مصر موتورز مجتمع السيارات - مصر واحدة ضد ازمة المرور (مبادرة مصر موتورز لحل معضلة المرور ومشاكل الطرق المصرية)

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: بيان ديكتاتورى رقم (1)

يشرفنى انضمامك طبعاً

والواجب علينا دلوقتى ( الانضمام والتطوع - تنقيح الفكرة وتطويرها - التنسيق مع الجهات المذكورة ) وانا بحكم انتمائى الحالى لحزب الدستور بنسق معاهم ومطلوب ومرحب بتسيق وتعاون الجميع

وان شاء الله هنعمل موضوع منفصل لكل ده ويمكن قسم خاص كمان

رد: مصر واحدة ضد ازمة المرور (مبادرة مصر موتورز لحل معضلة المرور ومشاكل الطرق المصرية)

هو بخصوص التنسيق والحجات ديه انا مبفهمش فيها+ ان انا مش من القاهرة بس مقيم بشكل شبه دائم
فانا ممكن اساعد بالمجهود العملي

انا من بورسعيد والحمد لله معندناش زحمة غير ساعتين في اليوم بس وشارع الثلاثيني وده بسبب ان البائعين فرشين لنص الشارع والناس بتركن جنب الفرش

رد: مصر واحدة ضد ازمة المرور (مبادرة مصر موتورز لحل معضلة المرور ومشاكل الطرق المصرية)

تسلم يا غالى على الموضوع المتميز

رد: مصر واحدة ضد ازمة المرور (مبادرة مصر موتورز لحل معضلة المرور ومشاكل الطرق المصرية)

مصر ايام الملكية كانت بتدى رخص للباعة الجائلين وكان بيوقع عليهم غرامات اذا تجاوزو القانون ونفس الكلام بالنسبة للكارو حتى

مشكلة الباعة الجائلين محتاحة تقنين ومواجهه واقعية لان دول فى الاخر ناس عايزة تاكل عيش ومعندهاش امكانية تأجر او تمتلك محلات
ده غير ان اقتصاد الشارع عموماً وما يشملة من بضائع مرهبة يعتبر (خرم) اقتصادى كبيييييير يغرق اقتصاد بلد بحالها او يحيه

فاحنا عايزين نطالب الاحزاب والقوى السياسية بسن تشريعات تقنن عمل الباعة الجائلين بدلاً من محاربتهم كما كان يحدث من النظام السابق
وفى نفس الوقت استخدام وسائل التقنين ديه فى الزامهم بضوابط وتشديد العقوبة على مخالفتها

وفى نفس الوقت عايزين نعمل دراسة ميدانية عن مشكلة الباعة الجائلين مبنية على حوار حقيقى معاهم ونجرب نقترح عليهم مثلا تغيير اماكن عرضهم لبضاعتهم ومساعدتهم على بيعها وايصال تقديرنا ليهم وكفاحهم من اجل لقمة العيش وطبعاً الكلام ده لو كان فى رمضان ممكن يكون ليه صدى طيب ان شاء الله

ونتمنى ان التجارب ديه تكون مصورة فيديو او صور او الاتنين

عايزين نواجه ونحاور اطراف المشكلة سواء باعة جائلين او سواقين ميكروباص او اطفال الشوارع ونسجل كل ده

انا اعرف واحد صاحبى نزل فى مرة من عربيته وكلم بعض الباعة الجائلين مفترشى الطرقات ونصحة بكل ذوق ولين لتغيير طريقة فرشة للبضاعة بما يسمح بافساح الطريق وذكر له حق الطريق واهمية مراعاه ان لا ضرر ولا ضرار كواحدة من اسباب الرزق ونفع الراجل بشراء بعض مما يبيع ومشى وبالفعل البائع تاثر بالنصح وغير من مكانه

ومش نتوقع برضو ان الموضوع بالبساطة ديه اكيد اللى هينزل هيلاقى اعتراضات ويمكن مببرات كمان ودورنا زى ما قولت نجمع كل ده بالحرف والصورة والصوت على قد ما نقدر علشان نحلل المشاكل بنماذجها ونوصل لحلول عملية بجد

رد: مصر واحدة ضد ازمة المرور (مبادرة مصر موتورز لحل معضلة المرور ومشاكل الطرق المصرية)

اقتباس:

المشاركة الأصلية كتبت بواسطة yahiaashraf (المشاركة 716751)

تسلم يا غالى على الموضوع المتميز

تسلم يا باشمهندس ويشرفنى مشاركتك وانضمامك واكيد عندك مقترحات وافكار كتير تفيدنا بخبرتك عن الطرق المصرية وخارج مصر