مصر موتورز مجتمع السيارات - تجربتى مع توكيل دايو ( ابو الفتوح ) بعد سنة ونصف

السلام عليكم
من النادر انك تلاقى توكيل فية صنايعية يتفهم معظمهم لا يفقة شئ لان الصنايعى اللى بيفهم كويس دة مرتبة عالى جدا والتوكيل ميقدرش يدفع مرتبات كل الصنايعية الكويسين عندة فيخلى 2 او3 صنايعية بالكتير عندة والباقى صنايعية على قد حالة وطالما صاحب العربية (النقطة دى مهمة ) بيسيب العربية تدخل التوكيل وهو لا يراها لانة قاعد فى قاعة مكيفة لحد ما يخلصو شغل فى العربية علشان البية يدفع (مهو لازم تدفع امال المرتبات دى هتتدفع منين ) يبقى تخيل اى حاجة ممكن تتعمل فى العربية او ماتتعملش انت هتعرف منين
انا وعن تجربة مش بسيب العربية خالص بدخل مع العربية داخل التوكيل (ابو غالى العبور )لحد ما يخلص شغلها والمرة الوحيدة اللى تركت العربية كانو علشان يطبع تيل الفرامل على الطنبورة لانة لازم يمشى بيها شوية غير كدة مستحيل . طبعا مش كل التوكيلات بتسمح بدة لكن دة علشان لى معارف بالداخل وانا علشان عارف القصة من الاول فأول ما اشتريت عربيتى وروحت التوكيل عملت صداقة جامدة مع الصنايعية الموجودين واخذت تليفونتهم وعلى علاقة جيدة بيهم واللى انا قلتة قبل كدة دة من كلامهم معايا
ثم انا بعد كدة بقيت اروح اعمل اى حاجة فى العربية برة التوكيل ومش بروح التوكيل الا فى الحاجات الكبيرة فقط
تحياتى للجميع