مصر موتورز مجتمع السيارات - صوت مروحة التكييف صوت عزاقة

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

- - صوت مروحة التكييف صوت عزاقة (https://www.masrmotors.com/vb/showthread.php?t=94155)

رد: صوت مروحة التكييف صوت عزاقة

اقتباس:

المشاركة الأصلية كتبت بواسطة دكتور ميدو (المشاركة 732525)

كل ما شغل التكييف بالذات لما ازود المروحة صوتها بيعلى اوى وبتزن جامد بس بتطلع هوا كويس اللام دا حصل بعد ما اخواتى غسلوا العربية فى مغسلة ومش عارف السبب ايه ياريت حد يقولى عشان روحت لواحد قالى فلتر الهواء بتاع التكييف وطلعناه ونفضناه ونفس الصوت والتانى قالى المروحة عايزة تتغير طب تتغير ليه وهى شغالة زى الفل؟

على الأرجح وفى الغالب عيب الصوت ده من المروحه بس المروحه ليست فى حاجه الى التغيير طالما شغالة كويس كل ما فى الأمر ان المروحه فيها شرخ صغير مطلوب لحامه بلحام الفيبر وساعتها هتلاقى الصوت رااااح خاااالص .. ولو المروحه صوتها بيبقى طبيعى مع السرعة المنخفضة وصوتها بيعلى مع السرعة العالية يبقى الكلام اللى انا قولتهولك مؤكد ان شاء الله

رد: صوت مروحة التكييف صوت عزاقة

بعد ما غسلو العربية وصوت مروحة التكييف عمل كدة
اكيد فى حاجة وقعت فى المروحة منديل ورقة شجر فى حاجة وقعت فى المروحة تفكها وتشوف اية الى وقع فيها وخلاص
دة لو فى صوت ولاكن لو فى رجة جامدة تبقى مكسورة وان شاء الله خير

رد: صوت مروحة التكييف صوت عزاقة

والمروحة دي مكانها فين بالظبط لاني عندي نفس المشكلة دي

رد: صوت مروحة التكييف صوت عزاقة

المروحة دى مش هتشوفها بالعين المجرده داخل حوض الموتور لأنها بتبقى موجوده جوه علبه محكمة ومغلقة خلف التابلوه مباشرة يعنى العلبة دى محتاجه تتفك عشان تقدر تطلع المروحه منها