقي تحت شويه )
تطنابير اممي و حلفي موتور ال1400 بتاع 2001 يركبلها ولا لا وبكام بكل حاجتة كامل ؟؟ وده حلو ولا ولو مش حلو ايه الي اركبهولها احسن منو مع العلم اني مشعاوزة يبقي غالي اوي ؟؟
تيل الفرامل ورا وادام و سير الكاتينو والدنمو و مساعدنها الالماني
دفيرة الكهربة كاملة والفلاتر بس فلتر الهوا الاسبور بردو بكام و الديفل كامل يعند من اول السلندر بتاع الماتور لحد الاخر و الكبالن علبة الدركسيون بالباور
والسمكرة الدوكو و البوجيهات التلاته شمعة والاسلاك بتاعتهم و اذاي انضف الانجكشن مع العلم اني برتاح اكتر للحاجة الجديدة الاصلية وخصوصا قطعة الغيار الالماني واقدر اشتريها منين و عاوز بردو اعرف ميكانيكي وكهربائي كويس للعربية اقصد اقول استاذ عشان انا بصراحة شكاك وبخاف يطنصب عليا و لو هعمل الكلام دة في التوكيل يبقي احسن ولا اية ؟؟ واكشف علي العربية في التوكيل لما اجي اشتريها ولا فين ؟؟ مع العلم انا ساعن في شبرا يعني قريب من وصط البلد و التوفيقية و المهندسين والذمالك وكدة
و انا عاوز اجيب العارابية واعمل فيها كل دة مرة واحدة انشلا حتي اعد شهر كامل بعمل فيها فيستحسن يبقي معايا كام لما اجي اشتري انا ممكن استني سنة كدة ولاحاجة عشان اقدر اعمل كل دة اول لما اجبها و يا باشا مهي العربية لو مصرفتش عليها ال250ج في الشهر هحوشهملها ينعني لو بعد تلات اشهر كانت عاوزة حاجة هيبقي معايا 750 ج :] وهل العربية تستعمل تعد كمان تمن سنين معايا انا مش هعرف اغيرها قبل كدة و بعدين بصراحة هي لو مريحاني ممكن مغيرهاص خالص الا بقي لما ابقي اتجوز واخلف ولا ويكبرو شوية كمان هههههههه
معلش انا عارف اني رغاي بس بجد انا بعشق العربية دي اوييييييي و اسف جدا علي الاطالة

رد: فضفضه و محتاج حد يرد عليا (الاستاذ محمد ابيزا)
 

ال 99 في منها 1400 فابريقه و لو لقيتها تسقيط بس نضيفه خدها و متقلقش اهم حاجة تكشف عليها كويس

ال94 ال 1300 كويسه لكن ال99 1400 انجكشن و اقوي بحوالي 10 حصان و بتوفر بنزين عن 1300 شوية

الفرق بينهم في الصيانة ال 94 كربراتير صيانته سهله و مش محتاج حد فاهم اوي يعني اي ميكانيكي يعمله ال1400 انجكشن لازم حد فاهم الانجكشن يتعامل معاه و دول موجودين كتير

الفوانيس الامامية بالرينجات بالعدسات موجودين و سعرهم 1250 جداد لو جبت مستعمل هيبقي ارخص شوية

و مفيش حاجة هتركب في الفوج لان حتي لو ينفع في عربية تانيه مش هينفع في الابيزا لان الفوج بتاعها ضيق و مستطيل مش مدور

مش فاهم سؤال الطنابير !! مال ال 2001 بال 99 و ال 94 هما هيركبوا مش هيقولوا لا بس ما تجيب حاجتها يعني !!

و الطنابير بالدوشمه بالصرة بالتيل بالبلية هيعملوا في حدود 400-500

كاتينه و دينامو ب 50-70 السير

مساعدين امامي الماني مايلي 600-650

تيل فرامل امامي ترينيتي 70 ريمسا اسباني 110 مايلي الماني حوالي 200 و متجيبوش ده

حضرتك عايز تعرف سعر ضفيرة الكهربا ليه !! دي حاجة مش دورية التغيير يعني عشان تتغير و نادر اصلا لما حد بيطلعها من غير الموتور بتاعها !!

فلتر الهوا ب 20 جنيه العادي لو عايز تجيب واحد سبور زي العادي k&n بيعدي ال 300 لو عايز تجيب فلتر كربراتير سيموتا و تظبطله تركيب حوالي 200 220

ديفل حسب الانواع ! و الهيدر مش موجود لل 1300 و 1400 جاهز لازم تفصله انت و التفصيل بحوالي 400

علبة الدركسيون الباور 650

علبة عادية 300-350

سمكرة و دوكو ده حسب الشغل اللي هيتعمل و نوع البويه

بوجيهات انواع كتير و مضروب و اصلي حسب النوع برضه و ان كان متوسط سعر للحاجات المعقوله 70 80

سلوك 200 تقريبا

الانجكشن اللي ينضفه ميكانيكي مش انت و كذلك الكربراتير لانك مش خبير و مش هتعرف اماكن الحساسات و مش هتعرف تقفل الحاجة زي ما كانت !

احسن مكان للكشف علي الاطلاق هو التوكيل طبعا بس اغلي من برة

و التوفيقية مليانه بتوع قطع غيار فولكس و سيات

رد: فضفضه و محتاج حد يرد عليا (الاستاذ محمد ابيزا)
 

انا بجد مش عارف اشكر حضرتك اذاي انا عاجز عن الشكر والكلام :] حضرتك فتتني جدا و الف الف شكر يا كبير الابزاوية
العربية لما بيكون متصقطلها ماتور 1400 سيسي لاذملها شداد ده صح؟؟ بيعمل كام ؟؟
بس هو بالنسبة للبوجيهات اجيب انهي نوع و منين عشان ميبقاش مضروب ؟؟ وليه مجبش التيل الالماني ؟؟ وهو انا لو عملت الحجات دي كلها مرة واحدة ممكن تعد معايا اد اية
والديفل الاوريجينا الفرنساوي يعمل كام ؟؟ وما هو انسب نوع للابيزا ؟؟
والانذار بكام ؟؟ وال GPS ؟؟ واحسن انواع الذيوت للمحرك والفتيس ؟؟
لما اجي تاشتري واعمل الحجات دي كلها يبقي عايا في حدود كام ؟؟
و حضرتك تنصحني اية الي اعملو وايه الي معملوش في الحجات دي ؟؟ ولو في حاجة انا نسيها او مقولتش عليها لاذم تتعمل شاريت حضرتك تقولهالي
الف الف الف ِِشكر يا استاذ محمد وانا عارف اني بتاقل عليك بس اعتبرني ذي اخوك الصغير :]

رد: فضفضه و محتاج حد يرد عليا (الاستاذ محمد ابيزا)
 

مبتحتاجش شدادات

بوجيهات ngk من توفيقية - تيل بيصفر مش كويس

1000 جنيه تقريبا و انت طالع

انذار ده اسأل فيه محل اكسسوارات و كذلك جي بي اس

زيت فتيس 90 او 140

زيت موتور اي نوع تختاره عادي موبيل و شيل كويسين

خد لفة في القسم هتلاقي اجابات عن كل حاجة

رد: فضفضه و محتاج حد يرد عليا (الاستاذ محمد ابيزا)
 

استاذ جوني
يا ريت تاخد بالك من الاخطاء الاملائيه الرهيبه في مشاركاتك
مش معقول بجد يكون فيه طالب جامعه او حتي ابتدائي بيغلط الغلطات دي كلها.
اسف للاسلوب لكن فعلا كل مشاركاتك تقريبا او استفساراتك بتجعلني ارسم علامه استفهام
عن مدي تعليمك و ما قمت بتحصيله طوال سنين حياتك.

شكرا للاستاذ محمد ابيزا علي مشاركاته و ترجمته للتساؤلات