مصر موتورز مجتمع السيارات
صفحة 2 من 4 1 2 34
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   الصينى العام (https://www.masrmotors.com/vb/forumdisplay.php?f=42)
-   -   chana benni (https://www.masrmotors.com/vb/showthread.php?t=10547)

رامى3 03-03-2010 06:51 PM
رد: chana benni
 
انا كنت سمعت ان موتورها سوزوكى ده حقيقى ولا لا

miam0502788391 09-03-2010 04:23 PM
رد: chana benni
 
العربية من بره شكلها حلو وشفتها مرة مع واحد من دمياط بصراحة احترمتها أكتر من A11 موضوع الأنتشار ده بيتحكم فيه سمعة الوكيل مش إمكانيات العربية ممكن تكون العربية حلوة بس مع وكيل تعبان وقطع غيارها مش منتشرة زى عربيتنا دى فمتمشيش هنا فى مصر وممكن الوكيل محترم وموفر قطع الغيار والصيانة زى ابو الفتوح فالعربية تنتشر

seaf_sawy 13-03-2010 03:24 AM
رد: chana benni
 
باشا هات الجيلى باندا عربيه من الكتاب

رامى3 16-03-2010 08:50 PM
رد: chana benni
 
عايز اعرف ال قال عليها فاشله قال كدة ليه

عمرو عكاشة 17-03-2010 08:52 PM
رد: chana benni
 
بص يا صديقى..كل واحد حر فى رأيه..بس المهم انه يكون قاله بناء على تجربة..انا شخصيا العربية معايا بقالها سنتين وشايف انها ممتازة جدا بالنسبه لسعرها..كمان وكيلها سعودى..وده توكيل محترم و بتعامل معاهم بقالى سنتين..والعربية موتورها سوزوكى فعلا..اللى هو موتور سوزوكى بالينو..والتيل بتاعها هو تيل سوزوكى التو..وعشان حزب اعداء الصينى مايوجعوش دماغنا ويقولوا ان العربية دى من كل فيلم أغنية..أحب أوضح نقطة..أنا أساسا صحفى و بكتب فى مجال السيارات..وشركة شانا دى اللى بتجمع سوزوكى للسوق الصينية..والقانون عندهم يمنع تصدير السيارات الأجنبيه المصنعة فى الداخل..فبالتالى لجأوا لأستوديوهات تصميم السيارات فى ايطاليا لعمل طرازات يحق ليهم تصديرها بحيث يستغلوا العقد المبرم بينهم و بين سوزوكى فيما يتعلق بالمحرك..وبعدين العربية دى بتمن اللادا..وفرق السما و الأرض..وفى نهاية الأمر انت لازم تشوف كل الموديلات فى نفس السعر وتركبهم انسالله حتى فى المعرض..لأنك ممكن ترتاح لعربية عن عربية وتتقبل عيوبها دونا عن الأخرى...وده تليفونى لو حبيت تسألنى عن اى حاجة0123325250

اكرم حامد 18-03-2010 01:01 AM
رد: chana benni
 
ياجماعة عايزين رأى واحد صادق فى العربية دى

بدر بسيونى 20-03-2010 07:27 PM
رد: chana benni
 
الشانا بينى عربية مش وحشة بس لازم تتاكد من عدة نقاط

- قطع الغيار موجودة بره التوكيل بتاعها (من كبالن لمساعدين لمقصات ليايات وسيور و....) وغالية ولا لا

- هل التوكيل سعودى توكيل محترم ومتوفرة فيه قطع الغيار واسعاره ايه بالنسبة لاسعارالسوق

- انسى سعر اعادة البيع لان السيارة غير مطلوبة تماما فاحتمالية الخسارة اثناء البيع حتكون كبيرة (لو بتفكر تجيبها لفترة وتبيعها وتجيب حاجة تانية انسى تبقى اختيار خاطئ لكن لو حتجيبها ليك ومش بتفكر فى البيع ممكن)

- هل اى ميكانيكى حيعرف يتعامل معاها بسهولة

- هل تتوقع ان العربية دى بعد 5 سنوات حتبقى واقفة على حيلها وزى الفل ولا شكرا


الساعة الآن 08:58 PM.
صفحة 2 من 4 1 2 34
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017