رد: كونتكت ده هيجنينى
 

على فكره انا قدمت على عربيه فى كونتكت كار بالنظام الاسلامى بدو تامين او مصاريف اداريه حتى لو الفايدة اعلى سنه بس حلال واوفر وعلى فكره المصرية كلامها هجس

رد: كونتكت ده هيجنينى
 

فيه شيوخ شككو فى شرعية نظام تقسيط منهم الشيخ على السالوس اللى اعتمد شرعية النظام اساساً فانصح حضرتك اذا كنت عايز تقسيط اسلامى صحيح (مش مجرد شعار) تتعرف على شروط وتفاصيل العقد تماماً وتعرضها على اهل الفتوى الثقات لان ممكن الشركة تاخد اجازة من شيخ انهارده على ورق وعقود وتنفذ ورق وعقود تانية

للاسف ptmnlo123per144

رد: كونتكت ده هيجنينى
 

ياجماعه فيه نظريه إقتصاديه الكل غافلها ليه بالشكل ده..... ببساطه كده وبالبلدي
ينفع تحط فلوس في البنك والبنك يديك فايده عليها عشان حيشغلها وتكون الفايده مثلا 8.5% على الإيداع
ولما تيجي تستلف من البنك فلوس ياخد منك فايده 6% .....طبعا مش معقول....يجي واحد ويقولي : طيب ليه ياأبو حميد ماتسيبهوم دول عالم عبط وعايزين يفرقوا فلوس وجوايز علينا ..... أقولوكوا لأ طبعا ده إسمه بنك مش جمعيه خيريه


البنك ببساطه بياخد من حضرتك الفلوس اللي بتودعها ويبدأ يشغلها هوه .. وببساطه أكتر بيقرضها واحد تاني فمثلا
ياخد 1000000 جنبه منك ويديك فايده 8.5% ويقرض المليون جنيه بتاعتك لواحد تاني وياخد البنك منه فايده 13.5% يعني بيحصل فرق حوالي 5% منهم بيطلع مرتبات للعاملين ومنهم بيطلع إنشاءات وضرائب وخلافه

طيب يجي واحد يقولي أمال إزاي بيكتبوا الكلام ده في الجرايد ... ده بنك يعني كلامه سيف مش كده وكده
أقولك لأنه بيحط لحضرتك قيمة الفائده المركبه بتاعة القرض بتاع السياره في حين أن بعد تحويل الفائده لفائده بسيطه تجد أنك دفعت 13.5% كفائده على الرقم المقترض

ياجماعه إعقلوا الحاجه قبل ماتجروا وراها

رد: كونتكت ده هيجنينى
 

انا سالت الموظفيين اللى فى الشركة وقلولى احنا بنشترى العربيه ونرجع نقسطهالك
وقلولى ان لو الشركه لو يتتبع نظام البنك مكناش قعدنا فيها
بس فى حاجة ارجو الاستفاده من خبرتكم
الشركه عايزة تاخد المقدم بالكامل والتوقيع على الشيكات واستلام العربيه بعد15 ىوم بالاضافه الى توكبل بالعربيه
انامش عارف ازى ده

رد: كونتكت ده هيجنينى
 

العربيه نوعهامتريكس 2010

رد: كونتكت ده هيجنينى
 

للأسف مازالت الشفافيه في التعاملات البنكيه غير موجوده بمنطقتنا وبيضحكوا على الناس وعاملين لهم بهلوانات ptmnlo123per166 وللأسف الناس مش راضيه تصدق إن التجار بيضحكوا عليهم مع البنوك ويسهلوا الموضوع ويقنعوهم بحاجات مش صح وده المحزن أكتر ptmnlo123per111


طبعا هما بيشتروا العربيه بكامل تمنها ويقسطوها ليك وده مش محتاج مفهوميه
أمال المصريه للسيارات أو المعرض إللي بيبعلك العربيه يعني بيعملوا إيه (إياك تكونوا فاكرين إنها بتقسطلكوا بنفسها مثلا)


الموضوع ببساطه عشان تعرفوا التسلسل الطبيعي للموضوع ده

حضرتك بتروح مثلا لشركة المصريه للسيارات عشان تشتري عربيه بالقسط

تروح هناك المهم وتختار العربيه وتكون العربيه مثلا برضه بـ 100 ألف جنيه وتقولهم أنا معايا مقدم مثلا 40 ألف جنيه وعايز أقسط باقي تمن العربيه يقولك أهلا وسهلا

يكلمك المعرض تاني يوم والبنك الذي سيقسط لك السياره لعمل الإستعلام وملء بيانات وخلافه ومن ثم يأتي لك الرد بالموافقه

طيب هيه الموافقه على إيه؟؟
الموافقه على إقراضك من البنك الـ 60ألف جنيه المتبقيه
وحضرتك مابتستلمش الفلوس بتاعة القرض في إيديك ... ده البنك بيديها لشركة المصريه للسيارات (أو المعرض اللي حضرتك إشتريت منه العربيه) + العموله إللي البنك بيدفعها للمعرض بتاع السيارات نظير إن المعرض ده جابله زبون يعرف البنك يسلفه ويشغل فلوسه

تروح رايح المعرض دافع الدفعه المقدمه إللي معاك ويروح جاي الباشا بتاع البنك ممضيك على شيكات بباقي الفلوس مش إللي من تمن الكاش لأ ديه شيكات بمجموع الأقساط بالفوائد طبعا
يعني مثلا لو البنك أقرضك 60 ألف زي حالتنا ديه وحضرتك قسطت معاه على 3 سنوات
حتلاقي مثلا القسط إللي حتدفعه مش = 60ألف ÷ 3 عدد السنوات ÷ 12 عدد الأشهر

لأ طبعا وطبعا وطبعا

ده حتلاقي الـ 60 ألف ديه حوالي 90ألف :HAPPY_~211: في خلال الثلاث سنوات

وبكده حضرتك حتمضي ثلاث شيكات كل شيك بـ 30 ألف جنيه عن كل سنه (على فكره الشيكات مش بتتسلم ليك كل سنه ...يعني مش كل ماتخلص سنه من الدفع المنتظم تلاقي السيك بتاعها موجود عشان تستلمه ...لأ طيعا الشيكات كلها بتاخدها مره واحده في الآخر خالص بعد دفع آخر قسط)

وكمان شيك رابع بقيمة الـ 90ألف جنيه <<<< فيه بعض البنوك مابتمضيكش على الشيك الرابع ده ..هذا للعلم لتكون المعلومه كاملة ..

المهم وبما أن البنك مشارك معاك في العربيه ومابيستفدش بيها معاك في الترحال يبقى لازم يضمن حقه ptmnlo123per154

فيكتبك توكيل بيع للعربيه لصالحه عشان يقدر يتصرف في العربيه بشكل قانوني سريع لو حضرتك ماسددتش القرض (لأنه مش حيستنى بقه قواضي ولا يرفع الشيكات وخلافه لأ الموضوع عايزه يبقى أسرع وأضمن من كده)

وعشان مايبقاش كل واحد مزنوق في قرشين فيشتري عربيه بالقسط والبنك يدفعله فلوسها وهوه ياخد العربيه ويبيعها كاش وياخد الفلوس يشتغل بيها مثلا ويبقى بكده إستلف من البنك وشغال بفلوس البنك من لا شيء ...... فبيعملك حظر بيع على الرخصه عشان حضرتك ماتبقاش شغال بفلوسه

ده غير نسخة المفتاح التانيه لابد أن تكون مع البنك <<<< بعض البنوك ألغت هذا الشرط للعلم وللأمانه أيضا في السرد

وعشان البنك يضمن حقه على الآخر وحضرتك ماتعملش حادث بالسياره ولا تكون ناوي تعمل بيها مصيبه وتفلسع
فبيطلب منك إنك تعمل وثيقة تأمين شامله على السياره كل سنه من سنين التسديد للبنك وبتكون الوثيقه ديه مش لصالحك ديه بتبقى لصالح البنك
وديه طبعا بتبقى بفلوس مش قليله يعني لو عربيه تمنها زي الحاله بتاعتنا ديه تبقى 100ألف × 0.045 = 4500 جنيه مصري << دول طبعا ماحدش ليه دعوه غير حضرتك بيهم وبيدفعوا مقدما كل سنه مع خصم 10% من قيمة السياره عن كل سنه

عشان لو عملت حادث بالسياره وتوقفت عن السداد (ما العربيه راحت في داهيه خلاص تدفعلهم ليه)

تدفع شركة التأمين للبنك فلوس العربيه كاملة ولو بقيلك حاجه كفرق حتلاقيه في البنك
ده إنت حتى لو عملت حادث صغير وصلحت العربيه بيطلع من التأمين شيك بقيمة الإصلاحات إللي حضرتك دفعتها من جيبك مش بإسمك ده بيبقى بإسم البنك لأن الوثيقه لصالح البنك وليس أنت
وده عشان لو كان عليك أي متأخرات لدى البنك يقدر البنك يحجز على مايخصه من متأخرات من قيمة الشيك الموجه له وحضرتك ناخد الباقي


ياجماعه محدش يحاول يزوقلك الموضوع ويقولك ده لو بنك يبقى نقفلها أحسن وإيه إللي يقعدنا والكلام الفارغ ده

هذه هي الحقيقه قبلتوها رفضتوها هوه ده الواقع بدون زواق:waving:

رد: كونتكت ده هيجنينى
 

شكرا استاذ احمد وانا ارى ان كده بقى الواحد يشترى كاش احسن حتى لو كان مستعمل