مصر موتورز مجتمع السيارات - رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

اقتباس:

المشاركة الأصلية كتبت بواسطة samirsaid1 (المشاركة 645168)

طيب ماتجدد المهنية

وتطلع رخصة خاصة فية ناس كتيير عاملاها

و ده ممكن ؟؟؟ طيب انا كدة رسمي انتهت رخصتي 2012/3/31 هل في مشكلة في التأخير و لا معايا فرصة ؟

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

اخى الكريم انا معايا رخصة مهنية من 18 سنة ولسة فى جيبى لغاية النهردة واكيد طبعا معايا خاصة وكنت بسوق بالمهنية ملاكى مفهاش اى مخالفة والعكس هو اللى صحيح الخاصة مفروض ما يسوقش عربيات تجارية خالص ...........خليها لان والله فى ناس اعرفها عملو المستحيل عشان يطلعو مهنية ومش عارفين واكل عيشهم السواقة نيجى احنا نسلمها بمنتهى السهولة لا طبعا ..........اعملك رخصة خاصة مش هتاخد ساعة فى المرور بتاعك وبتجدد كل عشر سنين وخلى المهنية معاك متجددهاش ولما تحتجها هايكون فلوس زيادة بس تامينات ونقابة وشوية طوابير ........عارف انت ممكن تحتجها فى الحج بامر الله وابقى قول محمد قال

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

اقتباس:

المشاركة الأصلية كتبت بواسطة سمارت وير (المشاركة 645196)

و ده ممكن ؟؟؟ طيب انا كدة رسمي انتهت رخصتي 2012/3/31 هل في مشكلة في التأخير و لا معايا فرصة ؟

هو فى رخصة السيارة فية مهلة شهر بعد تاريخها

واكيد رخصة السائق بس اتاكد برضة

لانهم مش بيطلعو الجديدة الا بعد انتهاء القديمة

وبالتوفيق

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

انا زيك معايا مهنيه درجه 3 لظروف
ونانوى اجددها ل 2 واولى إن شاء الله
وحاليا معايا ملاكى
وبشتغل شغل خاص وبالتالى المهنيه هتنفعنى فى التأمينات إن شاء الله

رد: رخصتي هاتنتهي بكرة و عايز أجددها بس لرخصة خاصة ، هل من الممكن ؟؟؟

طيب يا اخواننا ... تغليباً لمبدأ الشورى الملزمة ... و بما إنكم أهل اختصاص ... و رغم قراري الشخصي المخالف للأغلبية هنا ، قررت الآتي :

مادة 1 : البدأ في إجراءات تجديد الرخصة الثالثة من بداية الأسبوع القادم - إن شاء الله.
مادة 2 : استمراراً لأخذ المشورة منكم فهل يمكنني معرفة رأيكم في التالي :
أ - هل يمكن تجديد الرخصة بإجراءات إدارية فقط -أي - بدون مشوار المقطم و التونسي و الكلام إياه ده ؟
ب - هل من الممكن تصعيد الرخصة من ثالثة إلى ثانية مع العلم أني لم أجدد الثالثة من قبل - يعني دي أول مرة تجديد ؟
ج - هل من الممكن معرفة الإجراءات التي سأتبعها عن التجديد و الأوراق المطلوبة لأجهزها - اختصاراً للوقت و الجهد - و ما الرسوم المطلوبة و الوقت المتوقع نظراً لأني مشغول بعدة أمور منهكة و لا وقت لدي ؟

و أخيراً ( بجد ) أنا آسف لإني أثقلت عليكم و رغيت كتيييير
جزاكم الله خيرت http://www.masrmotors.com/vb/images/...7cd%5B1%5D.gif