مصر موتورز مجتمع السيارات - افضل سيارة عملية فى متوسط 60 الف جنية

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - افضل سيارة عملية فى متوسط 60 الف جنية (https://www.masrmotors.com/vb/showthread.php?t=747)

اقتباس:

المشاركة الأصلية كتبت بواسطة ahmedsalah (المشاركة 1161)

ايه باشا الكلام اللى يوجع البطن ده كل خمستلاف اروح ادفع 300 جنية ليييييييييييه هو انا شارى مرسيدس !!!

وبعدين ايه الضمان وايه التامين يعنى مش الاتنين واحد انا عايز ادفع قسط فى حدود 500 - 600 جنية اول عن اخر وكفاية لسه مصاريف البنزين ادفع كمان للتوكيل امال انا جايب عربية زيرو ليه مش علشان اترحم من زيارات الميكانيكى ومصاريف قطع الغيار

معلش يا جماعة انا طول عمرى بركب مستعمل نورونى الله يبارك فيكم انا مش مستحمل تدبيس

الضمان : ضمان ضد أي عيوب صناعة ، ده بيكون من التوكيل

مبتدفعشي عليه فلوس بيكون من ضمن ثمن العربية ،

بس في المقابل لازم تلتزم بالصيانة الدورية في التوكيل
وبيكون بحد أقصي يأما مدة زمنية او عدد كيلومترات

:k_crying77[1]::k_crying77[1]::k_crying77[1]::k_crying77[1]:

التأمين ، نسبة مئوية من ثمن العربية الإجمالي بتختلف من شركة للتانية ما بين 2 % إلي 3% في السنة ،،

و ده بيغطي الحوادث لا قدر الله ،،

حكاية الثلاثمائة جنية دي بقا قياسا علي الفيرنا و لسه في اول عشرين الف ، يعني مدخلتش علي الصيانات التقيلة اللي فيها سيور و بوجيهات و كلام كبير يا دوب تربيط عفشة و زيوت و فلاتر و مصنعيات و مرة واحدة تيل فرامل،،

و المفروض انها من العربيات ذات الصيانة الرخيصة

عموما فيه ناس كتير مابتلتزمشي بالصيانة الدورية مع التوكيل اول بس ما يتأكدوا ان العربية تمام و مفهاش عيوب صناعة ، يعملوا صيانتهم بره خصوصا في العربيات الشعبية زي الفيرنا و اللانوس ،،

رد: افضل سيارة عملية فى متوسط 60 الف جنية

اقتباس:

المشاركة الأصلية كتبت بواسطة Ahmed Anwer (المشاركة 1162)

عموما فيه ناس كتير مابتلتزمشي بالصيانة الدورية مع التوكيل اول بس ما يتأكدوا ان العربية تمام و مفهاش عيوب صناعة ، يعملوا صيانتهم بره خصوصا في العربيات الشعبية زي الفيرنا و اللانوس ،،

طيب ده حل كويس اوى حرام اصلى الواحد يدفع 200 ولا 300 جنية كل شهرين تلاتة مقابل تغيير زيت وفلاتر بس ازاى وامتى الواحد يعرف ان العربية مفيهاش عيوب صناعة !!

رد: افضل سيارة عملية فى متوسط 60 الف جنية

اقتباس:

المشاركة الأصلية كتبت بواسطة ahmedsalah (المشاركة 1190)

لو ناوي علي حاجة هيونداي و حضرتك من القاهرة

ممكن افيدك و ادلك علي واحد محترم جدا و شغال في غبور اساسا

و هيمشي معاك نفس جدول التوكيل و حافظ الهيونداي

و برده لو ناوي علي دايوو اعرف مهندس ممتاز ،،

و فاتح مركز صيانة محترم و الإثنين في الحرفيين ،،

مع العلم ان الأتنين بينصحوا انك تلتزم مع التوكيل فترة الضمان عشان تستفيد بيه ،،

عيوب الصناعة اي حاجة غير طبيعية في العربية و مش مرتبطة بالأجزاء المستهلكة

غالبا العربية اللي بتعدي 20 الف كم من غير مشاكل بيعتبروها كده مستقره لأن لو فيه عيب صناعة كان هيظهر في الفترة دي ،،

خلي بالك صيانة دورية في ميعادها و ملاحظة مستمرة سوائلك و زيوتك مبتنقصشي و مبتقرصشي علي العربية

يبقي حتي لو جبت عربية بنجلاديشي هتعيش معاك

رد: افضل سيارة عملية فى متوسط 60 الف جنية

اعتقد فئه الستينات حيبقى الاختيار السائد ما بين فيرنا , لانوس , وادخل معاهم الفيات سينا الجديده بالرغم من انها تجميع صينى بس تجميع شركه فيات فى الصين يعنى على الاقل فى مراقبه للجوده فيها اكتر من الفيرنا و الانوس

رد: افضل سيارة عملية فى متوسط 60 الف جنية

ياريت يا أبو حميد تقولنا الأول أنت بتفضل أي نوع من السيارات هل تفضل السيارات الصغيره (هاتش باك) أم السيارات المتوسطه (السيدان) ؟

لكي يكون حورنا حول ما ترغبه انت أولا ثم يتم الترشيح ومقارنة السيارات المرشحة إلى ان يوفقك الله لما فيه الخير إن شاء الله
http://www7.0zz0.com/2008/06/18/17/722457454.gif