|
رد: كل ما تريد معرفتة عن السيفيا و الشوما ..
اقتباس:
|
رد: كل ما تريد معرفتة عن السيفيا و الشوما ..
الله عليك أنت جيت في وقتك بالظبط أنا بجهز نفسي وبدور اليومين دول على العربيه ديه في كل حته وموضوعك ده أفادني كتير جداً وخصوصاً في نقطة أسعار قطع الغيار حقيقي بارك الله فيك يا أخي الكريم .... ومجهود مميز وواضح . أنا بقى هاأفضل متابع معاك هنا في الموضوع الجميل ده لغاية لما أجيب العربيه ديه .. وحتى بعدها كمان ... أرجو أن أكون ضيف خفيف على موضوعك المميز ... ليا بقى أستفسار منك ... وهو سبب ليا حيره شديده مش عارف أوصل لقرار فيها ... أيهما أفضل ؟ السيفيا المانيول ولا السيفيا الاوتوماتيك ؟ مع العلم أني ملاحظ أن سعر الوتوماتيك في السوق أرخص شويه من المانيول ... وكمان ياريت تعرض ليا بخبرتك أسعار السيفيا حاليا حسب سنة الصنع وسواء لو عادى او أوتو ... علشان أعرف وأنا بشتري أخر كل موديل كام . أخى الكريم أنا طولت عليك أنا عارف ... بس ده من كتر سعادتي بموضوعك الهام جدا ده ... واللي جه في وقته جدا بالنسبالي .. منتظر ردك ... والنقاش سايظل مفتوح بينا بأذن الله ... |
رد: كل ما تريد معرفتة عن السيفيا و الشوما ..
اقتباس:
و ياريت تكون فعلا سيفياوى شقيق و ربنا يوفقك فى عربية جميلة بص ياسيدى هما موجودين فى مصر ب 3 موديلات تقريبا عشان فى عربيات جت استيراد موديلات اقدم يعنى مثلا هى موجودة من 99 ل 2001 و طبعا هتلاقى 2002 و دى استيراد و كمان ال 98 دى استيراد اما عن متوسط الاسعار ف العربية دى تعتمد على الحالة ف الحد الاقصى ليها حاليا هو 45 و الادنى ال 38 بس الى تكون فى الادنى دى اكيد يا مضروبة معيوبة يعنى او لقطة و صاحبا مش عارف تمنها و انا ارجح انها معيوبة اما ب خصوص المانيوال و الاوتو هى يعيب الاوتو بتاعها انو مبيستحملش الكيك داون الكتير و الجرى و الحرق و القرص علية و دة ف حالات معينة انو ميكونش متغيرلة الفلتر و الزيت بتاعة و فى عناية بيه انما هو اداءة ممتاز و انا مجربها و مع صديق لى و شاب يعنى مش هادى و الحمد لله كويسة معاة لحد دلوقتى مع العلم مراعاتة لزيت الفتيس و فلتر الفتيس حيث انها ليها فلتر للفتيس و فلتر للموتور اما طبعا هو اريح بكتير و صراحة انا بتمنى تكون عربيتى اوتو .... اى استفسار تانى يا باشا انا فى الخدمة .... |
رد: كل ما تريد معرفتة عن السيفيا و الشوما ..
اقتباس:
ثانياً أفهم من كلامك أنك شايف أن السيفيا الاوتو أفضل ... ؟ ثالثاً عابز أعرف منك بقى قصة تغيير زيت الفيتيس الاوتو وتغير الفلتر ... كل واحد فيهم بيتغير كل أد ايه ... وكمان أسعارهم ؟ ... وياريت لو تقولي كمان موجودين فين ؟ وشكرا لك مقدما ... وفي أنتظار ردك ... |
رد: كل ما تريد معرفتة عن السيفيا و الشوما ..
موجودين ياباشا عند بتاع زيت عادى اى محل محترم موثوق فية بتاع زيت حضرتك بتتعامل معاة هيعملهملك ف 10دقائق
و تكلفتهم مش هتكون كتير ممكن فى حدود ال 50 جنية ولا حاجة بيتغيروا كل زمن يعنى و عموما حضرتك خلى بتاع الزيت المضمون دة يشيك علية كل غيارة و للضمان غير فلتر الفتيس كل 20 الف مثلا و دة قليل ممكن تغيرة على اكتر من كدة بس 20جنية مش هتفرق اى استفسار تانى يا باشا انا فى الخدمة .... |
رد: كل ما تريد معرفتة عن السيفيا و الشوما ..
ألف شكر على الموضوع الجميل ده أنا عندى سؤال بخصوص مثبت السرعة و هل ينفع يركب فى عربيتى سيفيا 99 كورى أتوماتيك ؟ يا ريت حد يفيدنى و يقولى لو ينفع أجيبه منين و بكام ؟ ألف شكر
|
رد: كل ما تريد معرفتة عن السيفيا و الشوما ..
bravo ya m3lem
ana brdo m3aya wa7da model 2000 bs ana 3ayez 7d kewayes 2sl7 3ndo w 2tab3 m3ah |
| الساعة الآن 10:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017