مصر موتورز مجتمع السيارات

كنتم حضرتكم تفضلتم متكرمين بالـمبركة لى على السيارة لادا 1500 امبارح اجى دلوقتى ابص فى الرخصة القيها مكتوب عليها لادا 2106 مش 1500 المهم الراجل اللى باع ليا السيارة قال اثناء كتابة العقد انها بها خرم صغير فى الرادرتير قولت ماشى سهرت بالليل وقولت اشوف ايه اللى فى العربية وأكتشفت الآتى :
- المياة المتسربة ليس من الردارتير وإنما من طبة المياة الموجودة بجوار المرش قولت لميكانيكى شارعنا علشان يعملها علشان هيا حاجة مش صعبة وانا ابقى ظلمته لو قلت انه ميكانيكى المهم حل العمة وبعدين الكربراتير والفرن بتاع الجكمان وحل المرش علشان يوصل للطبة ووصل الى الطبة وبعدين وانا واقف جنبة القيها زق الطبة داخل بلوكة المتور هل الكلام ده ميعملش حاجة فى الميكنة ولا ايه وغير كده اشتريت طبه جديدة بـ 2.5 وفى الآخر طلب من والدى 30 جنية وانا بقول ان ده ياما اوى على تغير طبة ولا ايه.
ثانيا العربية ساعات اجى ادورها متدورش وساعت تانية تبقى تمام مع انى البطارية بحالة جيدة انا شاكك لايكون جلب مارش او شربون.
ثالثا : الدركسيون تقيل جدا وفيه بوش واحتمل يكون فى عضة وأحتمل كبير تكون علبة الدركسيون عايزة تتغير.
رابعا : تحتاج لظبط زوايا علشان العجلتين اللى اقدم لوحين على جوة.
خامسا الفرامل لاتعمل بكفاءة يعنى لو قدر الله واحتاجات ادوس فرامل خطر العربية مش هتقف بل تهدى واخدت من الفرامل هواء وتحسنت حاجات بسيطة جدا.
يريت تفيدونى اعمل ايه يا جماعة ولكم جزيل الشكر.

أخوكم محمد
:Wkiss5::Wkiss5::Wkiss5: