رد: مشكلة فى سيينا 1400 ارجو الرد
 

متابع .....

رد: مشكلة فى سيينا 1400 ارجو الرد
 

اشكركم يا جماعة على الردود الرائعة ديه

أولا يا اخ سمير اعتقد ان حساس ال TPS مسؤل عن ابلاغ الكنترولار عن ان الموتور فى وضع السلانسيه او اى سرعة اخرى ده على حسب ما اتذكر يعنى
و انا مش عارف حساس VSS بيعمل ايه بالظبط
واعتقد ان المشكلة ديه مشكلة نسبة هواء مع بنزين اى منهم مش مظبوط
وانا انشاء الله هحط العربية على الكمبيوتر للتوضيح انشاء الله
ولكن الغريب انا لسة مغير زيت من يومين مع انه ما كملش شهر والسبب الزيت بينقص وصل عند نصف المقاس والميكانيكى قالى بسبب عدم ربط الطبة كويس
روحت البنزينة قالى نحط موبيل 5000 ونربط على الطبة وقال جوان الكارتيرة بيسرب زيت
ربط على الحاجات ديه وبرده لسة بشوف بقع زيت المهم النتشة قلت والرعشة ممكن تحصل حاليا قليل
لما المكنة بتبقى باردة مفيش مشكلة لما بتسخن واخد بيها مشوار طويل بأحس ان الأول معايا مش مظبوط ودايما بحاول اتفادى رعشة ال RPM وازود سنة بنزين على الأول على شان ما يرعش وفعلا بكده الرعشة قلت ولكن حاسس ان كده طريقة مش عملية وبسرعة بحاول اجيب التانى حتى لو العربية هتقف على شان لو ال RPM بعد 8 اللى هيا 800 مش هيرعش

وللعلم مفيش بوبينة ده مشط والميكانيكى مش بيشك فيه
لكن للعلم ايضا موضوع الرعشة والتبطيلة قل كتير عن الأول قبل ما الميكانيكى يزود البنزين على السلانسيه ديه كانت بترعش على طول وتقف كتير جدا

وأسف للأطالة

رد: مشكلة فى سيينا 1400 ارجو الرد
 

اقتباس:

لو ال RPM بعد 8 اللى هيا 800 مش هيرعش

يببقى كده خلصت

وأنت محتاج فقط

لنظافة بوابة المكنه

وبلف الهواء الخاص بسرعة السلانسيه

أو مايسمى ببلف الأيدل كنترولر

رد: مشكلة فى سيينا 1400 ارجو الرد
 

دا أنت منظف البوابه فعلا

يبقى كده أمامنا خلل فى منظومة هواء السلانسيه

زى بلف الأيدل

أو لاقدر الله

ممكن يكون فيه عيب فى الرشاشات

وده أجله للنهايه على ماتنظف البلف

وتجرب

ولو النظافه للبلف كمان مجبتش نتيجه

ممكن تحتاج لتغيير البلف نفسه

وبرضه لسه مازال دور حساس البوابه محتمل

------------------

يعنى عندك حاليا 3 إحتمالات

رد: مشكلة فى سيينا 1400 ارجو الرد
 

برضه فيه سؤال

هل التبطيل على السلانسيه ده

كان قبل ولا بعد تغيير السيور دى

إللى أكيد منهم سير الكاتينه

رد: مشكلة فى سيينا 1400 ارجو الرد
 

شكرا جدا يا اخ سمير على المعلومات ديه انشاء الله هخلى الميكانيكى ينضف البلف ده لما ابقى اروحله مع انى سأله قبل كده ممكن يكون حساس الأيدل كنترول قال لا و بالنسبة لموضوع السيور ده كان سيرفيس عادى وكانت موضوع الرعشة من قبل ما اغيره واستمرت بعد ما غيرته

رد: مشكلة فى سيينا 1400 ارجو الرد
 

يبقى سير الكاتينه بره الموضوع

وشوف ميكانيكى تانى

فإحتمال تكون إمكانياته فى التعامل

مع مشاكل السيارات الحديثه محدوده