مصر موتورز مجتمع السيارات - الى الخبراء فى موتورات الابيزا

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - الى الخبراء فى موتورات الابيزا (https://www.masrmotors.com/vb/showthread.php?t=12316)

رد: الى الخبراء فى موتورات الابيزا

اقتباس:

المشاركة الأصلية كتبت بواسطة dr_ahmed80 (المشاركة 71971)

استاد محمد اشكرك على اهتمامك
بس هوة انت تقصد ايه بموتور ضعيف؟ او مش قوى للدرجة انا اصلا كان عندى 1000 سى سى
و لا هوة حضرتك مش مع انى اركب الموتور ده؟ و لو مش مع تركيبه تنصح بايه؟
و لكم جزيل الشكر

لا شكر علي واجب يا باشا

مش موتور ضعيف و هيبقي اقوي من ال 1000 سي سي بمراحل طبعا و هيستحمل التكييف بس هو بالنسبة للسعات دي في مواتير اقوي منه يعني ال gti ال 16 صباب 137 حصان فاهم

لا عادي طالما انت اللي هتركب و عارف انت جايب ايه و صنايعيي نضيف ركبه بالعكس هتحس بفرق رهيب عن ال 1000 سي سي طبعا

رد: الى الخبراء فى موتورات الابيزا

استاذ محمد
يا باشا شكرا على كل النصايح دى انا لقيت القصة دى هتتكلف فى الحرفيين فى حدود 9 - 10 الاف
و فيه واحد صاحبى قالى 8 الاف ايه رايك؟ امشى على 8 الاف و اتكل على الله و الشغل ده هيتعمل عند ناس فى المريوطية اسمهم (ماستر فولكس) محمد حافظ ده كان شغال فى توكيل فولكس فاجن و واحد دكتور صاحبى قالى شغلهم نظيف يا ترى برضه لو ليك خبرة او سمعت عنهم يبقى ليك الاجر و الثواب
و ربنا يجعله عامر يا باشا

رد: الى الخبراء فى موتورات الابيزا

اقتباس:

المشاركة الأصلية كتبت بواسطة dr_ahmed80 (المشاركة 72198)

لا ينزل عن 8 الاف لو عايز تسقط و تاخد اداء عالي كان في ادامي Vr6 مكنة بفتيسها المانوال الاصلي بضفايرها بكنترولاتها بعفشة كاملة ادام و ورا بالقنطرة بالقواعد علي 7 الاف و ده vr6 مش اي مكنة يعني

اوعي و اياك و احذر انك تروح عند ماستر فولكس انا قلتلك اهو و اجري علي الله اولا ال3 مهندسين اللي هناك دول كانوا في توكيل سيات و اطردوا منه و بعد كده فتحوا في محطة موبيل في الهرم و بعد كده خدو المركز ده في المريوطية جوا نصيحة مني متروحش لانهم نصبوا علي والدي و العربية كانت طالعه من عندهم زفت و غيرهم و غيرهم ناس كتير اتأذت منهم و بيبالغوا في اسعار قطع الغيار بصورة بشعه نصيحة مني اوعي تروح هناك و ميغركش منظر العربيات اللي عندهم عايز تروح روح بس متلومش غير نفسك انا مجربهم و عارفهم كويس

رد: الى الخبراء فى موتورات الابيزا

استاذ محمد باشا
اشكرك على نصيحتك بس انت مش قلتلى مين فى وجهة نظرك كويس و بيفهم و تكون ناس محترمة و معاملاتها و شغلها كويس؟ حضرتك اكيد عندك خيرة و تعرف اكتر
و لكم جزيل الشكر

رد: الى الخبراء فى موتورات الابيزا

محمد سمير يا دكتور من احسن الناس في المواضيع دي في جسر السويس ورا حديقة بدر

رد: الى الخبراء فى موتورات الابيزا

بعتلك رسالة عالخاص يا دكتور....ربنا يوفقك في اختيار الموتور

رد: الى الخبراء فى موتورات الابيزا

الاستاذ الفاضل رياح التغيير
اشكرك جدا على الاهتمام بس للاسف يا باشا مش وصلنى اى رسالة من حضرتك على الخاص
ربنا يكرمك بقى و اتعب و ابعتها تانى
و ربنا يجعله عامر