رد: مطلوب موتور هيمي 6.1 مع كل وحدات التغذية
 

اعتقد لو تعرف حد فى الخليج هايككون اوفرلك وانظف بكتير يبعتهولك شحن طبعا

رد: مطلوب موتور هيمي 6.1 مع كل وحدات التغذية
 

ان شاء الله هتلاقية في بور سعيد
واشئل في شنبليون لو مش موجود ممكن يجبوه من بره

رد: مطلوب موتور هيمي 6.1 مع كل وحدات التغذية
 

لو سمحت ممكن سؤال
حضرتك اشتريت العربية دي من مصر ولا جايبها من خارج مصر؟
انا بسأل لان عندي نفس العربية موديل 2007 شاريها من مزاد كانت مخبوطة والاكصدام كان مكسور والايرباج ضرب وعاملة 37 الف ميل بصراحة خلصت علي 4200 و في مكان هنا اسمه يو بول ات وده مكان واسع قوي ممكن اقولك 300 فدان في كل انوع العربيات من جميع الموديلات والسنين واتوفقت في مكان عنده العربية دي ولي صديق يمني ميكانيكي ذهب معايا وخلع الدريكسيون والبامبر بكل سلاطاته ب بابا غنوجه ودفعت 200 دولار وهو ركبهم ببلاش والعربية والله كأنها جديدة والحادثة بتاعتها استفسرت عنها ولقيت كانت تملكها عجوز وخبطط في اشارة مرور رجليها اتزحلقت من علي الفرامل وخبطط اللي قودمها يعني حاجة بسيطة وعندي استعداد اشيلها من امريكا علي اكتافي لحد مصر بس ادخل بيها هي 3700 سي سي عشان كده بسأل حضرتك وبالله لو في حد يعرف يقولي طريقة ادخلها بيها او عربيتي التانية نيسان التيما 2007 2500 سي سي وانا اول مالك ليها بس طبعا عومري ما هدفع 50 او 60 الف دولار جمارك لو في طريقة تانية ماشي
معلش طولت عليك

رد: مطلوب موتور هيمي 6.1 مع كل وحدات التغذية
 

ربنا يباركلك فى عربياتك ....

على حد علمى .... مش حينفع انك تدخل العربيات دى كاملة على حالتها من غير ما تدفع جمارك عليهم
او ان حضرتك تدخلها على اساس انها قطع غيار .... و اعتقد ان ده بيتطلب انك تشيل منها بعض الحاجات علشان تبدو انها مش عربية كاملة ... فى العربيات السيدان انا سمعت انك لازم تقطعها
و فى حالة انها دخلت نصفين او على انها قطع غيار مش حيديك ملف للعربية .. يعنى حضرتم مش حتنفع ترخص

رد: مطلوب موتور هيمي 6.1 مع كل وحدات التغذية
 

افضل الحلول لتطوير سيارة وترخيصها هو التالى
يكون عندك اي عربية اي نوع "مش مهم تكون متدمرة المهم تكون ليها ورق في المرور"
وهتدخل جميع قطع الغيار المطلوبة للتطوير شحن وتدفع جماركها بما فيها الشاسية برقمة والموتور برقمة
العربية القديمة هتعمل طلبين في المرور بتغير الشاسية والموتور هتاخد عليهم تأشيرة فحص
هتدخل تجدد رخصة العربية القديمة وتفحص العربية المتجمعة "الجديدة واللى انت ربيتها على ايدك"
مبروك انت اخترعت عربية احلامك

رد: مطلوب موتور هيمي 6.1 مع كل وحدات التغذية
 

ايه الفك والتركيب الكتير ده يا جماعة مفيش اي طريقة تانية بحيث ان العربية تخش علي حالتها؟

رد: مطلوب موتور هيمي 6.1 مع كل وحدات التغذية
 

فية !!
أنك تكون مسافر وتجيب عربية زيرو وتدخلها جمرك بعد 10 سنين
او انك تكون مسافر وتدخل عربية اقل من سنتين يعنى مش اقدم من موديل 2011
او انك تدخلها معاقين ولكن السعة الترية لاتزيد عن 1500 سي سي او 2000 للمعاق من العمليات العسكرية
او انك تعمل الفلم اللى قلتوهلك فوق