|
رد: انا سائق تاكس وبجد محتار بين الانوس والاسبيرنزا
الف شكر mohamed ibiza hazem_khidr على الافاده والحمد لله نا ناويت احجز سياره لانوس لان الفيرنا قالو لى انها مشاكلها كثير وقريبه من الارض والانوس مفهومه شويه عن الفيرنا واليوم ذهبت للبنك للتعاقد طلب منى 1-صوره البطاقه الشخصيه 2-صوره رخصه القياده 3-وصل نور و وصل تليفون الاثنين ضرورى للتعاقد 4-جواب من الضرائب موجه للبنك 5-شهاده بينات من المرور هذا للافاده من يرغب فى الاحلال ملحومظه هامه فى الضرائب هتجيب جوابين جواب للبنك وجواب اخر للمرور لاستخراج شاده البيانات وشكرا للردود واتمنى المتابعه لافاده من يخصه الامر |
رد: انا سائق تاكس وبجد محتار بين الانوس والاسبيرنزا
ربنا يوفقك
أنا رأيي طالما الموضوع تقسيط فلابد أن نبتعد عن اللادا وكله إلادا فليس من المعقول أن يقوم أحد الناس بإحلال سيارته اللادا القديمة المتهالكة ويضع مكانها نسخة منها بجميع عيوب التصميم المشهورة فيها ولكن زيرو إلا إذا كان غاوي عذاب وعاشق للبيض المالص الحقيقة أنني من أكبر تحفظاتي على مشروع الإحلال وإن كان في مجمله فكرة عبقرية هو السماح بإدخال سيارة مثل المسماه لادا 2107 !!!! المفروض إننا بنعمل إحلال للأفضل مش للأسوأ المهم هو أصلاً مين جاب سيرة اللادا ؟؟ أنا رأيي أن اللانوس إختيار موفق بإذن الله وأرى أن الإختيار التالي له هو الإسبرانزا ولا أحبذ البيجو الإيراني ولا الفيرنا وكنت أتمنى أن تدخل النيسان صني في هذا المشروع وكذلك السيارة الصينيية F3 BYD والتي ستنتج محلياً خلال عدة أشهر وفي الختام لابد أن أذكر الشاهين المأسوف على شبابها بالخير والتي كانت في يوم من الأيام ملك التاكسي ولكن شعار شركة النصر ضيع فرصتها وشعار شركة النصر هو: لو لم أكن فاشلاً لوددت أن أكون فاشلاً وإن كانت الشاهين لو نزلت كانت في رأيي هتكون أفضل من اللادا ووقتها كانت هتكون نصيحتي (إياك حد يجيب الشاهين) |
رد: انا سائق تاكس وبجد محتار بين الانوس والاسبيرنزا
شكرا
ahmed1981 بالنسبه للادا كنت بفكر فيها فى البدايه وبعد التفكير لقيت افضل عرض الانوس وان شاء الله يوم الاحد ذاهب للضرائب عشان جواب البنك والاثنين اجيب شهاده بينات من المرور والثلاثاء اروح البنك تاتى ان شاء الله ادعولى باتوفيق فى امرى اذا كان خيرا ييسره وان كان غير ذلك يبعده عنى ويبعدنى عنه |
رد: انا سائق تاكس وبجد محتار بين الانوس والاسبيرنزا
انا من اسكندريه وافضل سيارات التاكسى عندنا هى اللادا
ومش عشان انا عندى تاكس لادا بس لانها هى فعلا تستحمل شوارعنا والمهم تكون ايدك فيها خاصة العافشه. وتانى عربيه وكان نفسى اجيبها هى اللانوس بس مينفعش سواقين يسقوها عايزة صاحبها بس والله الموفق, وربنا معاك |
رد: انا سائق تاكس وبجد محتار بين الانوس والاسبيرنزا
خد العربية المتجربة لاكتر من 10 سنين فى شوارع مصر والصنايعية حفظنها وقطع غيارها ملية الدنيا ..........طبعا لانوس
|
رد: انا سائق تاكس وبجد محتار بين الانوس والاسبيرنزا
ان شاء الله لانوس
انا كنت فاكر الموضوع سهل طلعو عينى ولسه حكايه طويله ولسه شغاله عشان احل التاكس رحت الضرائب عشان اجيب جواب البنك وجواب لمرور التبين فتحت دوسيه جديد فى الضرائب واخذت الجوابين رحت التبين قالى الجواب مش مختوم رجعت تانى ضرائب عابدين وختمت الجواب رحت التبين تانى قالى لازم تدفع التأمينات انا بنقل ملكيه لازم اقفل دوسيه صاحب السياره القديم فى المعادى رحت المعادى قالى هات استعلام من تأمينات صاحب السياره فى مصر القديمه وجواب تسويه اخر من تأميناتك فى باب الشاعريه وتعالى تانى المعادى عملت كل ده ادونى جوابين للتأمينات باب الشاعريه فى باب الشاعريه قالى لسه التسويه مجتش على الكمبيوتر بعد ثلاث ايام تكون جت قالى انت معاك رخصه مهنيه لازم تروح العتبه تقفل الدوسيه عشان نعملك تأمينات رخصه قياده هنا ولسه ياعالم فيه ايه تانى وحديثى هذا مختصر انا اتعقت من الروتين الممل وانتم عارفين طبعا كل مكتب اروحله لازم الرش واستنى مش هتخلص انهارده ودورك وحياه معقده انما الصبر جميل كله يهون عشان السياره الجديده ان شاء الله شكرا للردود والمتابعه |
رد: انا سائق تاكس وبجد محتار بين الانوس والاسبيرنزا
يا باشا هي اللانوس انت مش عايز عربية شغل وتريحك في السواقة تبقي الانوس وبعدين قطع غيارها في كل مكان بدون مبالغة وسعرها ارخص سعر في السوق لكب هتجيب لادا هتقرف نفسك وتتعب من سواقتها والاسبرانزا انت مش محتاج الكماليات بقدر الاعتمادية في الاداء بتاعت اللانوس وطبعا هي افضل من الفرنا بشهادة سوق السيارات كلة يبقي هي اللانوس واستخير وتوكل علي اللة
|
| الساعة الآن 04:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017