مصر موتورز مجتمع السيارات - أسعار وموديلات سيارات المعاقين بالصور. 2013

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - أسعار وموديلات سيارات المعاقين بالصور. 2013 (https://www.masrmotors.com/vb/showthread.php?t=114981)

رد: أسعار ومدويلات سيارات المعاقين بالصور. 2013

اقتباس:

المشاركة الأصلية كتبت بواسطة momo100010 (المشاركة 895721)

انا شايف ان الاسعار خرافية
اللانوس كانت مترمية ب 20 فما فوق
تبقى ب 30 كتير موووووووووت
الاوكتافيا 2000 كانت ب 42 :45 اللي بتطير
انا شايف ان التجار بتوع بورسعيد اجشع من بتوع المستعمل العادى
دا كده اى حد يفكر 100000000000000000 مرة قبل ما يفكر يشتري

الاسعار اتقلب حلها من بعد الثورة وخاصة مع ارتفاع الدولار. كما ان جشع التجار واد بشكل مبالغ فيه يعنى كان التاجر زود مكسبة الضعف علشان يعوض خسارته فى وقف الحال وزيادة التكلفة. يعنى كل عربية زاد سعرها من 5 إلى 10 الاف جنية عن 3 سنين مضت. مفيش عربيات تحت 20 الف.

أنا شفت عربية اوكتافيا موديل 2007 فول ابشن اتوماتك ثمنها 90 الف جنية.

إذا الحال فى بورسعيد بالنسبة لسيارات المعاقين اصبح لا يفرق كثير عن سوق المستعمل فى مصر. ناس كثيرة من المعاقين صرفت نظر عن سيارات المعاقين لان الفرق مش كبير عن سوق المستعمل.

رد: أسعار ومدويلات سيارات المعاقين بالصور. 2013

اقتباس:

المشاركة الأصلية كتبت بواسطة sherifabden (المشاركة 895724)

طب انا ليا سؤال لو انا معنديش اعاقة واشتريت عربية معاقين هتحصل مشكلة ؟؟

حضرتك مش تقدر تشترى عربية من عربيات المعاقين بدون ما يكون معاك قرار كومسيون مصرح فيه بسيارة معاقين. فى بورسعيد فى بوابات على الجمرك وتصاريح وهيصة.

الناس اللى ساكنه فى بورسعيد من العاديين بتستورد سيارات لان بورسعيد كانت منطقة حرة. وعلشان ينزل بيها القاهرة كان بيأخد تصريح. العربيات بتاع سكان معفية من الجمارك. يعنى عربيات رخيصة خالص ولكن مش تقدر تبيعها خارج بورسيعد ولا تطلع بيها خارج بورسعيد إلا مدة معينة وبتصريح ولعدد معين من المرات فى السنة. زى ما يكون دخلة ترانزيت. مش عارف الحال اتغير دلوقتى ولا لسة النظام دة ماشى. البورسعيدية يقولوا لنا

رد: أسعار ومدويلات سيارات المعاقين بالصور. 2013

يا جماعة انا والدى كان من حقه يجيب سيارة معاقين بس للاسف عدت السنة وماشتراش حاجة

وراح يسال فى مصر لو ممكن يجدد الجواب قالوله مينفعش

تكشف كشف جديد واحنا هنبعت نسحب ملفك اللى بعتناه بورسعيد للجمارك والجواب اللى راح المرور

ممكن اعرف هياخد فترة اد ايه على مايسحبو الجوابات دى

رد: أسعار ومدويلات سيارات المعاقين بالصور. 2013

اقتباس:

المشاركة الأصلية كتبت بواسطة saqr841 (المشاركة 896215)

اقل حاجة شهر .... وممكن اكثر شوية

رد: أسعار وموديلات سيارات المعاقين بالصور. 2013

هى كدة الاسعار اتضاعفت فعلاً عن قبل الثورة مش عليت بس
طيب ليه متخليش حد يشحنلك العربيه من بره اعتقد هتبقى اوفر واحسن ما تشترى من التجار
يعنى مثلاً البرايد اللى ب 24 الف ديه مش هتعدى 1000 يورو وعقبال ما تيجى مش هتزيد عن الف ونص يورو فتقريباً بنتكلم فى نص التمن

رد: أسعار وموديلات سيارات المعاقين بالصور. 2013

اقتباس:

المشاركة الأصلية كتبت بواسطة AbOnOrA (المشاركة 896667)

لو المعاق استورد العربية بنفسه يا أبو نوره هيوفر على الاقل 10 الاف جنية وهذا ممكن يخلى ناس تجيب سيارات موديل اعلى زى 2006 وحتى 2010. ولكن المشكلة ان مش كل الناس ليها ناس مسافر الخليج او اوروبا.. كثير من الناس بتخاف تبعت فلوس لشركة او شخص انت مش تثق فيه وبالاخص انها بتكون تحويشة العمر. العاديين بيشتروى السيارة كنوع من الرفاهية فى كثير من الاحيان او على الاقل بيكون فى بديل من المواصلات ولهذا فالسيارة فى الاولويات الشخص العادى بتأتى متأخر عن الشخص المعاق الذى بتكون السيارة الولوية اولى لانها تسهل المهام الحياتية الاخرى.

فى ناس من المعاقين استوردوا العربية بنفسهم وفعلا الحالة كانت افضل كثير لان برة مش فى غش وبتكون عارف تقرير عن العربية. وكذلك وفروا على الاقل 7 الاف جنية.. ياريت يكون فى مؤسسة لا تهدف للربح تقوم بإستيراد السيارات الجيدة للمعاقين بهامش ربح رمزى كان الحال بقى غير الحال....

رد: أسعار وموديلات سيارات المعاقين بالصور. 2013

طيب يا جماعه انا لو عايزه استورد اعمل كدا ازاى و من انهى بلد ولو انا بسافر اقدر اعمل ايه ؟ ارجو الرد تفصيليا جزاكم الله خيرا
انا والدى عنده اعاقه و من حقه عربيه ابدأ اعمل ايه و ايه هى الاجراءات بالظبط و هاتكلفنى كام ؟