رد: ساعدوني في الاختيار ارجوكم
 

المازدا 323 عربيه ناعمه جدا و سحبها جميل .. بس مشكلتها انها واطيه شويه .. يعني لو اوزان في العربيه او مطبات عاليه حتحك فيها على طول ... صاجها اخف من ال 128 .... لكن كركوب احسن من 128 بكتيييير
العربيات البيجو اللي بشوفها لسه ماسكه نفسها لحد النهارده ال 504 و ال 505 و ال 405 وبالرغم ان ال 405 احدثهم ... بس كفايه انها مستحمله استخدام الشرطه و عايشه معاهم لحد النهارده

لو حضرتك تقدر تزود شويه وتدخل في موديل من التسعينات ... اونو او فيليشيا
متهيألي ممكن تلاقي سكودا فيفوريت في الرينج ده ... بس أسأل عليها الاول لأن اللي كانت معايا الفيليشيا ومقدرش منها احكم على الفيفوريت

رد: ساعدوني في الاختيار ارجوكم
 

انا متشكر يا جماعة على الردود بس انا ممعييش غير 22 الف وكمان انا لسه بتعلم سواقه
وكمان انا سمعت ان السوق نزل حبتيين

رد: ساعدوني في الاختيار ارجوكم
 

على فكرة انا سمعت ان البيجو 305 بتسخن
الكلام دا صح ولا غلط

رد: ساعدوني في الاختيار ارجوكم
 

اكتر عربية تتحمل الطرق الـ 131 عفشتها جامدة جدا وكمان الـ 132 كانت معانا زمان عربية حلوة برضوا
بس المبلغ دا معتقدش انو يجيب 131 كويسة ممكن تفكر فى الادا 2105 هتكون نضيفة جدا بالسعر دا لسة واحد صديقى مشتريها ب 18 وحالتها كويسة

رد: ساعدوني في الاختيار ارجوكم
 

ميتفعش يبقي ممعكش غير مبلغ تحطه في عربية وتفضل مكشوف بعد كدة
اي عربية مستعملة هتشتريها لازم يبقي فيها شغل
صاحبها مش هيبيعها فبريكة
انصح بوجود مبلغ 5 الاف احتياطي
لانك بمجرد انك تشتري عربية مستعملة تاني يوم تفتح بقها