رد: سيات ليون .. خليط الأناقة الأسبانية والجودة الألمانية
 

رد: سيات ليون .. خليط الأناقة الأسبانية والجودة الألمانية
 

رد: سيات ليون .. خليط الأناقة الأسبانية والجودة الألمانية
 

مش تحيز والله يا باشا ده انا بعشق الجولف :)

بس فعلا اتفرجوا علي قدرات الليون هتلاقوها معدية الجولف بكتير الجولف ال gti ال 2000 سي سي جولف 6 قدرتها 211 حصان الليون fr قدرتها 200 و الكوبرا 240 انت عارف الباقي يا باشا:)

فعلا الليون بينطبق عليها الجملة اللي بتقول التلميذ الذي تفوق علي استاذه يعني حتي لو نزلو الجولف6 بالr32 ال 250 حصان بتاع الجولف5 مش هتبقي تفوقت علي الليون برضه

فعلا الليون من اقوي العربيات و اشرسهم في فئتها !

رد: سيات ليون .. خليط الأناقة الأسبانية والجودة الألمانية
 

طيب بصوا يا جماعة كده فيه العديد من النقاط التى يجب الرد عليها و هانخدهم نقطه نقطه

أولاً المشاكل اللى أنا كنت بعانى منها فى البولو موديل 99 و الجولف 4 ....تقريباً المشاكل كانت واحة وهى كالأتى
1- العربييه نسبة أعطلها مرتفعه جدا يعنى مثلاً العربيه لبولو مره واحدة لقيتها مش راضية تدور و كانت المشكلة حساس صغير جداً تسبب فى هذا ....يعنى مش ممكن حساس يبوظ العربيه كلها تتوقف ....فين مستوى الإعتماديه هنا ...ذى التويوتا مثلاً
2- بمجرد تشغيل التكييف فى البولو ....انت كدة سايق عربيه كاروووووووو مافيش سحب مافيش تكييف مافيش أى حاجة ....ملحوظه تكييف الجولف أيضا سيء جدا لكن لا يؤثر على سحب السيارة
3- واجهت مشاكل فى علبة فتيس الجولف و غيرت مجموعة تروس الخامس ودى كانت فى غرة منفصلة....الغريب فى الموضوع هو لييييييييييه مجموعة الخامس باظت أصلا ده غيار عالى يعنى الضغط عليه مش كتير و كمان زيت الفتيس كان دائما يتم تزويدة ....و السؤال فى التوكيل كان رده غبى ؟؟؟؟...."ده عمر لإفتراضى او حظك كده"........عمر إفتراضى بعد 3 سنين؟؟؟؟؟؟؟؟؟؟و أيه مسألة الحظ دى

ملحوظه أنا صيانتى دايما فى التوكيل.....بعضها تم خارجا فى الفترة المؤخرة و ده كان عند ولد شاطر جدا فاتح فى زهراء المعادى و هو ميكانيكى داخل التوكيل أصلا و أسمه علاء

ممكن تكون تجربتى شخصية مع السيارتين الألمانيتين ....وممكن محدش شاف المشاكل اللى أنا شوفتها ده وارد.....وطبعاً ماحدش ينكر جمال و قوة السيارتين لا غبار عليهم لكن برده فى النهايه أقول أن فولكس فاجن تحتل مرتبه متأخره جدا فى العديد من الإحصائيات العالميه فى مستوى الإعتمادية فى السيارات الألمانية

الموضوع الثانى وهو نزول موديل جديد لليون فى 2010 ده مش هايحصل لأن الموديل مش قاديم و ده من كلام ناس فى المانيا أصلا لان منافسة الليون للجولف مشتدة و الجولف لسه نازلة بالشكل الجديد و بسعر عالى جداً 240000 فانزول الليون بشكل جديد ممكن يحدد من مبيعات الجولف 6 خصوصا إذا كان سعرها بكمية الأبشن اللى بتنزل بيها هايموت مبيعات الجولف.....و الألمان مش أغبيه للدرجة دى

الليون تنافس الجولف ......أه أكيد وتتفوق ....بس خلينا نراعى أن المنافسة تكون عادله يعنى متقوليش جولف6 و ليون ستاندرد.................. .لأ قارن ال جى تى ب ال كوبرا ........أكيد هايكون التفوق ل الليون و الدليل ليه الجولف مش موجودة فى السبقات العالمية بنفس تواجد الليون و كمان الليون محققة مراكز أولى فى سبقات عالميه و محدش سمع عن الجولف خبر.

طبعا ممكن تكون معلوماتى ناقصه فا اللى يمتللك معلومات زيادة عن الجولف فى مجال السباقات العالميه يقول
أنا فى لرأيى أن الجولف عربية محترمه و ذات سمعه كبيرة بس إحنا اللى مدينها وزن أكبر فى مصر يسمح لها بالتفوق على مثيلتها بدون وجه حق و ده مش الوضع بره مصر و دول أوروبا.

القصه أنهم قدروا يخاطبو فئة الشباب و حجم إعلانات لا بأس به ....و أمثال الليون لم تحظى بمثل الحق فى الدعايه

و اللى مش مصدق أن الجولف مش بالوضع الهائل اللى إحنا مدينهولها فى مصر ......بص على النت و شوف حجم المبيعات فى أوروبا و تصنيف السيارة من حيث الإعتماديه..............ا لهيونداى أصلاُ أكثر مبيعا و إعتماديتها أعلى فى التصنيف الأخير

مازلت بقول ممكن أكون مخطىء و اللى عنده معلومه تخالف ما ذكرت يصحح خطئى و يعرفنى لأن ده كله فائده لينا كلنا

رد: سيات ليون .. خليط الأناقة الأسبانية والجودة الألمانية
 

بص يا باشا

بالنسبة للبولو يا ريت توضح كان حساس ايه بوابه مثلا ولا ايه لان اكيد حساس مهمته حيويه جدا عشان يعطل العربية مش حساس نور ولا مطر مش حاجة للرفاهيه يعني

التكييف يا باشا للبولو 99 دي 1000 سي سي يا باشا موتور صغير مش معمول اساسا للجري و الحركات ده موتور اقتصادي و علي اده اوي و التكييف بالطبع بيأثر عليه ده مش عيب اركب ال1400 و شوف التكييف فيها عامل ازاي و سحبها مع التكييف عامل ازاي

تكييف الاوروبي عموما مش قوي زي الياباني و الكوري لو متظبط صح هيبقي حلو لكن هو عموما مش بيتلج بالدرجة العجيبة بتاعت الياباني و الكوري

الجولف 4 اولا يا باشا التوكيل زمااااان كان قال ان في بعض نسخ الجولف 4 نزلت فيها عيب في الفتيس (عيب صناعة) وارد جدا انه يحصل في اي شركة و بيحصل فعلا سواء في فولكس او في مرسيدس او في Bmw و فعلا في جولفات 4 كتير زيرو غيرولها الفتيس بفتيسات تانية جايه من المانيا انما مش عيب في العربية انا اعرف ناس كان معاها جولف4 بيحلفوا بيها حتي الان..

الجولف برا يا باشا هي من اقوي و افضل سيارات الهاتشباك و هي ملكة الفئة دي بالفعل لكن الليون حاليا تفوقت عليها بس لو رحت المانيا هتلاقي الجولف دي زي الرز هناك و انجلترا هتلاقي الليون هناك كتير برضه و في النهاية لولا اختلاف الاذواق لبارت السلع :HAPPY_~211: