مصر موتورز مجتمع السيارات - مشكلة تعريق زيت على موتور ابيزا 94

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - مشكلة تعريق زيت على موتور ابيزا 94 (https://www.masrmotors.com/vb/showthread.php?t=87314)

رد: مشكلة تعريق زيت على موتور ابيزا 94

اقتباس:

المشاركة الأصلية كتبت بواسطة مشمش1 (المشاركة 677755)

السلام عليكم

التفويت بيبان في السحب في المطالع و لون العادم بيكون لونه ازرق فاتح وبيكون هناك نقص كبير في الزيت بس ان شاء الله يكون جوان غطاء التاكيهات

والله المستعان

وعليكم السلام
اشكرك عزيزى على الرد... واعرفك ان الدخنة لونها اسود وهو غالبا ضبط هوا وبنزين... وغالبا لازم احل غطاء التاكيهات زى ما قلت لأنة فعلا سبب المشكلة.

رد: مشكلة تعريق زيت على موتور ابيزا 94

اقتباس:

المشاركة الأصلية كتبت بواسطة mohamed ibiza (المشاركة 677801)

مفيش اي قلق الموتور زيه زي البني ادم بيتنفس و البخر ده عادي طالما الموتور مبياكلش زيت و اداءه كويس خلاص و اغسل الموتور غسلة كويسة و اعمل سرفيس في معاده و متسبش الزيت يعد اكتر و الزيت اللي تحطه يكون مناسب للموتور و موتور الابيزل 94 ال 1300 احسن زيت ليه هو توتال كوارتز 5000 عن تجربة ..

اشكرك يا محمد على الرد
فى الحقيقة انا عاوز فعلا اغسل الموتور غسلة محترمة بس خايف من تبعات الغسيل مانتا عارف يا المكنة اشتغلت يا طلعت عينك فى الدوارة.... بس ناس نصحتنى بالغسيل الكيماوى!!!!! اية رأيك
وبالنسبة لأكل الزيت فهو غير ملحوظ اللهم نقص نتيجة تنقيط خفيف بسبب تفويت فى صامولة تغيير الزيت من عامل المحطة الله يسامحة...
وانا مداوم على تغيير الزيت بميعادة ومريحنى موبيل بتاع ال3000 كم بس ممكن اجرب كوارتز.
المهم كل دة قلقنى لأن الميكانيكى خوفنى وقالى ماتشغلش التكييف لأنة حيقصف عمر المكنة ودة اللى راوشنى...:w6w200504112236 376d

رد: مشكلة تعريق زيت على موتور ابيزا 94

يا باشا الابيزا عربية تستحمل و ان شاء الله بسيطة :CONGRA~238:

رد: مشكلة تعريق زيت على موتور ابيزا 94

اقتباس:

المشاركة الأصلية كتبت بواسطة FlaminGo (المشاركة 678202)

و انت بتغسل غطي الاسبراتير و الموبينا و اغسل عادي انا طول عمري كنت بعمل كده .. و متشغلش تكييف الا لما تظبط موتورك و تخليه فايق جدا و لو موتورك اصلا حالته كويسة و قوي شغل تكييف عادي بس متقرصش علي الموتور و انت مشغل التكييف لان الموتور حجمه صغير برضه فا متحملش عليه جامد يعني اما لو موتورك حالته متوسطه فا التكييف هيجيب اخره بسرعة

رد: مشكلة تعريق زيت على موتور ابيزا 94

بسم الله الرحمن الرحيم
بص يا باشا لو الترشيح دة من فوق يبقي بسبب جوان غطا التاكيهات
يبقي هتعمل ايه :
هتتوكل ع الله وهتروح تشتري جوان غطا تاكيهات ( هو اسمة كدة ) هتلاقي سعره يبدأ من 30 لغاية 50 او 60 جنيه و تشتري علبة جملكة صغيرة تقريباُ دي ب 5 ج
وتروح فاكك الوش دة بتاع التاكيهات اللي في تسريب منه و تشيل الجوان القديم وتنظف مكانة بعد كدة تحط الجملكة وبعدين تحط الجوان عي وش الموتور و بعدين تحط جملكة تاني و تقفل بالغطا وتربط كويس و لو مش عايز تصدع نفسك خد الحاجات دي و روح لميكانيكي يعملهالك بس لازم تغسل الموتور قبل الكلام ده كلة.
وخير ان شاء الله و لا تقلق انا كان عندي نفس المشكلة فالابيزا و عملت كدة واختفي الزيت الحمد لله
MADDRIVE