|
رد: مشكلة مالهاش حل
السلام عليكم كده ضغط الزيت فيه مشكله ممكن تكون الطلمبه بتودع والله المستعان |
رد: سخونة موتور مالهاش حل سوزوكى سويفت
السلام عليكم ورحمة الله وبركاتة
معلش بتأخر فى الرد اصلى محتاس مع الصنايعية لو طرمبة الزيت فيها حاجة ممكن تسخن العربية السخونة دى كلها طيب ممكن حد يقولى لو ما لقيتش طرمبة الزيت بتاعتها ممكن اركب طرمبة بتاعت اية فيات مثلا وشكرا |
رد: سخونة موتور مالهاش حل سوزوكى سويفت
السلام عليكم طلمبة الزيت تسخن المحرك ولها مخاطر اخري لو ضعيفه انما ايه الى يركب اكيد حد هيفيدك من الأعضاء والله المستعان |
رد: سخونة موتور مالهاش حل سوزوكى سويفت
سؤال : هل الميكانيكى نضف مجراى الميه بتاعة البلوكه لما جه يعمل الجوان ؟
طرمبة الزيت ممكن تتأكد منها ببساطة دور الموتور و افتح غطاء التعبئة بتاع الزيت المفروض لما تسحب الثروتل الزيت يطلع يطرطش عندك و تشوفه بعينك بينطر على غطاء التكايهات لو فيها مشكلة غالبا بيكون ترس او فلتر بتتفك تتنضف و تتجمع تانى نادر اما تحتاج تغيير هو شفط الهواء من دورة التبريد و اتأكد ان كوعة الميه سلمية ولا لا ؟ و هل حط سائل تبريد مناسب ولا ميه حنفية ؟ هل ده نفس نوع الزيت المستخدم سابقا ولا نوع تانى ؟ جربت تغير حساس حرارة الزيت و تشوف الفرق ؟ |
رد: سخونة موتور مالهاش حل سوزوكى سويفت
السلام عليكم ورحمة الله وبركاتة
اولا انا بحط مية من الحنفية مؤقتا لان فية حل وربط كتير على ما العربية تتظبط طرمبة الزيت شغالة لكن مش بتنتر زيت برا على الموتور من برا هى المراوح واحدة منهم كانت شغالة بتضغط هوا مش بتسحب بس خلفت سلوكها خليتها تسحب الهوا لانها فى وش العربية قدام الريداتير مش وراة هى طرمبة الزيت ممكن اشيك عليها انا بنفسى ولا لازم ميكانيكى وشكرا على اهتمامكم |
رد: سخونة موتور مالهاش حل سوزوكى سويفت
حاول تخرج من ميه الحنفية قريب الشتاء داخل و هيبهدل الراديتير
طرمبة الزيت علشان تتفك هيتفك وش الموتور كله و الكارتيرة من تحت و طبعا ده يطلب ميكانيكى لو لقيت الزيت فوق يبقى سده فلتر مش ترس ( بس انا مستغرب ليه تبوظ ؟؟؟؟؟ خد رأى حد تانى يفحصها قبل ما تعمل اى شغل ) ترتيب التبريد كالتالى هواء خارجى من السيارة - راديتير - مروحة تطرد هواء فى اتجاه سريان الهواء الخارجى اوعى تخليها عكسه هتحولها من مروحة لشوايه |
رد: سخونة موتور مالهاش حل سوزوكى سويفت
السلام عليكم ورحمة الله وبركاتة
شكرا ا/رامى على مجهودك بس بالنسبة للحتة بتاعت المراوح انا مش فاهمها المراوح راكبة فى صدر العربية بين الاكصدام والصدر يعنى المفروض انها تشتغل زى مروحة البيت تدفع الهواء الى الريداتير ولا زى الشفاط تشد الهواء يعنى انا دلوقت لو حطيت ورقة بعد الريداتير ناحية الحوض بتاع العربية المروحة بتشد الورقة دا صح ولا غلط |
| الساعة الآن 08:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017